CLÉMENT MAROT

Me menaçant de me donner le sault,

Et de ce sault m'envoyer, à l'envers,

Rithmer soubs terre et y faire des vers.

C'est une lourde et longue maladie

De troys bons moys, qui m'a toute eslourdie

La povre teste, et ne veult terminer,

Ains me contrainct d'apprendre à cheminer

Tant aiFoibly m'a d'estrange manière,

Et si m'a faict la cuisse heronnière,

L'estomach sec, le ventre plat et vague...

Que diray plus Pau misérable corps

Dont je vous parle il n'est demouré fors

Le povre esprit qui lamente et souspire,

Et en pleurant tasche à vous faire rire.

Et pour autant, Syre, que suis à vous,

De trois jours l'ung viennent taster mon poulx

Messieurs Braillon, le Coq, Akaquia,

Pour me garder d'aller jusqu'à quia.

Tout consulté, ont remis au printemps

Ma guérison; mais, à ce que j'entens,

Si je ne puis au printemps arriver.

Je suis taillé de mourir en yver,

Et en danger, si en yver je meurs.

De ne veoir pas les premiers raisins meurs.

Voylà comment depuis neuf moys en ça

Je suis traicté. Or ce que me laissa

Mon larronneau, long temps a, l'ay vendu,

Et en sirops et julez despendu :

Ce néantmoins, ce que je vous en mande

N'est pour vous faire ou requeste ou demande :

Je ne veulx point tant de gens ressembler,

Qui n'ont soucy autre que d'assembler.

Tant qu'ilz vivront, ils demanderont eulx;

Mais je commence à devenir honteux,

Et ne veulx plus à vos dons m'arrester.

Je ne dy pas, si voulez rien prester,

Que ne le prenne. Il n'est point de presteur

(S'il veult prester) qui ne face ung debteur.

Et sçavez-vous, Syre, comment je paye?

Nul ne le sçait, si premier, ne l'essaye;

Vous me debvrez (si je puis) du retour :

Et vous feray encores ung bon tour;

A celle fin qu'il n'y ayt faulte nulle,

Je vous feray une belle cedulle,

A vous payer (sans usure il s'entend)

Quand on verra tout le inonde content;

Ou (si voulez) à payer ce sera,

Quand vostre loz et renom cessera.

Et si sentez que soys foible de relus

Pour vous payer, les deux princes lorraias

Me pleignerout. Je les pense si fermes,

Qu'ilz ne t'auldront pour moy à l'ung des termes.

Je sçay assez que vous n'avez pas peur

Que je m'enfuye, ou que je soys trompeur;

Mais il faict bon asseurer ce qu'on preste.

Brief, vostre paye (ainsi que je l'arreste)

Est aussi seure, advenant mon trépas,

Comme advenant que je ne meure pas.

Advisez donc : si vous avez désir

De rien ptester, vous me ferez plaisir;

Car puis un peu, j'ay basty à Clément,

Là où j'ay laiot un grand desboursement;

Et à Marot, qui est un peu plus loing :

Tout tumbera, qui n'en aura le soing.

Voilà le poinct principal de ma lettre.

Vous sçavez tout, il n'y fault plus rien mettre :

Rien mettre, las! certes, et si feray,

Et ce faisant, mon style j'enfleray.

Disant : O roy amoureux des Neuf Muses,

Roy, en qui sont leurs sciences infuses,

Roy, plus que Mars, d'honneur environHé,

Roy, le plus roy qui fut onc couronné,

Dieu tout puissant te doint pour t'estrener

Les quatre coings du monde à gouverner,

Tant pour le bien de la ronde machine,

Que pour aultant, que sur tous eu es digne.

GLKMENT MAIIOT 385