BALLADE DES DAMES DU TEMPS JADIS

Dictes-moy où, n'en quel pays,

Est Flora, la belle Romaine;

Archipiada, ne Thaïs

Qui fut sa cousine germaine;

Echo, parlant quand bruyt on maine

Dessus rivière ou sus estan,

Qui beauté eut trop plus qu'humaine?

Mais où sont les neiges d'antan!

Où est la très sage Héloïs, Pour qui fut chastré et puis moyne Pierre Esbaillart ù Sainct-Denys ?

Pour son amour eut cest essoyne.

Semblablement, où est la royne Qui commanda que Buridan Fust jette en ung sac en Seine?

Mais où sont les neiges d'antaïf?

La royne Blanche comme ung lys Qui chantoit à voix de sereine; Berthe au grand pied, Bietris, Allys ; Harembourges, qui tint le Mayne, Et Jehanne, la bonne Lorraine, Qu'Anglois bruslèrentà Rouen; Où sont-ilz, Vierge souveraine?...

Mais où sont les neiges d'antan!