LA COUMUNIOUN DI SANT

Davalavo, en beissant lis iue.

Dis escalié de Sant-Tretume ; Ero à rintrado de la niue, Di Vèspro amoussavon li lume.

Li Sant de pèiro dôu pourtau, Coume passavo, la signèron, E de la glèiso à soun oustau Emé lis iue Tacoumpagnèron. .

Car èro bravo que-noun-sai, E jouino e bello, se pôu dire ; E dins la glèiso res bessai L'avié visto parla vo rire ; Mai quand l'ourgueno resiouniis E que li saume se cantavon, Se cresié d'èslre en* Paradis E que lis Ange la pourtavon I

Li Sant de pèiro, en la vesèni Sourti de-longo la darriero Souto lou porge trelusènt E se gandi dins la carriero.

Li Sant de pèiro amistadous Avien près la chatouno en gràci ; E quand, la niue, lou ièmsesdous, Parlavon d'elo dins Tespàci.

— La vourriéu vèire deveni, Disié sant Jan, moungeto blanco, Car lou mounde es achavani E li couvent soun de calanco. —

Les Rêves.