FAIT PAR LA MAJESTÉ DU ROY NOSTRE SIRE, ALENCONTRE DE
GUILLAUME de Nassau y Prince d'Oranges, comme chef et perturbateur de l' estât de la Clirestienté; et speciallement de ces Pays bas : Par lequel chacun est authorisé de l'offenser et oster du monde, comme peste publicque, auec pris à qui le fera et y assistera.
Philippes, par la grâce de Dieu, Roy de Castille, de Léon, d'Arragon, de Nauarre, de Naples, de Sicilîe, de Mallorcque, de Sardaine, des Isles, Indes et terre ferme, de la mer Occeane, Archiduc d'Austrice, Duc de Bourgoingne, de Lothier, de Brabant, de Lembourg, de Luxembourg, de Gheldres et de Milan : Conte de Habsbourg, de Flandres, d'Arthois, de Bourgoingne, Palatin etdeHaynault,de Hollande, deZelande, de Namur et de
Zutphen, Prince de Zvvaue, Marquiz du sainct Empire, Seigneur de Frize, de Salins, de Malines, des cité, villes, et pays d'Vtrecht, d'Oueryssel et Groninge, et Dominateur eu Asie et en Afrique. A tous ceux qui ces présentes verront salut.
Il est notoire à tout le monde comme feu de treshaulle mémoire l'Empereur Charles le Quint Monseigneur et Père, que Dieu absolue, a traitté fauorablement Guillaume de Nassau pour la succession de feu René de Cliallon Prince d'Oranges son cousin. Et comme de là en auant dés sa première ieunesse (encoires qu'il fut estranger) luy a faict auancement, ce que nous auons tousiours successiuement continué et augmenté de plus en plus, l'ayant faict de nostre ordre, enapres nostre Lieutenant gênerai au gouuernemenl de Hollande, Zelande, Vtrechtet de Bourgoigne : ioinctement de nostre conseil d'Eslat, luy faisant plusieurs biens et honneurs. Par ou et à raison des sermens de fidélité et hommages qu'il nous a aussi fait, à c^use des fiefz, terres et Seigneuries tenuz de nous en diuers noz pays et prouinces, il estoit grandement submis et obligé à nous obeyr, seruir et tenir sa foy, et procurer le bien et vtilité de noz affaires : consequamment maintenir tout rcpoz et tranquillité en noz estatz et pays. Toutesfois chacun scait que n auons eu si tost le pied tourné de noz pays bas, que ledict Guillaume de Nassau fait par le moyen que dessus Prince d'Oranges, n'ait par ses sinistres practiques, trames et astuces tenté, premièrement de gaigner les voloutez de ceux qu'il cognoissoit malcontens.
chargez de debtes, hayneux de la Iiistice , studieux de nouueaultez, et sur tout, ceulx qui estoyent suspectz de la Religion, les caressant, sollicitant, et tirant à soy par belles parolles, promesses et vaines persuasions, iusques à là qu'il a esté le principal auteur, promoteur et instructeur de la première requeste présentée par quelques troupes de ieusnes gentilzhommes fi^quentans iournellement sa maison et table; mesmes le complot en fut faict en sadicte maison, à l'assistence du Conte Loys de Nassau son frère, grand hérétique. Et iaçoit qu'il fut directeur de toutes ces menées, si frequenloit il en ce temps là iournellement le conseil d'Estat, estant présent à toutes délibérations et resolutions que s'y prenoyent : de manière que chacun peult remarquer sa bonne foy,etrobseruancedesessermens.Etainsipassantdeladicte requeste oultre,luy et ses adherens introduyrent les presches hérétiques, et assemblées publiques en plusieurs lieux de nosdictz pays, pendant que la Ducesse de Parme, lors Régente et Gouuernante generalle de noz Pays bas nostre treschere et tresaimée sœur auoit enuoyé vers nous pour donner ordre sur ladicte requeste. Et pareillement par l'aduis, du sceu et participation dudict d'Oranges commencèrent les hérétiques (guidez par ces présentateurs de ladicte requeste, fauorisez de luy) a tumultuairement rompre images, autelz et Eglises, prophaner toutes choses sainctes et sacrées, voire les Sacremens ordonnez de Dieu : neantmoins par la grâce diuine et la prouidence de ladicte Dame, les choses furent ainsi gouuernées et remédiées, qu'il fut contrainct se retirer
de nosdicts pays et quicter sesdicls gouuernemens : loulesfois non sans estre plain de courroux et menaces de s'en vouloir venger. Ce qu'il pensa Tannée ensuyuantc exécuter par armes, mais en vain, car il fut sy viuement poursuyui de nostre armée allant continuellement à sa suyle,qu'il fut dechasséde tous nosdicts pays, sans ypouuoir demeurer quelque pari. iMais comme aucun temps après se leua en pluî^ieurs lieux quelque mescontenlemenl de nosdictz subiectz contre le gouuernement du Duc d'Aiue, succédé à ladicte Dame audict gouuernement, entre aultres, es prouinces de Hollande et Zelande, il practiqua d'y pouuoir retourner. A quoy toutesfois il ne fut receu que premièrement ne iura sainclement aux estatz desdits pays, et aux villes, qu'il mainliendroit lesdicts pays et villes pour nous et en nostre obéissance, et qu'il ne cliangeroit riens que fut en l'ancienne Religion Catholique et Romaine. Seulement comme gouuerneur les assisteroit et deflenderoit contre ledict Duc d'Alue, s'il les vouloil forcer et violenter à ce qu'il pretendoit : assauoir aux dixième et vingtième deniers d'imposition qu'il vouloit mettre sus; chose que ne luy auions commandé, ny entendions estre faite, sinon du hon gré el volonté de nosdicts subiectz; encoires au lieu d'aultres aydes et impositions, dont on les entendoit descharger. Toutesfois si tost que ledict de iNassau fut entré et receu dedans ledict gouuernement, commencea par ses ministres et supposlz introduire les presches hérétiques, ou il pouoit, persécutant tous les bons pasteurs, prédicateurs, religieux et gens de bien, dont il dechassa vu bien grand
nombre; et entre iceux, il eu fit massacrer plusieurs, ou dissimula au massacre qui en fut fait par aucuns ses adherens, jusques à ce que lesdictz Estatz grandement offensez de ceste cruaulté en voulurent auoir raison : lors faignit la chose luy desplaire. Et neantmoins du depuis retourna^à son premier but, mal traittant ceulx qu'il recognoissoit Catholiques, et contraires à ses desseingz, s'assistant du conseil des ministres hereticques tant estrangers que dudict pays, changeant semblablement les Magistratz qu'il scauoil ne fauoriser ses entreprinses et desseings : et depuis est venu à introduire liberté de conscience, ou (à vray dire) confusion de Religion, dont tost après est aduenu que les Catholiques ont esté ouuertement persécutez, deiectez et deschassez, les Eglises et Monastères tant d'hommes que femmes, rompuz, ruynez et iectez par terre : les Religieux et Religieuses mal traittez, banniz et exterminez, s'ilz ne vouloient apostater et mesmes se marier, car des aultres il ne se confioit. Comme aussi luy depuis homme marie qu'il estoit, viuant encoires sa seconde femme, auroit prins vue Religieuse et Abbesse beniste solemnellement de main Episcopalle, qu'il tient encoires auprès de luy : chose la plus deshontée et infâme que puisse estre, non seulement selon la Religion Chreslienne, mais aussi par les loix Romaines , et contre toute honnesteté : et finablement a tant procédé qu'il n'a donné plus lieu à la Religion Catholique, souffrant tous les erreurs et impietez de toutes aultres sectes et hérésies, pour exterminer et desrâciner (s'il pouuoit) la nostrc Catholique et saincte,
obseruée de tout temps par Fvniuers estai des Clirestiens. Ce pendant il a ainsi fait opiniatrer noz paourcs subiectz de Hollande^ et Zelande, et reduict en telz termes, que presque toutes les villes Tvne deuant, lautre après, ont esté assiégées et prinses, aucunes d'assault, aultres par composition et reddition ; tellement que plus d'vne fois il a esté sur le poinct d'estre boulé bors par noz armes, iusques que estant mort le grand Commandeur de Castille, lequel auions commis aussi successeur eniceluy gouuernement après ledictDucd'Alue(par nous rappelle pour plus donner de contentement à noz subiectz) les choses seroient venues en vn desordre et désobéissance des gens de guerre, ayans prin^ la ville de Ziriczee, lequel desordre commencea à donner quelque faveur audict de iVassau; ettot après lesEstatzgeneraulxde noz pays de pardeça desirans vne fois sortir de ces calamitez de guerre, persuadez dudict d'Oranges, disant et simulant ne désirer que le bien, repos et tranquillité des pays, les faire quicles des gens de guerre eslrangcrs, et retenir le pays soubs noslre obéissance , ensemble conseruer en ieeux l'ancienne Religion Catholique, telle qu elle j auoit toujours esté exercée, et garder les preuileges et liberté dudit pays, feirent auec lui le traicté de Gand , estably expressément sur ces deux fondomens speciaulx, de maintenir icelle religion et noslre obéissance. Eniretant enuoyasmes noslre bon frère feu le Seigneur Don loan d'Austrice (de bonne mémoire) auec commandement et intention de accommoder, reconcilier et accorder tous les troubles de nosdicts pays par la plus
doulce et gratieuse voie que faire se pourroit : ce qu'il feit, indulgeant à noz subieclz tout ce qu'aucunement leur pouuoit estre concédé : ratifliant aussi ledict traitté de Gand, qu'il fît publier par tout en la manière accoustumée. ^. quoy contredit de toutes ses forces ledict d'Oranges ; mais ne le pouant empescher, ne voulut oncques par après le faire publier es lieux de ses gouuernemens, indigné qu'il ne l'auoit peu empescher (comme dit est : ) nonobstant que nous mesmes eussions depuis approuué, emologué et ratiffié l'vn et l'autre accord et traicté, et que nostredit bon frère, ensemble les députez des autres Estats eussent enuoyé diuers grands et bons personnages vers ledict d'Oranges pour le persuader à cela, affm d'effectuer de sa part ce à quoy il estoit tenu et obligé par les capitulations dudict traitté de Gand ; et pource qu'il causoit et alleguoit tousiours de debuoir recouurer son gouuernement entier, consequamment que les villes qui ne l'auoyent voulu recognoistre pour gouuerneur, ou bien celles que depuis auions reprins par force d'armes, et reduict autrement en nostre obeyssance , fussent mises soubz sondict gouuernement, il y futsatisfait par la bonté et facilité de nosditz Estatz , qui n'auoyent encoires lors assez cogneu ses impostures et periures, moyennant toutesfois qu'il iura qu'il ne cbangeroit riens de la forme de ladicte ancienne Religion Catholique et Romaine, et que pource donna les seuretez et satisfactions que les magistratz, bourgeois et inhabitans de chacune ville pouuoient iustement demander. Sur quoy ayant esté disputé long temps sur les seuretez que chacune ville demandoit, alllin
que leur fut gardé ce que ledict d Oranges leur pronielloit, se seroient remises soubz son gouuernement , après qu'il eust iuré les poinlz susdilz et auUres contenuz es instruments d'icelles satisfactions : mais tant s'en fauit ([u il ait tenu et obserué sesdictes promesses iurées, que au contraire il a incontinent introduit en icelies ses ministres et prédicateurs Caluinistes, il a fait retourner les hérétiques banniz, il a illecq pracliqué liberté de conscience, et faict faire quelques scandales en quelques églises, s'altachant premièrement aux mendiantz, après aux magistratz, qu'il a petit à petit persécuté, et mys en fuyte les bons pasteurs; finablement expulsé et banny loute la Religion Catholique, et interdit rexerciced'icclle. Quoy faisant vsoit de ses hypocrisies et simulations accoustumées, disant luy desplaire, et qu'il n'y pouuoit remédier : neantmoins instigeoil soubz main, tant par luy (jue ses administres, tous les séditieux et hérétiques à vser de ces malices : et pour ce faire par Fassistence des siens, meltoit fil à fil garnison dedens les villes contre ses pactions et promesses iurées, ce pendant ne cessoit accuser noslredict frère Don loan, qu'il machinoit contre les Ëstatz, ce que toulesfois nostredict frère nous a tousiours asseuré n'estre vray : trop bien, que voyant l'obstination et malices dudict d'Oranges, pouuoit auoir communiqué auec aultres, comme on le pourroit amener à la raison, et empescher qu'il ne troublast derechef tout le repos publicq desdicts pays, comme il a fait par après. Ce nonobstant ledit d'Oranges n'a désisté iusques que par ses practicques et trames (à luy bien propres) a mis
vue telle diffidence entre nostredict frère et les Eslatz de nosdictz pays, que ne se voyoit que vng tresgrand et euident massacre apparant : de sorte que pour euiter ce desordre, ou du moins l'emprisonnement de sa personne, iceluy Don loan'se mist à seureté en noz ville et chasteau de Namur. A quoy fut meu de tant plus qu'il n'estoit en riens armé, au contraire qu'il estoit clair et certain que ledict d'Oranges par tous ses émissaires et ministres appostez, ne cessoit d'inciter les factieux à faire le semblable sur sa personne , comme la mesme année auoit fait faire sur ceux de nostre conseil d'eslat commis au gouuernement gênerai de nosdictz pays : que lors ledict d'Oranges estimant auoir le toutgaigné,commencea à descoclier toutes ses flesches, ruses et armes, pour attirer nostre peuple en guerre ouuerte contre nostredict frère Lieutenant gênerai. Toutesfois par interuention de bons personnages estans prez sa personne et d'aultres gens debiendu costé des Estatz, les cboses esloyent sy auant venues, que le tout s'estoit accommodé, et que d'vne part et d'aultre, pour euiter toute occasion de dilîidence, auoit accordé se retirer du gouuernement et passer en Italie, comme aussi en estoit nostre vouloir : et estoyent les Députez des Estatz vers luy, pour accepter et signer réciproquement les offres et contre-offres. Mais de malheur cest ennemy commun perturbateur du repos publicq, lequel (cognoissant que du lieu de Hollande ou il estoit, ne pouuoitauectous ses artifices plus empescliercestepaixet reconciliation) se hasla venir sur ce point à Bruxelles, et simulant vouloir la paix, procuroit la guerre, mettant en
auant nouuelles conditions non encoires pourparlées ny ouuertes, tellement qu'il paruint à son but, rompant tout l'accord (comme il est à chacun notoire.) En après estant venue la chose à rupture de guerre ouuerte et trèscruelle, se feit par force et tumulte populaire contre la volonté des Eslalz dcclairer Revvart ou protecteur de nostre pays de Brabant, et après second Lieutenant de tous noz pays bas : comme aussi en fin s'est fait choisir par les tumultes de Gand, et de quelques aultres lieux, Gouuerneur de Flandres : ayant aussi fait venir ses frère et beaufrere estrangers pour auoir aultres gouuernemens de noz prouinces : et ce pendant trauaillenl luy et les siens nostre peuple de toutes sortes d'impositions, d'exactions, demandes, Icuces, et quottisations, les plus dures, barbares, et lyranniques, qu'oncques ne sont estez ouyes pareilles, qu'il a exécuté à main forte cl armes sans accord de nostre peuple,et sans rendre compte : et si quelques vngs en parlent, iecte la main sur eulx, ou les faict piller, mal traitter, emprisonner, ou tuer. D'aullre part est manifeste, ce que nous auons continuellement fait, pour accommoder et pacifier le mal entendu, surucnu (comme dit est) entre nostredict Lieutenant gênerai et les Estatz : mais tout ce qui a esté fait de bien par nous, oii nostredict frère, a esté supprimé et caché : Au contraire dequoy, ledict d'Oranges et les siens, ont inuenté mille calomnies pour abuser dauantagenosdiclz subiectz, mesmes comme en la conjuncture de la victoire de Gembloux auions enuoyé le Baron de Selles auec conditions tresraisonnables , pour recepuoir en grâce nosdictz sub-
iectz, et reconcilier le tout, riens ne s'ensuyuit par l'empeschement qu'il y a sceu mettre : combien que par tout ce temps nosdiclz subiectz escripuans tant à nous que à nostre bon frère et nepueu TEmpereur et aultres Potentatz pour iustifier les differens qu ilz auoyent contre iceluy nostre Lieutenant gênerai, protestoient ouuertement de ne vouloir aucune chose changer en la Religion ancienne Catholique Romaine, telle quelle auoit esté de tout temps gardée ennosdictz pays: et ioinctement soubz icelle nous rendre Tobeissance que de droit diuin et humain nous estoit deuë; quiesloyent les seulz deux pointz qu auions tousiours demandé et demandions lors d'eulx, et en quoy estions d'accord. Toutesfois iceluy d'Oranges craignant la reconciliation de nosdictz subiectz auec nous, seroit venu à traîner derechef nouuelles inuentions, pour non seulement empescher cecy, mais aussi rendre (s'il pouuoit) pour iamais la chose désespérée et irrémédiable, par le moyen de corrompre le tout par hérésie : à quoy est paruenu en plusieurs lieux, tant par ruses, finesses, malices et panures bien cognuz à luy et à tous liereticques, que aussi par pure force, vsant du mesme qu'il auoit fait parauant pour gaster et perdre les prouinces de Hollande et Zelande : mettant tout en vne combustion de tumulte populaire, elde saccagement d'églises, prophanations deSacrcmens, massacre ou emprisonnement d'Euesques, Pasteurs, lesuites, Rehgieux, Religieuses, et de plusieurs personnes de bien et d'honneur séculières, renouuellant tous les magistratz, priuant contre tout ordre de droit, priuileges , vsances et obseruances ancien-
nés, les Presidens,Conseilliers, Goiiuerneurs des places, Baillyfz, Preuostz , Drossatz, Escouletles, Eschciiins et aultres officiers catholiques affectionnez à nous, bien et repos du pays : remettant en lieud'iccux etextraordinairenient et par son authorilé, et souuent par tumulte populaire par luy excité (entre lequel il règne et triumphe) tous sectaires, séditieux et personnes turbulentes viuans 'de proye et sacq,et aultres semblables à luy ; de manière (|u il a mis le tout en vne confusion la plus tyrannicque, barbare et sanguinaire qu'oncques fut ouye. Dont estant desplaisantes aucunes prouinces catholicques , mesmes de veoir les consciences des bons ainsi oppressées et violentées , les Eglises, Cloistres, Abbayes , Chasteaux et maisons des gentilz hommes et bons personnages mises par terre , et leurs biens donnez en proye à tous meschans à discrétion de cestuy estranger, et tout Testât du pays subverti par luy, voires iusques à y vouloir forcer Provinces entières contre leur serment et volonté, se sont voulu reconcilier aucc nous : ce qu'il a lasché de toutes partz contredire et empescher: mais elles ont esté plus fortes et constantes que luy. Qui pis est, combien que ledict Seigneur Empereur à Tinstante requeste desdictz Eslatz (qui luy auoient supl)lié d'estre intercesseur et médiateur d'vnc pacification entre nous et eulx) eust esté content de prendre le tout en main pour le vuider : à quoy pour le désir qu'auions (le veoir nostre peuple deliuré de ces calamitez, serions voloiUairement condescenduz : et de fait sa Maiesté Imj)erialle auroit enuoyé à cest effect ses Commissaires en
Coulongne, tant Princes, Electeurs, qu'aulres des plus principaux du sainct Empire, pour entendre les pointz differentiaulx, encoires cecy ne l'a en riens diuerty, ny retenu de ses mauuaises et peruerses intentions : et de fait iceulx Commissaires, ayans le tout ouy et debatu par bonne espace de temps sur les demandes desdiclz Estatz et noz offres, ont résolu et décerné les poinclz et articles qu ilz ont fait publier et imprimer pour estre acceptez d'vnepart et d'aultre. Neantmoins le tout a esté sans aucun effect, non obstant que lesdictz articles fussent si gratieux, iustes et raisonnables qu'il n'y ayt personne de bon iugement qui ne confesse qu'ilz sont plus que souffissans, et qu'avons ofl'ert plus de ce, que par raison nous debuoient requérir nosdictz subiectz. Entretant et pendant ceste communication le dict dOranges, pour contreminer à l'Empereur, et à nous, affîn de désespérer le tout, faict faire vne assemblée en Vtrecht des Députez de quelques villes et pays qu'il tient en son pouuoir, pour pracliquer illec vne nouuelle ligue ou conspiration manifeste et notoire contre ladicte Religion et nous,auec parolles et sermens exécrables et détestables, ne s'abstenans d'iniurier les Commissaires dudict Seigneur Empereur : pour quoy faire, se faict assister par sesdictz frère et beaufrere et aultres apostez : ce que par grandes sollicitations, practiques, calomnies et importunes promesses, et presque par force a extorqué de plusieurs quartiers : et nonobstant tous debuoirs faits par lesdicts Commissaires de faire entendre aux prouinces leurdicte bonne et saincte résolution
si salutaire à noz subieclz, il a fait par ses adherens et personnes supposées (dont il se sert pour instruments) que lesdictz articles ont esté long temps supprimez, et comme ne se pouuoient plus celer, n'a seulement empesché qu'ilz ne fussent acceptez, mais a procuré que fussent escriptz liures pernicieux au contraire farciz de tous mensonges et calomnies : et de plus en fin les Députez qu'il a en Anuers auprès de luy de la mesme farine ont demandé articles plus griefz, impertinens, exorbilans, scandaleux et pleins d'impiété contre Dieu et nous leur souverain Seigneur et Prince naturel, telz que ne se peult dire plus : mesmement comme il a veu que encores auec tous ses arts, persuasions, et Irauaulx, il ne les peult du tout gaigner, il s'est délibéré en fin sortir d'Anuers, dont il n'auoit bougé par plus de deux ans, et est allé en nosireditc ville d'\'lrecbt, aflin de paracbeuer 1 exécution de ladicte damnablc ligue, et pour à iamais rendre toutes cboses irrémédiables : et generallement s'est ainsi comporté en toute sorte de tyrannie, qu'il a descbassé et exterminé tous gens d'église, mesmes a ainsi traitté les S", et toute la principalle noblesse de noz pays, qu'ilz ont esté contrainctz se retirer et abandonner leur pays, affin que luy y règne et domine plus absolu- Icment entre les furies et tumultes populaires, estans les bons descbassez : et pource que toute ceste confusion et malbeur, que souffrent noz pays, se recognoisl procéder du conseil, enbort, instigation, et du faict de ce malbeureux bypocrite, par son esprit irrequiet, et qui mect toute sa félicité au trouble de noz subieetz; consequam-
ment qu'il est notoire tant qu'il soit en noz pays, iamais n y peult y auoir paix, repos , ny aucune quiétude, fondant tout sur une dilïïdenee perpétuelle, qu'il a tousiours en bouche, (chose ordinaire à meschantz qui ont la conscience exulcerée auec Caym, ludas et leurs semblables) aussi que non obstant les réquisitions et offres que luy sont esté faites, mesmes par les Commissaires Impériaux, luy présentant tresgrands auantages, aflin qu'il voulsist se retirer au lieu de sa naissance, (ou naturellement chacun doibt désirer viure le plus) n'y a voulu entendre, et luy estranger ayme mieulx perdre noz pays, qu'acquiescer, à ce qu'il conuient pour le bien de noz subiectz naturelz d'iceux.
Pour ces causes, qui sont si iustes, raisonnables, et iuridicques ; nous vsans en ce regard de l'autorité qu'auons sur luy, tant en vertu des sermens de fidélité et obéissance qu'il nous a souuent fait, que comme estant Prince absolut et souuerain desditz pays bas : pour tous ses faitz peruers et malheureux, et pour estre luy seul Chef, autheur et promoteur de ces troubles, et principal perturbateur de tout nostre estât, en somme, la peste publicque de la republicque Chrestienne, le declairons pour trahistre et meschant, ennemy de nous et du pays. Et comme tel l'auons proscript et proscripuons perpétuellement hors de nosdictz pays, et tous autres noz Estatz, Royaumes et S"^^ interdisans et defendans à tous noz subiectz de quelque estât, condition ou qualité qu'ilz soyent, de hanter, viure, conuerser, parler, ny communiquer auec luy, en appert, ou couuert, ny le receuoir,
ou loger en leurs maisons, ny luy administrer viures. boire, feuz, ny autres nécessitez en aucune manière, sur paine d'encourir nostre indignation, comme c\ après sera dit. Ains permellons a tous, soyent noz subiectz ou aul- Ires, pour Texeculion de nostredicte Déclaration, de Tarrester, empescher, et s'asseurer de sa personne, mesmes de Toffenser tant en ses biens qu'en sa personne et vie, exposant à tous ledit Guillaume de Nassau, comme ennemy du genre bumain, donnant à cliacun tous ses biens, meubles et immeubles, ou qu'ilz soyent situez et assiz, qui les pourra prendre et occuper, ou conquérir : exceptez les biens qui sont présentement soubz nostre main et possession. Et aflin mesmes que la cbose puisse estre eiïectuée tant plus promptement, et pourtant plus tost deliurer nostredicl peuple de cesle tyrannie et oppression, vueillant appreinier la vertu et cbastier le crime, promenons en parolic de Roy, et comme ministre de Dieu, que s'il se trouue quelcun soit de noz subiectz ou estrangers, si généreux de cœur, et désireux de nostre seruice et bien publicq, qui sache moyen d'exécuter nostredicte ordonnance, et de se faire quicle de ceste dicte peste, le nous deliurant vif ou mort, ou bien luy ostant la vie : nous luy ferons donner et furnir pour luy le ses hoirs en fondz de terres ou deniers comptans à son chois, incontinent après la chose effectuée, la somme de vingtcincq mil escuz d'or : et s'il a commis quelque delict ou fourfaict, (quelque grief qu'il soit) nous luy promettons pardonner, et des-maintenant luy pardonnons, mesmes s'il ne fut noble, l'anoblissons pour sa valeur :
— ^il —
et si le principal facteur prend pour assistence en son entreprinse, ou exécution de son faict, aultres personnes, leurs ferons bien et mercede, et donnerons à chacun d'iceux selon leur degré et seruice qu ilz nous auront rendu en ce poinct ,leur j^ardonnant aussi ce que pourroyent auoir mesfaict, et les anoblissant semblablement. Et pour autant que les receptateurs, fauteurs et adherens de telz tyrans sont ceulx qui sont cause de les faire continuer, nourrir, et entretenir en leur malice, sans lesquelz ne peuuent les ineschans dominer longuement : Nous déclarons tous ceux qui dedans un mois après la publication de la présente ne se retireront de tenir de son costé, ains continueront luy faire faueur et assistence, ou aultrement le hanteront, fréquenteront, suyvront, assisteront, conseilleront, ou fauoriseront directement ou indirectement, ou bailleront argent d'icy enauant, semblablement pour rebelles de nous et ennemys du repos publicq, et comme telz les priuons de tous biens, noblesse, honneurs et grâces présentes et aduenir, donnans leurs biens et personnes, où quMlz se puissent trouuer, soit en noz Royaumes et pays, ou hors d'iceux, à ceux qui les occuperont, soyent marchandises, argent, debtes et actions, terres, S'"'^^ et aultres, si auant qu'iceulx biens ne soyent encoires saisiz en nostre main (comme dit est : ) Et pour paruenir à larrest de leurdicte personne ou biens, souffira pour preuue, de monstrer qu'on les auroit veu après le terme mis en ceste, communiquer, parler, traitter, hanter, fréquenter en publicq ou secret auec ledict d'Oranges,ou luy auoir donne particulière fa-
ucur, assistence ou ayde direclenient ou indirectement. Pardonnant toutesfois à tous, tout ce que iusques audicl temps auroyentfaitau contraire, se venans reduyre et remeltresoubzladeueetlegittimeobeissance,quilznousdoibuent,en acceptantledict traicté d'Arras arresté à Mons, ou les articles des Députez de TEmpereur à Coulongne.Si donnonsen mandement à noztreschers etfeaulxles Chefs, Presidens, et gens de noz Priué et Grand Consaulx, Chancelier et gens de nostre conseil en Brabant, Gou- \erneur. Président et gens de nostre conseil à Lu.xembourg, Gouuerneur, Chancelier et gens de nostre conseil en Gheltfres, Gouuerneur de Lembourg, Faulquemont, Daelhem et d'autres noz pays d'oultremeuze, Gouuerneur, Presidens et gens de noz consaulz en Flandres et Arthois, Granlbailly de Haynau, et gens de nostre conseil à Mons, Gouuerneur Président et gens de nostre conseil en Hollande, Gouuerneur, Président et gens de nostre conseil à Namur, Gouuerneur, Président etgefis de nostre conseil en Frize, Gouuerneur, Chancelier et gens de nostre conseil en Oueryssel, Lieutenant de Groningen, Gouuerneur, Président et gens de nostre conseil à Vtrecht, Gouuerneur de Lille Douayet Orchies Preuost, le Conte à Vallenchiennes, Bailly de Tournay et du Tournesiz, Rentmaistres de Bevvest et Beoisterschelt en Zelande, Escoulette de Malines, et tous aultres noz iusliciers et ofticiers et ceulx de noz vassaulx qui ce regardera, leurs Lieutenans et chacun d'eulx endroit soy et si comme à luy appartiendra, que ceste nostre présente déclaration, edicl et ordonnance ilz facent publier cha-
cun en son endroit es lieux et limites de leur iurisdictioii, où on est accoustumé faire cryz et publications, alïin que nul n'en puissepretendre cause d'ignorance : et au surplus gardent, obseruent et entretiennent, et facent garder, obseruer et entretenir inuiolablement tous les pointz et articles y contenuz selon leur forme et teneur, procédant et faisant procéder respectiuement à la recompense, appremiation, paine et punition dessus mentionnées sans aucune faneur, port ou dissimulation. De ce faire et que en dépend leur donnons et à chacun d'eux plain pouuoir, auctorité et mandement especial, mandons et commandons à tous, que à eulx le faisant ilz obéissent et entendent diligemment. Et neantmoins comme présentement lesdictes publications ne se pourront faire es villes, pays et chastelenies occupées par la rébellion dudit d'Oranges. Nous voulons que les publications que se^ feront aux plus prochaines villes estans en nostre obeyssance soyent de toute telle valeur et effect, comme si faites estoient par tout es lieux et places accoustumées, et pour telles les auons auctorisées et auctorisons par cesdites présentes, mesmes voulons et commandons que incontinent elles soyent imprimées par imprimeurs iurez de noz vniuersitez de Louuain ou Douay, en deux diuerses langues, affîn qu'il vienne plus facillement à la cognoissance de tous : et telle est nostre grâce, décret et bon plaisir. En tesmoing de ce nous auons fait mettre nostre grand seel à ces présentes que furent faites en nostre ville de Maestricht le xv™'^ • jour du mois de Mars, l'An de grâce mil cinq cens quatrevinglz, de noz règnes.
asscauoir des Espaignes, Sicille etc. le xxV"'- El de Naples le xxvij"**
Par ordonnance expresse de sa Maiesté,
VERREYCREN.
Et sont lesdictes lettres scellées du grand seel de sa Maiesté en cyre vermeille et double queue pendant.
