PAR LEQUEL IL PROSCRIPT LEDICT SEIGNEUR

Dont apperra des calumnies et faulses accusiUions CQtUenues en ladicte Proscription.

Ce que j'ai tousjours demandé à Dieu, Messieurs, et désiré de tout mon cœur, me vouloir accorder des le temps que j'ai voué ma personne et ce que favoi de moiens en ce monde,

pour le recouvrement de vostre liberté, l'asseurance de vos personnes, biens et consciences , si dis-je j'auroi oneques préposé ce qui me touche en particulier à vostre salut en gênerai, en ce cas que je portasse une peine et ignominie éternelle laquelle j'auroi attirée sur moi par ma propre volante : Mais au contraire si ce que j'ai faict parcidevant eust esté seulement entrepris par moi pour la conservation de vostre estât, et que j'eusse soustenu une grande partie du faix de ceste présente guerre seulement pour le salut commun de la patrie; que la haine conceuë par les mesehants contre le pais et contre toutes gens de bien et d'honneur, aiant esté pour quelque temps dissimulée et couverte en leurs cœurs, vint à se desgorger tout à la fois plustost sur moi seul que sur tant de gens de bien, et mesmes sur le gênerai de la Repiiblicque : que si ma volunté avoît esté telle envers vous, Messieurs, vos enfans, vos villes, et communaultés, j'en peusse rapporter quelque jour un tesmoignage solennel tant pour le repos de ma conscience que pour mon honneur envers tous peuples de la terre, et envers toute la postérité : Maintenant je me rcsjouï grandement et rends grâces immortelles à nostre bon Dieu et ai grande occasion de contentement et satisfaction puisqu'il permet m'en estre rendue une si rare, si noble et si excellente marcque par ceste proscription cruelle, barbare, et dont jamais n'a esté ouîë la semblable en ces païs,recommandez envers tous peuples et nations pour leur singulière et incroiablc humanité. Car combien que rien ne soit plus désirable a l'homme qu'un cours de sa vie entiere,heureux, prospère, et cgal sans aucun heurt ou mauvaise rencontre : toutesfois si toutes choses me fussent venues à souhait et sans avoir rencontré la haine de la nation EspaignoUe et de ses adhcrens, j'auroi perdu l'avantage de ce tesmoignage qui m'est rendu

par mes ennemis, lequel j'estime estre le plus excellent fleuron de gloire dont j'eusse peu désirer devant ma mort estre couronné. Qu'est-ce qu'il y a plus àggreable en ce monde et principalement à celui qui a entrepris un si grand et excellent ouvrage, comme est la liberté d'un si bon peuple,opprimé par si meschantes gens, que d'estre haï mortellement par SL>s ennemis, et ennemis ensemble de la patrie; et par leur propre bouche et confession recevoir un dous tesmoîgnage de sa fidélité envers les siens, constance contre les tyrans et perturbateurs du repos publicq ? Tellement que de tant de plaisirs que les Espaignolz et leurs adherens m'ont faicts pensants me faire desplaisir, comme par ceste infâme proscription ils ont pluspensé me nuire,aussî ils m'ont d'advantageresjouî et m'ont donné plus de contentement. Car non seulement j'en ai receu ce fruict, mais aussi ils m'ont ouvert un champ pour me défendre plus ample que je n'eusse osé désirer, et pour faire cognoistre à tout le monde l'équité et justice de mes entreprises, en laisser à ma postérité un exemple de vertu imitable à tous ceux qui ne vouldront deshonnorer la noblesse des ancestres dont nous sommes descendus, et des-' quels un seul n'a jamais favorisé la tyrannie, ains tous ont aimé la liberté des peuples , entre lesquels ils ont eu charge et authorité. Je n'ai point occasion de me plaindre que je n'aie eu par ci-devant assez ample subject pour parler de moimesmes et taxer les faultes lourdes et énormes de mes ennemis, mais ni la pudeur me permettoit de chanter moimesmes mes louanges, ce qui est trop difficile de ne faire, quelque modestie qu'on se propose en tel subject, ni Fhonnesteté publique vouloit que je m'eslargisse à reciter les crimes de mes ennemis, aimant trop mieus ensevelir une partie de leurs énormes entreprises sous silence, qu'en les di-

vulgant (ores qu'en vérité,) me metlre en danger d'encourrir le soupçon d'estre mesdisant. Puis doncq, Messieurs, qu'en ceste proscription il n'est point seulement question de taxer ma personne et l'exposer barbarement en proie, mais aussi il est cogneu à un chasciin que par mes plaies on veult navrer la Republicque et Testât de tous ces païs : comme ce n'est plus par petits libelles diffamatoires composez par gens de néant, et desquels les injures ne m'esmouvoient non plus que la langue de quelque petit serpent, qu'il fault plustost .escacher du pied que -s'amuser à le combattre par les armes : Mais que gens de si grande qualité rabaissoient tellement et si vilementleur grandeur que de s'amuser à mesdire faulsement et à calumnier ; il m'a semblé estre du tout nécessaire de parler, affin que la patrie commune, pour laquelle je suis prest d'exposer la vie, comme j'ai faict les biens, ne se sentist intéressée par mon silence, et que d'autre part ces tiltres illustres de tant de païs et de Roiaulmes et s'estendants jusques sur l'Africque et l'Asie, n'esblouïssent les yeus de plusieurs qui jugent plustost les affaires de ce monde par les umbres et apparences, ^Ue non pas par la fermeté et solidité de la raison. Jecognoi toutesfois que cens qui me proscrivent en plusieurs choses ont advantage sur moi, et principalement en deux points, l'un est qu'ils font monstre et parade de leurs grandes qualités qui surpassent infiniment ma condition, l'autre comme il est naturel à tous hommes d'ouvrir voluntier les oreilles aux mesdisances et calumnies (car j'ai souvent oui le plus élégant de tous les Poètes avoir bien dict qu'il n'y a en un bancquet saulse si douice au palais quelamesdisance est à l'oreille) et d'aultre part rien n'est tant ouï à contrecœur que la parolle de celui qui se loue soimesme« De ces deux ce qui apporte du plaisir est donné à

mon ennemi, etj*aî en partage ce qui est dur et déplaisant quasi à tout le monde. Mais j'espere moiennant vostre faveur et bonne volunté ordinaire que Tun et Faultre ne m'apporteront aulcun dommage, comme ainsi soit que depuis longtemps vous avez esprouvé que ces grandes et illustres qualitez si elles sont tachées de tyrannie ne peuvent beaucoup gaigner sur des cœurs francqs et genereus. Et d'aultrepart cognoissant le train ordinaire de ma vie qui n'aime non plus taxer aultrui que me louer moi-mesmes , s'il faut que je face l'un ou l'autre comme il est difBcile.de m'en passer (combien que ce sera en la plus grande modestie que je pourrai) et s'il y a quelque chose qui semble moins séant, sera à vous, Messieurs, de l'attribuer plustost à la nécessité de ce faire qui m'a esté créée par mes ennemis que non pas à ma nature, et parainsi me descharger et rejetter entièrement la coulpe sur leur impudence et împortunité. Et vous prierai, Messieurs, de vous souvenir que je suis faulsement accusé d'estre ingrat y infidèle, hereticqiie, hypocrite, semblable à Judas et à Cain, perturbateur du pats, rebelle, estranger, ennemi du genre humain, peste publicque de la republicque Chrestienne, trahistre etmeschant, que je suis exposé pour estre occis comme une beste, uvecq salaire à tous assusineurs et à tous empoisonneurs, qui le vouldront entreprendre, vous laissant à juger, Messieurs, s'ilest possible que je me purge de telles calumnies, sans passer en quelque chose l'ordinaire train de ma vie et de ma coustume de parler de moi et d'aultrui. Cependant je suis tellement asseuré de la justice de ma cause, de mon intégrité et fidélité envers vous, et d'autre part de vostre équité et rondeur, et de la cognoissance que vous avez comment toutes aflaires sont passées, que je ne vous demande autre chose sinon que vous

jugiez et cognoissiez de ce faict, et en ordonniez, pour vostre bien, salut, et conservation, ce que les lois, franchises, libertés, et privilèges du païs vous commandent, suivant l'espérance que tout le peuple a de vostre sagesse et intégrité, ce que je vous prie de faire, voire obteste par toutes choses saintes et sacrées, et mesmes par vostre serment et obligation que vous avez au païs : m'asseurant certainement comme en plusieurs aultres choses je suis moindre que mes ennemis,aussi que je serai en ce poinct d'aultant leur supérieur, que par tous moiens et artifices ils ont voulu violer, 4*ompre et opprimer vos lois, vos privileges,et libertez : mais au contraire' que je me suis de bon cœur et avecq toute fidélité emploie pour les maintenir et conserver.

Et combien. Messieurs, que je ne suis pas tellement ennemi de ma bonne renommée que je ne prinse à gré (comme j'espère mes actions le mériter) d'estre en bonne estime envers tous les Princes, Potentats, et Republicques de ce monde, fors envers les Espaignolz, et leurs adherens, desquels persévérants en la poursuite de leur tyrannie, je ne désire ni grâce, ni faveur, ni amitié quelconque : toutesfois puis que vous estes seuls en ce monde à qui j'ai serment, auxquels seuls je me tiens obligé, qui seuls avez puissance d'approuver mes actions, ou de les improuver, je me tiendrai pour bien satisfaict quand j'aurai receu tesmoignage de vostre part conforme à mes intentions, qui ont esté tousjours conjointes à vostre bien, utilité et service : et endurerai patiemment les aultres peuples et nations en juger selon leurs passions et affections, ou bien ce que plus je désire selon l'équité, droiture et justice, aians premieremens despouillé tout préjugé et délivré leurs entendemens des nuages de ces grandeurs qui les pourroient avoir esblouïs par ci devant.

Or si mes ennemis, Messieurs, fussent venus droict au point de la proscription, mettans en avant les raisons sur lesquelles ceste sentence barbare, et qui monstre par trop leur cœur bas et forlignant de la vertu de leurs ancestres, est fondée, je n'eusse aus^i usé d'aucuns circuits, et d'entrée j'eusse déclaré qu'elle est mon innocence, et combien leurs fondemens sont débiles et ruineus. Mais puis que pour me rendre odieus, ils ont mieus aimé jetter des l'entrée au devant des yeus de tout le monde un amas d'injures, et les entrelasser sans propos au cours de leur oraison parlants de moi si impudemment : je pense qu'il est nécessaire et mesmes très juste que je responde à telles calumnies, afEn qu'aulcun estant esmeu ou persuadé par tels propos ne reçoive ceste mienne défense d'un cœur plus aliéné de moi que le droict receu entre tous peuples, et la justice ne le requiert.

Quant à cest amas doncq d'injures par lesquelles je suis impudemment deschiré, et lesquelles estant retirées de ceste proscription rien n'y restera qu'une fumée, voiez. Messieurs, combien la défense de laquelle j'use est simple et sans fard. Si vous me cognoissez estre tel que mes ennemis me publient, si je porte ou en corps ou en ame telles couleurs dont le forgeron de cest escrit dict qu'il m'a dépeint (car. Messieurs, vous m'avez cogneu des ma jeunesse, et n'ai passé mon eage ailleurs qu'avecq vous) fermez incontinent vos oreilles, et refusez d'entendre une seule paroUe sortant de ma bouche. Mais si au contraire en toute ma vie j'ai esté plus homme de bien, plus entier, plus continent, moins avare que les autheurs de cest infâme escrit, et que celui qui l'a publié, à sçavoir le Prince de Parme et ses prédécesseurs, desquels les faicis sont trop cogneus par les histoires, si dis-je vous me cognoissez et mes ancestres plus gens de bien que cens ci

(car je ne parle point eneores du Roi) et leurs aneestres, croiez comme ils calumnient faulsement des l'entrée, qa'ils ne seront aussi non plus croiables en tout le reste de leurs impudentes accusations. Car je vous prie, à quoi sert tout ce récit de tant d'injures, sinon pour monstrer à tout le monde, que mes ennemis sçavent bien mesdire et detracter, et celui qu'ils n'ont peu par la grâce de Dieu meurdrir ni par poison, ni par glaive, ni tromper par promesses et amuser par vaines espérances, pour le moins, ils essaient le navrer du venin de leur langue accoustumee des leur jeunesse à un si infâme mestier?

On faict un récit des l'entrée de plusieurs bienfaicts^ que fai receus de l'Empereur pour le regard^ de la succession de feu Monsieur le Prince d'Orange mon cousin, que le Boi m'auroit faict de son ordre, Lieutenant gênerai au gouvernement de Hollande, Zelande, Utrecht, et Bourgoigne, et du Conseil d' Estât. A quelle fin ces choses? pour monstrer que je suis grandement obligé à la maison d'Espaigne, et que je ne puis éviter d'estre condamné d'ingratitude : et d'advantage à raison des serments par moi faicts, et des terres et Seigneuries que je tenoi à hommage dudict Seigneur j'estoi tenu de procurer le bien et advancement de ses affaires, pensants me rendre pareillement coulpable d'infidélité.

Voirement je confesse et suis d'accord avecq leRoi et aveeq toute la maison d'Espaigne, que rien n'est tant à condamner en ce monde, que l'homme souillé de ces deux taches, à sçavoir d'ingratitude et infidélité, et qui a dict ces deux injures à un homme, il lui en a dict autant que s'il avoit faict amas de tout le reste des conviées que gens sages et fols, discrets et indiscrets pourroient rassenibler : et principalement d'aultant qu'un Seigneur est de maison plus noble et illustre, d'aultant

plos sera il deshonnoré s'il peut estre convaincu de telles faulles : et ne refuse point d'estre haï de tout le monde, exterminé de la terre, que ma mémoire soit flestrie à jamais si je suis trouvé tel. Mais ce sera à ceste condition si je monstre qu'il n'y a Prince en ce monde plus ingrat envers un paoure Seigneur, que celui qui m'accuse et me veult condamner, est envers moi et les miens ; que l'infidélité dont il a usé en mon endroit (car je ne veuil encores parler de la foi violée publicquement envers le païs) est incroiable, qu'il soit aussi assubjeeti à pareille condition, et qu'il soit tenu pour tel qu'il est, envers tous les vivants et toute la postérité : et j'estimerai ceste punition plus grande en son endroit qu'il ne faict au mien en ee qu'il monstre cercher par ceste tragique proscription, qui ne m'estonne par la grâce de Dieu non plus qu'ui^ fantosme. Premièrement, Messieurs, je proteste que la mémoire de l'Empereur Charles me sera tousjours honorable,tant pour raison de ses gestes, que pource que lui a pieu me faire tant d'honneur de m'avoir nourri en sa chambre l'espace de neuf ans, auquel aussi j'ai faict service tresfidele et tresvoluntiers. Mais si celui qui par raison entre tous les humains est le plus obligé à maintenir sa renommée vient m'accuser d'ingratitude pour n'avoir recogneu les biens qu'il dict que j'ai receu de l'Empereur, je vous supplie m'escuser si estant contrainct je déclare pour mon innocence quant aux biens, que je n'en ai receus aulcuns de lui, ains qu'en lui faisant service j'ai receu de trèsgrandes pertes, comme vous entendrez clairement s'il vous plaist m'escouter patiemment.

Or doncques il dict que pour la succession de feu Monsieur le Prince René mon cousin, l'Empereur m'a traicté favorablement. Mais en quoi? premièrement il ne s'est jamais trouvé Seigneur si mal advisé qui ait voulu quereller contre moi la

succession, tellement que si elle ne m'a esté empeschée par TEmpereur, qu'a ilfaict pour moi que le plus ennemi juge que j'eusse peu avoir n'eust faict pareillement? ne se trouvant partie aulcune si téméraire qui aist osé se présenter pour la débattre? Et quand j'eusse eu des parties, si mon droit estoit si clair et si bien fondé que rien n'eust jamais peu estre allégué au contraire qui l'eust sceu obscurcir ni esbransler, et que la dessus rEmpereurjeust donné arrest à mon prouffit,qu'eustil faict pour moi sinon qu'il m'eust administré justice, et ne m'eust voulu oster ce que les lois, la raison, et la nature mesmes me donnoient? Mais s'il vous plaist, Messieurs, de considérer la nature de la succession, vous trouverez mon droit avoir esté tel, que l'Empereur i\'eust peu m'en priver sans un tort extrême et injure trop évidente.

Il y avoit en la succession deux membres principaus, à sçavoir ce qui venoit de nostre. maison de Nassau, dont Messieurs mes prédécesseurs ayeul et bisayeuls, oncles paternels et cousin germain paternel ont jouï : à sçavoir les biens qui m'appartiennent aujourd'hui en Brabant, Flandres, Hollande et Lucembourg : l'aultre estoit la succession de la maison de Chaallon. Quant à la succession de Nassau qu'on appelle communément de Breda, pour estre le lieu principal de mes Seigneuries, et ou moi et mes prédécesseurs avons tenu nos chambres de comptes, conseil, et principauls enseignemens, qui est ce qui me pouvoit troubler en icelle, sinon Monsieur mon père qui estoit oncle, et moi cousin germain de Monsieur le Prince René fils unique de Monsieur le Conte Henri de Nassau mon oncle et frère de Monsieur mon père? Mais tant s'en fault que je fusse empesché en la succession par mon dict Seigneur et père, que luy mesmes prit la peine de venir soliciter que j'en fusse mis en posses-

sion, et ne se trouva jamais homme si impudent qui s'y voulust opposer, sinon le Président Schoore, lequel en conseil dict que Filius hœretici non débet succedere. D'aultaht que Monsieur mon père ensuivant les exemples des bons Rois comme David, Josias, et.aultres, avoit reformé les églises de ses terres qu'il tenoit en Allemaigne et les avoit repurgees des abus selon la parolle de Dieu, et mesmes par la permission de l'Empereur. Et toutesfois pour cela ne laissa le Conseil de donner advis selon raison et equitë , comme aussi il ne pouvoit aultrement, mesmes aiant esté maintenu Mon* sieur le Conte de Kungstain mon oncle eïi la succession du Conte de Rochefort, combien que lui mesme fust protestant. Puis doncque que c'estoit un différent (si différent se doibt appeller qui estoit en^nostre maison, soit que la succession susdicte fust adjugée au père ou au fils, toutesfois suivant les lois) aultres que nous n'y pouvoient prétendre aulcun droit. Quant à la maison de Chaallon, Premièrement il ne se peult dire pour les Baronnies que je tien et possède paisiblement au duché de Bourgoigne et au Daulphiné de Viennois que j'en soi obligé à l'Empereur, car il n'y avoit non plus de puissance que moi, le tout estant en la puissance du Roi de France qui saisissoit egallement le Conté de Charollois appartenant à l'Empereur, et mes baronnies, quand la guerre se mouvoit entre eus deux, tellement que je ne lui en puis estre aulcunement obligé, sinon de ce que je fu compris au traicté de paix de Soissons, qui est le moindre debvoir qu'il eust peu rendre à la mémoire de Monsieur mon Cousin qui estoit peu de temps auparavant mort en la mesme expédition et à ses pieds au siège de saint Disier, après tant de faicts d'armes pour son service. Et moins m'a il peu favoriser en mon principaulté d'Orange, ou il nVoit rien à veoir

ni lui ni Prince quelconque, le tenant en souveraineté nue et absolue, ce que peu d'autres Seigneurs pourront dire. Et n*y a Prince pour le regard de mon dict Principaulté duquel j'aie besoin de l'amitié et bonne grâce sinon du Roi de France, lequel j'espère ne vouldra toucher à ce qui appartient à un paoure Prince qui lui est treshumble serviteur, pource que la raison ne le permet, laquelle il ne vouldra oultrepasser, et aussi en considération des loiaus services que mes prédécesseurs ont faict à la Couronne de France et Duché de Bretaigne(dont il est descendu et est héritier) avecq grands dangers de leurs vies, grandes despenses, et infinis travaus.

Il reste doncq ce qui m'appartient au Conté de Bourgoigne et dequoi si iniustement et tyrannicqueînent j'ai esté si long temps spolié et dépossédé, qui me revient jusques à présent à prest de deux millions de perte. Mais je vouldroi en pre- "mier lieu qu'on se souvint pdùrquoi le Conté de Bourgoigne est appelle Franc, à scavoir entre aultres raisons par ce que la franchise et liberté des Seigneurs et tenans biens audict païs, est, qu'ils ont puissance de tester et disposer de leurs biens comment et à qui bon leur semble, sans pouvoir estre ni pour femmes ni pour enfans ou héritiers quelconques forcez à disposition aultre de leurs biens sinon comment il plaist à leur volunté. Puis donc que Monsieur le Prince René meu de sa propre volunté sans aultre esgard qu'il eust à moi, qui estoi encores lors jeusne enfant vivant en AUemaigne soubs la puissance et discipline de mes maistres et gouverneurs, et n'aiant aultre respect sinon que j'estoi son cousin germain, m'a institué son héritier universel, ce qu'il a faict suivant la puissance qu'il en avoit selon les lois et coustumes du païs, si dis-je j'en doi rqndre grâces à quel-

qu'un, c'est à la mémoire dudict Seigneur Prince, lequel estant Taisné de nostre maison a voulu comme je lui debvoi succéder à ce rang d'aisneesse, que je vinsse aussi à lui succéder en ses biens. Je ne veoi point doncques jusques à pr^ sent que je soi obligé de rien pour ceste succession à la maison d'Eépaigne, et n'y a homme du monde qui lepeult dire avecq vérité.

Mais TEmpereur donna ottroi audict Seigneur Prince de lester à qui bon luy sembleroit, et en vertu de l'ottroi le Prince m'a choisi pour héritier. Cela, Messieurs, est à mon tresgrand advantage, et ne peult servir à mon ennemi. Car quand l'Empereur a accordé l'ottroi, il ne sçavoit pas qui debvoit estre nommé héritier par le Prince, et n'a esté sceu de personne jusques au jour de l'ouverture du testament qui fust faicte.en la présence de la Roine Marie, depuis la mort dudict seigneur Prince, tellement que l'Empereur accordant l'ottroi, puis que son intention n'estoit de nf advancer, je ne me sens aussi lui estre obligé, ceste faveur qui fust faicte au Prince (laquelle neantmoins la moindre personne qui soit, peult facilement obtenir par lettres ordinaires de la chancellerie) n'estant faicte en ma contemplation. Car de juger de l'ottroi par ce qui en est par après ensuivi, seroit juger contre les règles que j'ai si souvent ouï repeter à l'Empereur, qui disoit les conseils debvoir estre examinez, approuvez, ou reprouvez par les causes et non par les effects. Or posons qu'il n'y eust point eu d'ottroi. Toutesfois rien n'a esté ordonné par le testament de Monsieur le Prince René que selon les lois ainsi qu'il a esté dict.

Mais que respondront ils quand oultre toutes ces raisons je leur dirai, que le testament de Monsieur mon cousin est un testament militaire, ce qu'ils ne peuvent débattre ni obs-

curcir, voire faict avec telle solennité et maturité. Faict disje et fondé par parolles expresses sur ce que ledict Seigneur Prince, qui avoit ja au paravant senti que c'estoit des dangers de la guerre en tant d'expéditions pour le service de l'Empereur, estoit ja en chemin pour aller à une guerre si dangereuse et auecq un si grand Prince que le Roi François : et combien que je ne sois pas un grand docteur en lois, si est ce qu'il me souvient tresbien avoir ouï plusieurs sçavants personnages disputans de ceste matière en présence de Monsieur mon père, qui disoient non seulement les testaments militaires mais aussi les codicilles estre de telle valeur suivant les lois Impériales, que si l'homme de guerre avant sa mort avoit faict la moindre marcque de sa volunté, le plus petit signe qu'on peut imaginer, comme aiant tracé de son sang sur sa targe le nom de celui qu'il veult instituer, ou de la pointe de sa hallebarde ou espee escript en terre : que ceste ordonnance de dernière volunté est inviolable, et est préférée à toute aultre institution, suivant les anciens privilèges de ceus qui sont honorez du bauldrier militaire. Combien plus ce privilège estoit il deu à un si vaillant Prince et si gentil chevalier? Car ici il n'est point question d'une simple marque : il y a un testament bien faict et meurement, non point à la haste ou par un simple soldat blessé, tendant à la mort; mais par un Prince de vertu et digne d'honneur immortel, assisté de son conseil et acheminé à l'expédition : non point à un estrangier, mais à son cousin germain : non point à un importun flatteur, maisàunenfantestantbienloing de l'armée Impériale qui alloit assiéger Saint-Disier et deliberoit de donner jusques à Paris. Ordonnance dis-je faicte non point au desceu de l'Empereur, mais avec son ottroi, ordonnance suivant les lois et coustumes des lieus. Estant

doncq si ferme, il n'a esté en la puissance d'aulcun de la débattre et moins de m'en frustrer, sinon par une voie qui eust esté par trop tyrannique, et qui peult estre eust plus apporté de dommage à la renommée de l'Empereur que d'advantage, s'il eust voulu me faire aultre chose que la raison. Et comme il y a eu entre mes prédécesseurs aulcuns qui ont bien trouvé moien de se faire faire raison à des Princes injustes et ingrats qui leur detenoient leur bien, aussi j'espère que Dieu me fera encores la grâce d'avoir heureuse issue contre celui qui m'a injustement despouillé de mes biens et me veult barbarement oster la vie. Mais puis que je suis contraint de parler encores de ceste succession, ie vouldroi qu'on me dict si l'Empereur me laissant jouir de la succession, m'a donné de son bien ou non, car si je n'ai rien receu sinon ce qui avoit appartenu à Monsieur le Prince René : je ne veoi point que le Roi puisse en façon quelconque me reprocher, que lui, ou que l'Empereur son père m'aient donné quelque chose, si ce n'est libéralité faire largesse du bien d'aultrui.

Mais au contraire ores que pour le présent je taise les torts qui me sont faicts audict Conté, auquel j'ai tels droicts et prééminences, et dont on m'a despouillé, et desquels je ne parle pour le présent, les remettans à débattre quand les armes m'auront faict plus de raison, que l'injustice de celui qui me détient le tout : je n'eu pas si tost appréhendé la succession, qu'aussi tost je fu despouillé de la Seigneurie de Chastel-belin, laquelle est de si peu de valeur qu'à présent me sont deus trois cents cincquante mille livres d'arrierage à cause d'icelle. Et voici le comble d'injustice. L'Empereur fust requis par Monsieur mon père, que pour le moins selon les droicts je fusse premièrement réintégré en la possession en laquelle avoit esté mon prédécesseur, il ne le voulust per-

mettre, seulement me permit (estant toutesfois despouîllé} de poursuivre mon droit par Justice, en quoi il me laissoit au moins quelque ouverture, d'aultant qu'il ne m'empeschoit pas de débattre mon droit contre lui, estant la cause evocquee au Parlement de Malines. Mais le fils qui neantmoins ose me reprocher ses bienfaicts, voiant la cause preste à juger, le jour mesmes que le procès, se debvoit vuider, les advis des Président et Conseilliers estoient ja enregistrez, et avoi eu advertissement de cercher argent pour les espices,, (voiez. Messieurs, que la Justice estoit bien rendue par celui qui me Tavoit jurée et aux Barons de ces pais) Il interdict à sa cour de passer oultre, et laisse le procès pendu au crocq, ou il est encores à présent. Voila les grands advantages que j'ai receu de la maison d'Espaigne, voila le fondement et la base des reproches, et surquoi est appuiée ceste infâme structure de Proscription.

Mais si au contraire je vien à déduire combien la maison d'Espaigne est obligée à mes prédécesseurs (car de moi je n'en dirai encores rien,) j'ai peur d'entrer en une mer que je ne puisse passer en plusieurs mois. Je toucherai doncques seulement les principaus points laissant à vous. Messieurs, et aux lecteurs la recerche particulière desdictes obligations aux histoires et anciens registres de ce païs.

Celui qui est premièrement venu de la maison d'Austriche au païs bas et long temps après que mes prédécesseurs y tenoient Contez et Baronnies, est l'Empereur Maximilian, lors Archiducq d'Austriche, qui est ce qui ne cognoist que le Conte Engelbert mon grand oncle, est celui qui a maintenu ledict Empereur, emploiant ses biens, sa vie, et son entendement pour le conserver? N'est ce point le Conte Engelbert avecq Monsieur de Romont, lequel gaigna la journée de Gui-

negaste, aiant par son asseurance retenu les gens de pied ensemble estans les gens de cheval mis en toutte, au moien dequoi furent arrestees les grandes conquestes du Roi Louis unziesme, ce qui asseura depuis Testât de Maximilian? N'est ce pas lui qui au retour de sa prison de France trouva Maximilian embrouillé en Flandre contre Monsieur de Ravestain et ceus de Bruges, et qui fist tant par armes et par conseil que l'appointement se fist : qui fusi cause de maintenir derechef ledit Archiduc, et qui fist pareillement entretenir l'accord aus habitants de Bruges, dont encores en demeurent aujourd'hui les marcques illustres et de sa fidélité, et de la gratitude des Brugeois? C'est ce mesme Engelbert qui a dompté ceus qui se rebelloient vers les confins du Rhin, et a rendu ledict Empereur paisible des païs d'Oultremeuze. Sans parler des voiages dangereus entrepris pour ledict Empereur, comme de Bretaigne pour le traicté du mariage entre ledict Sieur Archiduc et de Madame Anne héritière du duché, et depuis Roine de France deux fois : et avoit si bien négocié que tout estoit accordé et fust passé oultre, sans que Monsieur Jehan Prince d'Orenge père de Monsieur Philibert rompist ce coup, et procura le mariage de ladicte dame sa cousine germaine avecq Charles Roi de France. Et furent les mérites et valeurs dudit Sieur Conte si grands en ces païs qu'il fust Lieutenant gênerai par tout le païs bas.

Le successeur et héritier es biens de ces païs dudict Sieur Conte Engelbert, fust Monsieur le Conte Jehan de Nassau son frère et mon ayeul : et après sa mort succéda Monsieur le Conte Henri mon oncle fils aisné dudict Seigneur Conte Jehan aux biens de pardeça, en Brabant, Luxem)[)ourg, Hollande, et Flandres : Monsieur le Conte Guillaume mon père aux biens d'AUemaigrife, Personne ne peult nier que de son temps

— oeil n'y a eu Seigneur en ces païs .qui plus ait travaillé pour le service de l'Empereur Charles que lui : et affin que je ne m'estende à reciter ce qui est tant cogneu, seulement je vous dirai en un mot que c'est lui qui a mis la couronne Impériale sur la teste de l'Empereur, aiant poursuivi tellement cest affaire lors que l'Empereur pour son jeune eage, et pour son absence (car il estoit en Espaigne) n'estoit capable de le poursuivre, qu'il persuada auix Electeurs de préférer l'Empereur au Roi de France qui contendoit aussi pour le faict de ladicte élection. Et comme il est notoire à un chacun que ceste couronne Impériale a esté le pont, qui parapres a faict passage à l'Empereur pour tant de conquestes, on ne peult denier que la recognoissance n'en doibve estre faicte audit Seigneur Conte. Mais me pourra on à présent monstrer une seule marque de recompense, un seul bienfaict que nostre maison aie receu de celle d'Espaigne? On veoit en plusieurs places de ces païs les pièces d'artillerie aux armes [de Hongrie, que le Roi de Hongrie a donné à mes prédécesseurs, pour lesmoignage et mémoire de leur vertu qu'ils avoient emploiée à leur service contre les Turcqs, desquelles pièces aulcunes m'ont esté violentement emportées par le Duc d'Alve hors de ma maison de Rreda lors qu'il tyrannisoit en ce païs, et aulcunes y sont encores demeurées, ce que je mets en avant pour dire que tant que ces pièces dureront, tant aussi dureront les marques de la vertu de mes ancestres, et un illustre tesmoignage qui leur a esté rendu par le Roi de Hongrie. Mais comme, mes prédécesseurs ont esté si nobles, et par la grâce de Dieu et leur bon mesnag^ n'estoient point' paoures, ils n'ont rien demandé des Princes de ces païs, ni aussi n'ont rien receu de gratuit. Et toutesfois pour le moins la couronne Impériale nieritoit bien quelque recompense. Je

confesse que la succession de Ghaallon et du Principaulté d'Orange, a esté un grand accroissement à nostre maison. Mais si nous en sommes obligez à quelqu'un, vraiement cest au grand Roi François, qui donna en mariage à Monsieur mon oncle la seur de Monsieur le Prince Philibert, fille de 31onsieur le Prince Jehan, laquelle avoit esté nourrie avecq la Roine Anne, belle-mere dudict Seigneur Roi, et de laquelle estoît cousine ladicte Princesse. Et voiez ici, Messieurs, l'honnesteté de ce monarque. L'Empereur a receu sa couronne par les peines et travàuls de mon oncle, le Roi François qui sçavoit ce que ledict Seigneur avoit faict pour son compétiteur ne laisse lui donner ceste Princesse en mariage, héritière presumptive de son frère Monsieur le Prince Philibert, recognoissant ledict Roi ne debvoir sçavoir mauvais gré à celui qui avoit constamment suivi le parti qu'il avoit pris. Tellement que je puis dire comme disent les historiographes de son temps, que c'a esté un gentil cœur de Prince et libéral. Et quand l'Empereur auroit concédé quelque chose à la mémoire de Monsieur le Prince René, et que suivant la disposition dernière, il auroit accordé à sa volunté quelque privilège et bénéfice extraordinaire : je vous prie estant un si valeureux Prince qui lui avoit tant faict de services, aiant par la force des armes non seulement reparé le dommage d'une bataille perdue pour l'Empereur, mais aussi lui aiant reconquis le duché de Gueldre, et par après venir icelui mesme mourir aux pieds de l'Empereur et pour son service, seroit ce toutesfois recompense condigne rendue à si loiaus et si signalez services?

Que dirai-je du Prince Philibert, lequel seul luy a acquis la Lombardie, le Roiaulme de Naples, et avec Monsieur de Bourbon lui a asseuré Testât de Rome, et lui a pris le Pape,

en somme Ta rendu comblé de toute p*andeur et félicité : et maintenant le filz viendra reprocher à la mémoire de tels Princes que l'Empereur a faict justice à leur successeur et Cousin? Que si cens de Nassau n'avoient vescu par [cy devant, si cens d'Orange n'avoient tant faicts d'armes devant que le Roi fust nai : il n'auroit pas mis tant de tiltres sur le front de ceste proscription, par laquelle faulsement et calumnieusement il me prononce trahistre et meschant, ce qui ne tumba jamais et espère ne tumbera en aulcun de ma race. Mais qu'on me responde par le commandement de qui le Cardinal de Granvelle a empoisonné l'Empereur Maximilian dernier estant encores Roi des Romains? Je sçai ce qu'il m'en a dict, et que depuis il a eu telle crainte du Roi et des Espaignols, qu'il en a esté plus craintif à faire profession de la Religion laquelle il cognoissoit toutesfois estre la meilleure.

Il poursuit et dict, qu^il m'a successivement continué et augmenté de plus en plus, m'aiant faict de son ordre, en après Lieutenant gênerai au gouvernement de Hollande, Zelande, Utrecht, et Bourgoigne, de son conseil d' Estât, et m'a faict plusieurslîens et honneurs. Quant aux biens je ne puis aulcunement le recognoistre, si on ne veult appeller bienfaicts les grandes despenses que j'ai faictes tant pour le service de l'Empereur que du Roi. Car cens qui ont vescu de ce temps, et principalement du Roi, peuvent avoir souvenance comme la cour a tousjours esté grandement accompaignee de noblesse de plusieurs et diverses nations, et pour la pluspart de noblesse Allemande. Or chascun sçait que ma maison a tousjours esté ouverte, et que j'avoi ordinairement la descharge et le defrai, soustenant les despenses de la cour pour le peu d'ordre qu'il y avoit de la part du Roi. Un chas.

cun sçait aussi la grande et excessive despense qu'il me convint soustenir au voiage, auquel contre ma volunté et plusieurs protestations faictes à l'Empereur et à la Roine de Hongrie, je fu contrainct de porter la couronne de l'Empire à l'Empereur Ferdinand, d'aultant qu'il nemesembloit raisonnable que j'emportasse la couronne de dessus la teste de mon maistre, qui y avoit esté mise par mes prédécesseurs. Depuis je fis le voiage de France, auquel je fu envolé pour l'un des hostages pour l'exécution de la paix de Ghasteau en Cambresis, qui m'apporta aussi une extrême dispense, tellement que je puis bien asseurer en ces trois articles, jotnct aussi aux frais que j'ai faicts aux dernières armées et principalement celles de Philippeville et de Charlemont ou j'estoi gênerai, avoir faict despense de plus de quinze cents mille florins, et toutesfois la chambre des comptes peult encores faire foi que je n'ai jamais eu recompense d'une maille pour ces services, mesmement estant Lieutenant gênerai d'armée que je n'ai receu pour tous gages que iij*'. florins par mois, qui n'estoit pas pour paier les serviteurs qui tendoient mes tentes. Tout au contraire, si la Roine de Hongrie vivoit encores, elle auroit bien souvenance de ce qu'elle me dict, quand l'Empereur se trouvant en la plus grande extrémité qu'il fust jamais, par les armes du Duc Maurice et du Landtgrave Guillaume d'une pétrt, et de l'autre par celles du Roi de France, iist la paix de Passau, à si grand interest de nostre maison, laquelle lui servit (avccq nostre grand perte et despens) de lui conserver l'empire qu'elle lui avoit acquis au paravant. Car comme en plaine assemblée de l'empire par advis des Electeurs l'Empereur élevé en son throsne et siège impérial nous eust adjugé et par arrest, le Conté de Catzcmellenbogen avecq plus de deux millions de florins d'arrierage, il fit toutesfois sa paix à nos despens, remettant par l'accord de Passau nos

parties en possession, sans anleune recompense : ce que je ne propose pour faire resuscîter le procès, duquel nostre maison depuis a appointé avecq la tresillustre maison des Landtgraves de Hessen, desquels nous sommes bons parents et serviteurs : mais c'est pour faire entendre à tout le monde les grands biens cpie nous avons receu de la maison d'£spaigne, et que chascan entende qui c'est, qui peult à bon droicftestretaxéd'ingratitude. Ce n'est pas. Messieurs, le premier semblable traict qu'on nous a faict : car Monsieur le Prince René aisné pour lors de nostre maison poursuivant si valeureusement la guerre de Cleves, l'Empereur lui promist de n'appointer jamais avecq le Duc de Cleves, sinon à condition de nous laisser paisibles du tiers du Duché de Juilliers, qui nous appartient par la succession de Monsieur le Conte Jehan de Nassau mon bisaïeul, et Marguerite Contesse de Juilliers et de la Maf ck : toutesfois se voiant victoriens appointa comme il lui pleust, oubliant que ceste victoire lui estoit acquise par la sueur et vaillantise de mondict sieur et cousin.

Quant aux honneurs, je ne dénierai jamais comme j'ai dict ci dessus, que l'Empereur ne m'ait grandement honore, m'aiant nourri et faict de sa chambre l'espace de neuf ans, et depuis en mes deus premières guerres m'aiant donné charge sur toutes les ordonnances de ces païs. Et combien que je n'eusse attaint encores l'eage de vingt et un ans, estant mesmes absent de la cour asçavoir à Bueren, neantmoins le Duc de Savoie faisant un voiage, l'Eiftpereur me choisit pour gênerai de l'armée, combien que les Seigneurs du Conseil, et la Roine mesme en présentassent plusieurs aultre», desquels la capacité estoit tresgrande, asçavoir Messieurs les Contes de Boussu, de falaing, Martin van Rossem vieuls chevalliers, et les Contes d'Arenbergh, de Meghen, et d'Egmond qui

estoit eagé de douze ans plus que moi : ce neantmoins ores que je ne fusse nommé d'aulcun (comme depuis ils respondirent à l'Empereur) à raison de ma jeunesse, si est ce qu'il pleut à l'Empereur me choisir pour les raisons que lors il déclara, et lesquelles la Roine de Hongrie me contraignant de prendre la charge, me fit entendre par après, lesquelles aussi pour le présent j'aime mieus taire que les exposer, pour ne sembler vouloir moimesmes par trop me hautlouer et priser. Je di encores plus, qu'il pleust à l'Empereur me faire venir du camp, lors. Messieurs, qu'il vous déclara la volunté qu'il avoit de remettre ses Roiaulraes entre les mains du Roi, et lui pleut encores tant m'honorer, qu'il ne voulut faire cest acte solennel en mon absence, et mesmes voulut se présenter en vostre assemblée estant appuie sur moi à cause de son infirmité, ce que plusieurs estimèrent pour lors m'avoit esté â tresgrand honneur. Mais quand ainsi seroit que depuis le Roi m'eust faici quelques honneurs, toutesfois je ne vol point qu'il s'en puisse en sojrte quelconque prévaloir, puis que contre tout droit et raison, et contre son propre serment, il me les a voulu oster.

Car cpiant à l'ordre si l'Empereur et le collège des chevalliers m'ont donné leur vois, je n'ai non plus d'obligation à lui qu'à un des aultres chevalliers, veu qu'il lui estoit nécessaire de trouver bon ce que le collège approuvoit, comme il sçait que contre son advis et sa volunté nous eleumes au dernier chapitre de l'ordre tenu en ces païs à pluralité de sufirages, plusieurs chevalliers, et les fismes recevoir. Mais quand ainsi seroit que je lui en seroi redevable, toutesfois tant s'en fault qu'il me le puisse reprocher, qu'au contraire il en est lui mesme decheu. Il a juré et est contenu aus chapitres d'icelui, que les chevalliers de l'ordre doivent estre jugez par leurs frères. De faict il ne fut jamais en la puis-

sance (lu Duc Philippe surnommé le Bon de contraindre Messipe Jehan de Luxenbourg à quitter le serment qu'il avoit au Roi d'Angleterre remettant ledict Seigneur de Luxembourg la décision de leur différent au collège des chevalliers. 3fais les frores que le Roi a donnez à Messieurs les Contes d'Egmond et de Hornes, Marquis de Bergues, et de Montîgny, ont esté des facquins, des chicquanears et gens de néant, par lesquels aussi il m*a faict condamner contre toute voie de droit, ainsi que j*ai par ci devant protesté et ai ailegué' les nullités devant toute l'Europe. Tellement qu'aiant lui mesme contrevenu à son serment contre les chapitres du collège il n'est aulcunement à ouïr en telles reproches, esquelles se trouvent gravées les marques de son serment rompu et violé. Et au reste si je doi rendre grâces à aulcun, de Tordre, des gouvernemens et aultres dignitez : c'est à l'Empereur lequel l'a ainsi voulu et l'a ordonné devant que partir du pais, aiant au paravant cognu mes debvoirs et ma fidélité, nommément pour raison de mes services en la conduite de son armée, en laquelle j'avoî en teste Monsieur de Nevers, et feu Monsieur de Chastillon Admirai de France, qui a bien faict depuis cognoistre qu'il estoit une rude partie, ce neantmoins Dieu merci n'emportèrent rien sur nftoi, âins j'édifiai à leur barbe Philippe-ville et Charlemont, ores que la peste affligea estrangement nostre armée.

Quant au gouvernement de Bourgoigne, je puis bien asseurer n'en avoir jamais receu aulcune chose, joint que mes prédécesseurs ont de tout temps maintenu qu'il leur appartenoit héréditairement : et de faict Madame Philiberte de Luxembourg, estant Monsieur le Prince Philibert son fils en Italie, fist assembler les estats de Bourgongne en ma ville de Nozeroi : et sur ce qu'aulcuns le trouvèrent mauvais, pour cstre tnadictc ville sur Tune des frontières du Conté de

Bourgongne, elle respondit qu'elle vouloit entretenir la possession des Seigneurs de la maison de Ghaallon qui estoient gouverneurs héréditaires du Conté de Bourgongnc. Mais quoi qu'il euf soit, les deportemens du Roi en mon endroit monstrent assez qu'il ne peut m'objecter ces honneurs lesquels contre toutes règles d'honneur il m'a voulu oster avecq la Vie et les biens, m'aiant contre tout droict divin et humain, ravi mon propre enfant mesmes contre les privilèges du païs qu'il a jurez à la joieuse entrée.

Car quant à la charge de conseillier d'Estat, j'ai assez suffisamment monstre en ma défense faicte par ci devant en l'an soixante sept, que le Cardinal et aultres avoient practiqué que j'y fus appelle pensants se couvrir seulement de mon authorité envers le peuple, et pourtant je ne me doi sentir leur obligé, puis que ce faisant ils ne cerchoient pas tant mon advantage que leur proufit. Que si ils sont decheus de leur espérance, il fault qu'ils l'attribuent ou à leur incapacité de n'avoir peu assez sagement conduire leur entreprise, ou ce qui est le plus véritable (car ils n'avoient pas faulte de sens) leur meschanceté a esté si grande, si visible et si palpable que persone ne les a peu souffrir, ains ont esté jettez hors du païs comme un venin , poison , et une peste publicque. «

Or d'aultant qu'on ne s'est pas seulement addressé à ma persone pour m'accuser d'ingratitude et d'infidélité, mais aussi comme la rage et fureur mord egallement tout le monde, aussi bien l'innocent comme celui qu'on juge estre coulpable, ainsi leur pétulance a esté si grande que de vouloir toucher à l'honneur de ma compaigne par le blasme qu'ils cuident mettre sus à mon dernier mariage. Je ne sçai si je les trouve plus à condamner en impudence ou en bestise, n'aiant sceu ces sçavants hommes qui se vantent d'estre si bons peiji-

— Titres practicquer la leçon chantée et rechantee par les plus petits escoUiers, Celui qui s^appareille pour mesdire d'aultrui doibt estre exempt de tout crime. Car c'est une impudence et témérité si ils cognoissent leurs faultes si notables, et neantmoins passent pardessus leurs espines et chardons comme si c'estoient roses : ou si ils ne les cognoissent, quelle bestise est ce, quelle stupidité, de ne point veoir ce qui se présente à toutes heures à leurs yeus? Ils voient touts les jours un roi incestueus qui est à un seul demi degré près un Juppiter mari de Junon sa propre seur : et ils m'osent reprocher un mariage saint, honeste, légitime, faict selon Dieu, célébré selon les ordonnances de l'église de Dieu! Et derechef je suis ici contraint de vous prier, Messieurs, ne penser ce que vous n'avez jamais veu en moi que je soi esmeu par mesdisance à descouvrir ces abominables ulcères, et mettre devant les yeus de tout le monde le cautère de telles consciences : mais qu'il vous plaise l'imputer à ceste rage et fureur désespérée des ennemis de Dieu, de toute la Chrestienté, et les vostres en particulier, qui ne sont enflambez contre moi pour aultre raison que pour ce qu'ils cognoissent quel a esté mon soing, ma diligence, et fidélité à vostre conservation. Celui doncq qui a espousé sa nièce, ose me reprocher mon mariage! un mariage di-je légitime et selon Dieu! Celui lequel pour parvenir à un tel mariage a cruellement meurdri sa femme, fille et seur des Rois de France! comme j'enten qu'on en a en France les informations : Sa femme légitime! mère de deus filles vraies héritières d'Espaigne! comme je ne doubte que la couronne de France, J^quelle par ci devant a donné la couronne de Castille à un bastard duduquel Philippe est descendu, dépossédant un tyran, toutesfois légitime, n'aura moins de puissance de la maintenir aux vraies héritières, si Dieu qui est juste juge et qui ne laisse

jamais telles mesehancetez impunies n'en faict la vengeance durant sa vie le privant de son estât, comme il Ta tresbien mérité, quand il n'auroit faict aultre faulte qu'en cest inceste accompagné d'un meurdre si abominable. Mais il a eu dispense. De qui? du Pape de Rome qui est un Dieu en terre. Certes c'est ce que je croi : car le Dieu du ciel ne l'auroit jamais accordé. Or quel a esté le fondement de ceste terrestre-divine dispense? c'est qu'il ne falloit pas laisser un si beau Roiaulme sans héritier : et voila pourquoi a esté adiousté à ces horribles faultes précédentes un cruel parricide, le père meurdrissant inhumainement son enfant et son héritier, affin que par ce moien le Pape eut ouverture de dispense d'un si exécrable inceste, abominable à Dieu et aus hommes. Si doncq nous disons que nous rejettons le gouvernement d'un tel Roi incestueus, parricide et meurdrier de sa femme, qui nous pourroit accuser justement? combien y a il eu de Rois bannis de leurs Roiaulmes et chassez, qui n'a voient pas commis des crimes si horribles? Car quant à Don Charles, n'estoit il pas nostre Seigneur futur et maistre presumtif? Et si le père pouvoit alléguer contre son fils cause idoine de mort, estoit ce point à nous qui y avions tant d'interest, plustost à le juger, qu'à trois ou quatre moines ou Inquisiteurs d'Ëspaigne? Mais peult estre qu'il faisoit conscience de laisser pour héritier celui qu'il sç£\voit estre nai en mariage illégitime, d'aultant que du temps qu'il faignist espouser l'infante de Portugal mère de Don Charles, il sçavoit estre marié à Donna Isabella Osorio, de laquelle aussi il a eu deus pu trois enfans, dont le premier se nomme Don Pedro, et le second Don Rernardino, duquel mariage pourroit donner bon tesmoignage Rigomes Prince d'Yvoli s'il estoit vivant, car il en fust le négociateur, dont lui est venu ce grand criedit, et tant de biens en Ëspaigne, lesquels

à présent ingratement on ressuce de sa vefve comme d'une esponge. Que si il s'est si bien porté en ce présumé mariage, celui qu'il a contracté avecq la fille de France n'a pas gueres esté plus heureus : car oultre le meurdre de la Roine sa femme, il a aussi esté ennobli d'un adultère qualifié entre tous aultres. C'est qu'il a tenu mesnage ordinaire avec Donna Eufrasia, laquelle estant enceinte de son faict, il contraignit le Prince d'Ascoli l'espouser, et au bout de quelque temps (comme les serviteurs de la tyrannie disent) le paovre Prince mourut de déplaisir, pour ne pouvoir remédier (aiant trop forte partie) à ce qu'un bastard du faiet d'aultrui ne fust son héritier. Mais ceuls qui en parlent plus certainement, afferment qu'il receut un morceau plus aisé à avaller que non pas à digA*er. Et maintenant celui qui est orné d'une couronne de trois tels mariages, estant dis-je un tel mari trois fois, ose me reprocher mon mariage !

Mais ores qu'il ne fust tellement souillé et qu'on peult le tenir pour innocent, si est ce que je ne crain point qu'il me puisse reprocher aucune faulte : et Dieu merci je n'ai rien faiet que bien meurement et avecq le conseil de plusieurs personages d'honneur, sages, et discrets. Et n'est besoing qu'il se donne beaucoup de peine de chose en laquelle il n'a que veoir, et de laquelle aussi je ne suis tenu de lui rendre aulcun compte. Car quant à ma defuncte femme elle appartenoit à Princes de très-grand lieu. Princes sages et d'honneur, lesquels je ne doubte qu'ils n'aient toute satisfaction. Et quand je vouldroi entrer plus avant en ce discours, je lui pourroi bien faire cognoistre que les plus sçavants de ses docteurs le condamnent. Quant & ce qui touche le mariage anquel je suis allié à présent, quoi qu'ils facent bouclier du zèle qu'ils veullent faire paroistre avoir aus traditiotas de l'église Romaine : si est ce qu'ils ne feront jamais croire à

persone de ce monde qu'ils soient plus grands zélateurs d'ieelle Eglise que Monsieur de Montpensier Monsieur mon beaupere, lequel ne faict pas profession de sa religion comme faict le Cardinal de Granvelle et ses semblables, mais comme il pense sa conscience lui commander, et toutesfois aiant bien poisé ce qui est passé, et aiant ouï Tadvis de plusieurs des principauls de la cour de Parlement de Paris assemblée à Poictiers pour les grands jours, aiant aussi ouï Tadvis des Evesques et Docteurs, a trouvé comme telle est la vérité que non seulement ores qu'il y eut eu promesse de la part de ma compaigne, elle estoit nulle de droict, pour avoir esté faicte en bas eage, Contre les canons, ordonances de France, et arrests des courts souveraines, mesmes contre les canons du concile de Trente auquel mon ennemi défère tant: mais que jamais n'y eust aucune promesse faicte, ains plusieurs protestations au contraire, dont est apparu par bonnes informations faictes mesmes en absence de ma compaigne. Et quand tout cela ne seroit point, si est ce que je ne suis pas si peu versé en la bonne doctrine, que je ne sache tous ces Uens de conscience retors par les hommes ne pouvoir estre à aulcune obligation devant Dieu. Et ne me peulf^empescher ce qu'on dict, que si telle chose estoit permise à Seigneur de ma qualité, pour le moins que le Pape en debvoit donner dispense. Car il y a long temps Dieu merci que je sçai bien que peult valloir ceste traiBcque de dispenses de Rome : et tant s'en fault que je veuille avoir recours à celui qui m'a jusques à présent procuré tout le mal qu'il a peu, que j'espère bien comme ce bon pasteur me faict et à toutes gens de bien du pis qu'il peult, aussi que Dieu me fera la grâce cl'advancer la ruine de ce règne mysticque qu'il a dressé en sa speluncque de Rome, au moien du quel il a dominé par ci devant sur toute la terre faisant baiser sa pantoufflè aux

Princes et Rois, voire foullant aux pieds un Empereur. On m'obje^ïte aussi que je suis estranger. Comme si le Prince de Parme estoit un grand patriot qui n*est point nai en ce païs, n'y a un patard de bien ni tiltre aulcun, et lequel neantmoins commande à baguette à quelques maladvisez et qui se rendent ses obéissants comme des paovres esclaves. Mais qu'est ce qu'ils appellent estranger? A sçavoir celui qui est nai hors du païs. Il ser^ doncq aussi estranger comme moi : car il est nai en Espaigne païs naturelement ennemi des païs bas, et je suis nai en Allemaigne païs naturelement ami et conioint à ce païs. On respondra qu'il est Roi : et je di au contraire que ce nom de Roi m'est incognn. Qu'il le soit en Gastille, en Arragon, à Naples, aux Indes, et par tout ou il commande à plaisir : qu'il le soit s'il veult en Jérusalem, paisible Dominateur en Asie et Africque, tant y a que je ne cognoi en ce païs qu'un Duc et un Conte, duquel la puissance est limitée selon nos privilèges lesquels il a jurez à la joieuse entrée. Quant à ce qui me touche, il est notoire que moi et mes prédécesseurs desquels je suis descendu en droitte ligne masculine, avons commencé de plus de deus cents ans de posséder Contez et Baronies es païs de Luxembourg, Brabant, Flandres, Hollande. Car environ l'an mil trois cents quarante. Monsieur le Conte Otthon, duquel je suis descendant en septiesme degré et duquel je suis héritier aisné, espousa la Contesse de Vianden, et depuis le Conté dudict Vianden n'est parti de nostre maison, ains en avons tousiours iouï paisiblement, jusques à ce que le Roi m'en a injustement dépossédé. Depuis Monsieur le Conte Enghelbert premier, fils du fils dudict Conte Otthon, espousa la Dame de Leck et de Breda, duquel aussi je suis descendu en ligne directe masculine, et en cinquiesme degré. Puis-je doncestre à bon droict appelle estranger? Sans que je touche

pour le {)resent à mes biens de Bourgoigne, ou j'ai Dieu merci assez bonne part. Et je vous laisse à juger, Messieurs, qui cognoissez mîeus nos lois que gens du monde, comment nos ancestres en ont usé de temps immémorial, et si les Sieurs de Ravestain, de Luxembourg, et de Saint-Paul, de Nevers, d'Estampes, et aultres Seigneurs tenants Contez et Baronnies en ce païs, ont esté tenus pour estrangers, et si encores aujourdhui vous ne tenez pas pour naturels touts cens qui possèdent telles Seigneuries, moiennant qu'ils veullent suivre le parti de ces païs, et mesmes n'en en avons nous pas loi expresse entre nous tant en Brabant qu'ailleurs? Car quant au tiltre de Duc de Brabant, Conte de Flandres et aultres qu'il porte, encores que je confesse ces dignitez estre grandes : toutesfois si lui et les Espaignols ne le sçavent, il fault qu'ils apprennent que les Barons de Brabant, avecq les bonnes villes du païs, quand les Ducs de Brabant se sont tant oubliez que de sortir des termes de raison, leur ont bien enseigné quelle estoit la puissance des Barons et généralement des estats du païs de Brabant. Or il est notoire que je suis descendant de Seigneurs lesquels par aulcuns siècles ont possédé des principales Baronnies et Seigneuries de Brabant, Flandre, Hollande et Luxembourg. Mais j'espère que Messieurs les estats ont si bien commancé à lui monstrer combien il a failli en son debvoir, et que lesdicts sieurs lui en feront encore une si boue leçon, que les paovres Siciliens, Calabrois, Lombards, les Arragonnois et Castillans apprendront par nostre exemple ce tyran ne debvoir estre souffert en la terre : et les paovres Grenadins mesmes, sçauront comment il fault traicter ce tyran, lequel du temps de la guerre des Morisques fit emprisonner environ cent marchants habitants de Grenade et touts Chrestiens, dont le moindre avoit vaillant cinquante mil ducats, et puis par un

tumulte populaire les fist massacrer, mettant en 'ses coffres tout le bien de ces paovres gens. Et en somme Messieurs les estats Dieu aidant lui enseigneront comment il fault traîcter cens qui faulsent leurs serments faicts et donnez à un si bon peuple à leur joieuse entrée.

Mais, Messieurs, si je vien à passer plus oultre, et que je vienne à vous déduire le long temps passé auquel mes prédécesseurs ne sont pas seulement originaires mais Seigneurs et tenants grands biens, tiltres et dignitez en ces païs : je vous dirai du temps que ses prédécesseurs estoient Contes de Aabsbourg et demeurants en Suisse, que les miens estoient long temps auparavant Seigneurs du païs de Gueldre, dont encores à présent sont demeurées les armes de nostre maison de Nassau, pour les armes des Ducqs de Gueldre : et n'avons pas tenu comme en passant ledict païs, mais depuis que Monsieur le Conte Otthon eust espousé la fille et héritière du Voght ou régent de Gueldre (car ainsi nommoit on les Seigneurs de Gueldre en ce temps là) ce qui advint Fan mil trenteneuf jusques en l'an 1350 mes prédécesseurs ont esté Seigneurs Contes et Ducs du païs de Gueldre, comme encores on peult en veoir les monuments : et je m'asseure, tant s'en fault que celui qui m'appelle estranger puisse monstrer telles marques qu'il est originaire de ces païs, qu'au contraire audict temps sa race estoit incogneue du tout en ce païs.

Et d'aultant qu'il s'emploie à faire un narré faus, sot et ridicule, contenant ainsi qu'il dict le progrès de mes entreprises, par ce que plusieurs d'entre vous ou lors que ces affaires ont esté commancees n'estoient en page competant pour les entendre, ou bien pour ne s'estre lors encores entremis es affaires publicques ne pouvoient veoir comment toutes choses se conduisoient par l'astuce des Cardinalistes, et par le Conseil venant d'Ëspaigne lequel a tousjours voulu

commander à ce païs comme il faict aux aultres, estant selon leur opinion le Chef des Seigneuries et nous leurs subjects et esclaves : je vous reciterai comment toutes choses ont esté conduites par ces bons cerveaus qui pensent le reste du monde estre des bestes auprès d'eus, jusques à nous avoir ammenez à deus doicts près de nostre ruine et d'une servitude misérable si Dieu par sa providence n'avoit veillé sur noas, et ne nous avoit délivrez de leurs cruels conseils et mains sanglantes. £t vous supplie, Messieurs, comme j*ai ici Lesoing encores de vostre patience, de continuer à me donner aussi bonne audience comme vous avez faict : et je ne double comme plusieurs d'entre vous ont veu le tout ou partie de mes gestes et deportemens, ou Font entendu de leurs pères et aultres gens de bien qui en ont esté tesmoings, que m'aiant ouï vous ne jugiez faeillement mes parolles estre aultant véritables que celles de mon ennemi sont faulses et impudentes. Je ne vous toucherai rien. Messieurs, de ce que j'ai veu du temps de l'Empereur, non pas que je ne me soi apperceu de plusieurs choses mises en avant et practicquees par les Ëspaignols que je ne trouvoi point bonnes, et que je n'entendisse assez que la maladie aveicq le tenips pourroitiellement accroistre qu'il seroit en fin nécessaire d'user d'une forte et puissante medicine, et purger le païs de ces pernicieuses humeurs EspaignoUes. Mais pour ne point cognoistre lors à raison de mon eage et peu d'expérience la profonde malice des Ëspaignols et de leurs adherens, je ne m'eusse peu persuader que nous eussions esté contraints d'apporter le cautère à ce chancre d'Espaigne ou bien en venir jusques au rasoir. Mais depuis qu'avecq l'eage j'ai aussi esté d'un jugement plus confirmé, j'ai bien eu contraire opinion à plusieurs qui n'eussent sçeu penser la rage et cruauté des Ëspaignols pouvoir venir si avant, car rien

n'est advenu à quoi pour avoir eu cognoissance bien {lartîculiere de leur naturel cruel, avare, orgueilleus, je ne m'y soi bien et certainement attendu long temps auparavant, le passerai doncq ce temps la, lequel aussi ne vient aulounement à estre comparé en sorte de débordement et tyraïuàie à celui qui a passé d^uis au temps du Roi son fils, non que les Ëspaignols fussent lors meilleurs qu'ils ne sont à présent, car ils faisoient trop évidente preuve aus Indes et auitres lieus ou ils[commandoîent absolutement, de leur naturel pervers, et tyrannîcque volon^ : mais leur ambition et orgueil estoient aulcunement retenus par la bonne affection que l'Empereur portoit aus paovres subjects de ce pfa&» et d'aultant que ces provinces estoient plaines de braves Seigneurs, hommes sages et vaillants ressentants leur ancienne noblesse (et pleust à Dieu qu'ils eussent des enfants semblables à eus) qui servoient de bride à leur insolence et de coaatrebatterie à leur orgueil et témérité. Je viendrai doncq au temps qui a suivi, pour ce aussi que celui qui a esté héritier des biens et non des vertus de l'Empereur est oelui^ qui me vient assaillir d'une façon plus-que barbare et tyramiicque. L'Empereur de treshaulte mémoire et la Boine Marie voiants leiirs affaires tellement empirees par l'issue îtout aultre que le Pape et les Ëspaignols ne s'estoient promis de la guerre d'AUemaigne s'estant joint le Roi de France avec aulcuns des principauls Princes d'AUemaigne, sa Majesté fust contrainte appointer avecq son ennemi estants ses affaires en tel estât, que désespérant de pouvoir garder ses païs délibéra de se retirer en Ëspaig^e pour y démener une vie privée, après s'estre demis de tous ses Roiaulmes, terrds et Seigneuries sur la personne de son fils. Et combien que le Roi pour raison de la condition de son estât et de ses Seigneuries nommément des païs bas eust besoing (comme

aussi il en avoit tresexpres commandement) d'entretenir subjects en bonne volonté et affection envers lui, veu que *«? leurs moiens et valeur dependoit entièrement le salut du païs et le maintiennement de son honneur : toutesfois soit ou pour la nourriture qu'il avoit prise en Espaigne ou par le Conseil de cens qui Tavoient et Font depuis possédé, il a tousjours retenu en son cœur la volunté de vous assubjettir à une servitude simple et absolue, qu'ils ont appellée entière obéissance^ vous privants entièrement de vos anciens privilèges et libertez, pour disposer de vous, vos femmes et vos enfants, comme font ses ministres des paovres Indiens, ou pour le moins comme des Calabrois, Siciliens, Neapolitains, et Milanois, ne se souvenants pas que ces païs n'estoient païs de conqueste, ains patrimoniaus pour la pluspart, ou qui volontairement s'estoient donnez à ses prédécesseurs soubs bonnes conditions. Et d'avantage qui avoient servi tant à l'Empereur son père qu'au Roi son aieul de fondement pour eslever l'édifice des Roiaulmes et Seigneuries ausquels on voit la maison d'Autriche estre parvenue, estant aujourd'hui sans contredict la plus grande et plus puissante de toute la Chrestienté. Ceste affection ne s'est que trop manifestée incontinent après le département de l'Empereur, comme si les Seigneurs qui vivoient lors nous restoient encores, vous en pourroient rendre suffisant tesmoignage. Car aussi tost qu'il fust contraint de rentrer en guerre avecq le Roi de France, veu la puissance de son ennemi, joints aussi les sages advertissemens de l'Empereur, s'il eust eu une seule estincelle de bonne et sincère affection envers ces païs, il devoit au moins entretenir ses subjects en bonne dévotion. Mais au milieu de ses grandes affaires (tant estoit le désir de tyranniser desbordé) il fist trop claire et trop certaine démonstration de sa mauvaise volunté. L'empereur, Messieurs, qui cognoissoit

mieus que Prince ni homme du monde, la superbe et orgueilleuse nature des Ëspaignols, et'peult estre rinclinatioo du Roi son fils, d'autre part Testât de ce païs, ce qui le pouvoit perdre ou conserver, advertit sérieusement le Roi, si il ne retenoit cest orgueil d'Ëspaigne, qu'il prevoioit "bien qu'il seroit cause de la ruine entière de cest estât, lequel à la longue ne.pourroit souffrir ceste insolente domination, que les Ëspaignols exercent par tout ou ils peuvent. Et lui fis! ceste remonstrance en la présence de feu Monsieur le Conte de Boussu père, du dernier decedé, moi et plusieurs autres Seigneurs de la chambre dont il y en a encores de vivants. Mais ni Tauthorité et commandement paternel, ni le bien de ses aff^ures, ni la justice, ni (ee qui retient ies plus barbares nations) son serment, n'ont peu en rien modérer ce naturel et volonté de nous tyranniser : ains au contraire comme s'il eust esté par dessus toutes lois, privilèges et libériez du païs, sur l'équité mesme et justice, a rompu touts liens pour se desborder en toute sorte de haine irréconciliable et de cruaulté.

En ce temps la. Messieurs, vous lui accordastes l'aide qui fust appellée Novenale, par laquelle aide et par la vaillantise et sage conduite des Seigneurs et nobles de pardeea, et de plusieurs braves Seigneurs et soldats Alemands, ses affaires furent si bien et si heureusement conduites, qu'après le gaing de deux batailles, prises de villes et prisonniers de grande part et en grand nombre, contra ingnit son ennemi de recevoir une paix aussi desadvantageuse au roi de France, qu'elle estoit honorable et prouffitablepour leRoi d'Espaigne, et s'il m'est licite de dire quelque chose de moi, s'il lui resloit une goutte de gratitude, il ne pourroit denier que je n'aie esté l'un des principauls instruroens et moieiiB pour le faire parvenir à une telle paix et si advantageuse, l'aiant

Iraictee en^privé avec Messieurs le Gonnestable de Montmoranci et Mareschal de St. André, à Tinstanee du Roi, qui m'asseura que le plus grand service que je lui pourroi faire en ce monde c*estoit de faire la paix, et qu'il la vouloit avoir à quelque pris que ce fust pour ce qu'il vouloit passer en Espaigne. Or tant s'en fault que ni lui ni son conseil composé d^Ëspaignols et d'aulcuns de ce païs qui ont tousjours continué en inimitié contre vous, tostre liberté, et tout le païs, vous sceussent aulcun gré ni d'un si beau secours, ni de rheureiise exécution qui en ensuivit, qu'au contraire ils jugèrent ces te subvention avoir esté un crime de leze Majesté, et pour lequel vous aviez encourru(et par dessus touts, feu Monsieur de Lalaing) à bon droict sentence de punition. Et pourquoi? d'aultant, Messieurs, que vous ne voulustes rien accorder sans la convocation des Estats generauls,et que vous voulustes coupper les ongles à ses harpyes de Barlemonts et leurs semblables, quand vous ordonnastes les deniers estre distribuez par vos commis aux conditions proposées. Voila à la vérité deux grands crimes, le premier, à sçavoir requérir l'assemblée des Estats : car d'aultant qu'elle sert de bride et de barre à la tyrannie , c'est un crime aultant haï des tyrans, mangeurs de peuple, ennemis de leurs subjects et de leur propre couronne, que ceste noble assemblée est aimée, honorée, et révérée par les vrais Rois, vrais Princes et les bons pères du peuple, vrai fondement d'un estât, l'asseurance de la Republicque, et le seul repos des Princes. L'aultre crime ne se pardonne jamais, car ces rongeurs de peuple, vivants du sang des paovres gens, ont de si long temps faict estât de leurs larrecins et 'concussions, qu'ils reputent leur peculat estre un revenu aussi bon et aussi asseuré, mais beaucoup plus fructueus que de leurs i;hamps et jardins, et

dissimulants la vraie cause du mal qu'ils cachent à leurs Princes, cerchent des prétextes en les flattant et en mentans pour embraser leurs c^urs contre leurs subjects. J'ai veu, Messieurs, leurs gestes, J'ai ouï leurs propos, j'ai esté tesmoing de leurs advis, par lesquels ils vous adjugeoient tous à la mort,ne faisants non plus d'estat de vous que de bestes, s'ils eussent eu la puissance de vous massacrer comme ils font es Indes, où ils ont faict mourir misérablement plus de vingt millions de personnes , et ont exterminé trente fois plus de païs que n'est grand le païs bas, avecq des excès si hor^ibles que toutes les barbaries, cruaultez et tyrannies qui furent jamais faictes, ne sont que jeu au pris de ce qui est advenu aus paovres Indois : comme par leurs propres Evesques et docteurs a esté laissé par escrit, et pour rendre le Roi inexcusable devant Dieu et devant les hommes, lui en a esté dédiée l'histoire par un de ses subjects auquel il restoit quelque peu de justice. De ce temps là donçq,Messieurs,moi et les aultres Seigneurs et plusieurs des plus gens de bien et entendus de la noblesse et du peuple trouvions bon de faire sortir du païs les £spaignols,estimants bien ores qu'il y eust encores quelque sang corrumpu entre nous , comme on en veoit rester plus qu'il ne seroit de besoing (qui est issu de ceste race infectée de la contagion des pères) qui servoient lors à l'ambition des Ëspaignols et trafiicques du Cardinal : eeneantmoins que le meilleur nombre et touts les Seigneurs de la plus grande qualité, seroient ennemis de ceste tyrannie Ëspaignolle : mais partie pour aultres occupations, partie pour mon voiage et de quelques autres Seigneurs en France où nous fusmes envoiez en hostage, aussi pour assister au mariage de la fille de France, l'affaire fust interrompue et l'exécution empeschee. Maintenant tant s'en fault, Messieurs,

que j€ veulle denier une grande partie de ce qui est proposé contre moi, que je le lien au contraire à grand louange, et vous en dirai peult estre d'advantage que ne sçavent mes ennemis : etd'aultant plus qu'ils s'escrieront contre moi, et donneront tesmoignage de leur fureur el cœur ennemi contre ce païSjd'aultant plus je me resjouirai de ce, qu'il a pieu à Dieu me faire la grâce d'aider à coupper le cours de ceste desraesuree tyrannie, et par ce moien aussi avoit aidé à l'ouverture de la vraie Religion.

Ils disent des que le Moi eust tourné le pied de ces païs bas que fai par sinistres practicques^ trames, et astuces tenté de guigner les voluntez des Malcontents chargez . de dd)t€s, hayneusde la justice^studieus de nouveaultez^et sur tout ceus qui estoient suspects de la Religion. Quant à ceus qui avoient la cognoissance de la Religion, je confesse que je ne les ai jamais haïs. Car puis que des le berceau j'y avoie esté nourri, Monsieur mon père y avoit vescu, y estoit mort, aiant chassé de ses Seigneuries les abus de l'église, qui est ce qui trouvera estrange si ceste doctrine estoit tellement engravee en mon cœur, et y avoit jecté telles racines qu'en son temps elle est venue à apporter ses fruicts? Car combien pour avoir esté si longues années nourri en la chambre de l'Empereur, et estant en eage de porter les armes, que je me trouvai aussi tost enveloppé de grandes charges es armées, pour ces raisons, dis-je, et veu le peu de bonne nourriture quant à la Religion que nous avions, j'avoi lors plus à la teste les armes, la chasse et aultres exercices de jeunes Seigneurs que non pas ce qui estoit de mon salut : toutesfoisj'ai grande occasion de remercier Dieu, qui n'a point permis ceste sainte semence s'estouffer, qu'il avoit semée lui mesme en moi, et di d'advantage que jamais ne m'ont pieu ces

cruelles exécutions de feux, de glaive, de submersions, qui estoient pour lors trop ordinaires à l'endroit de ceus de la Religion, ainsi que Fescrivain ou le peintre comme il se dict de ceste infâme proscription les appelle : en quoi ores qu'il flatte, qu^il mente, qu'il calumnie par tout ailleurs, neantmoins a tresbien parlé en cest endroit, disant ceus lesquels il condamne estre de la Religion, comme véritablement icelle seule mérite ce nom par excellence, et ce que la vérité mesme lui a arraché de la bouche, tant est grande la force et Tertu d'icelle vérité. Mais quand estant en France j'en entendu de la propre bouche du Roi Henri que le Duc d'Alve traictoit des moiens pour exterminer touts les suspects de la religion en France, en ce païs et par toute la Chrestienté, et que ledict S'. Roi (qui pensoit, comme j'avoi esté l'un des commis pour le traicté de la paix, avoi eu communication de si grandes affaires, que je fusse aussi de ceste partie) m'eust déclaré le fond du conseil du Roi d'Ëspaigne et du Duc d'Alve : pour n'estre envers sa Majesté en desestime, comme si on m'eust voulu cacher quelque chose, je respondi en sorte que ledict S*". Roi ne perdit point ceste opinion, ce qui lui donna occasion de m'en discourir asses suffisamment pour entendre le fond du project des Inquisiteurs. Je confesse que je fu lors tellement esmeu de pitié et compassion envers tant de gens de bieij qui estoient vouez à l'occision, et généralement envers tout ce païs auquel j'avoi tant d'obligation, et auquel on vouloit introduire une inquisition pire et plus cruelle que celle d'Ëspaigne, voire que c'estoient des filets tendus pour surprendre les Seigneurs mesmes du païs aussi bien que le peuple, de façon que ceus que les Espaîgnols et leurs adherens n'avoient peu supplanter par aultre voie, fussent tombez par ce moien en leurs mains, dont il eust esté impossi-

ble d'eschapper, puis qu'il n*eust fallu que regarder une image de travers pour estre condamné au feu. Voiant dis-je ces choses, je confesse que des lors j'entrepri à bon escient d'aider à faire chasser ceste vermine d'Espaignob hors de ce -païs, et ne me repen point de l'avoir faict, ains j'estime que moi et Messieurs mes compaignons avecq tous cens qui ont favorisé une si louable entreprise, avons faict un acte digne de louange immortelle et qui eust été accompli de tout poinct et eussions acquis la mesure comble d'honneur si nous eussions aussi bien fermé la porte après leurs talons, tellement qu'ils n'y eussent jamais rentré, que nous avions lors trouvé les moiens d'ennettoier le païs. Et vous di encores, Messieurs, d'advantage, et veuil bien que tout le conseil d'Espaigne, voire que tout le monde l'entende : si mes frères et compaignons de l'ordre et du conseil d'Eslat eussent mieus aimé conjoindre leurs conseils avecq les miens, que de faire si bon marché de leurs vies, que nous eussions tous emploicz corps et biens pour empescher le Duc d'Alve et les Espaignols de rentrer dedans le païs, et encores à présent je suis content qu'ils entendent, comme desja une partie est tellement nettoiee de ceste ordure, qu'il n'y a plus de mémoire en icelle sinon de leurs ossements, aussi que je ne cesserai avecq l'aide de Dieu et moiennant vostre faveur (laquelle j'espère ne me defauldra point) de m'emploier de toute ma puissance avecq vous, Messieurs, pour purger tout le païs en gênerai de ceste vermine, et pour la faire repasser et tous ses adherens de là les monts pour y troubler leurs propres païs, et nous laisser vivre en paix et repos, du corps, des biens et de la conscience. Hs se trompent doncq bien fort quand ils pensent que j'ai entrepris un tel ouvrage après leur partement de ce païs : car je l'ai faict lors que j'estoi en Francq à la

chasse avecq le Roi, eux estants eucores ici, et ne cessai que par le moien de feue de tresbonne mémoire, Madame de Savoie je n'eusse obtenu congé de revenir en ce païs sur ma foi, et avecq promesse de retourner à Reims pour le sacre du Roi François second, et estant ici venu je sollicitai non pas des bancquerouttiers mais des gens de bien et d'honneur, et des premiers et plus notables personages du païs , pour demander au nom des Estats que les Espaignols fussent contraints de se retirer, ce que fust finallement exécuté, et se peuvent souvenir les ennemis, qui estoient ces bons et honorables personages qui leur portèrent ce tresdesaggreable message, et se les représentants, ils cognoistront leurs impudences et calumnies.

Mais quant à ce qu'ils disent que j'ai esté le principal autheur de la Requeste présentée, je veuil bien dire , Messieurs, ce qui en est : c'est qu'aianl bien senti le mal estre tellement accreu, qu'il n'estoit plus question de brusler seulement des paovres gens qui se laissoient jetter dedans un feu, mais que plusieurs de la meilleure noblesse et des principauls d'entre le peuple en murmuroient, craignant quelque dangereuse issue, comme je veoi devant mes yeus la France avoir enduré un dangereus accès de guerre civile pour semblable occasion, et aiant doubte que nous ne fussions assaillis en ce païs d'une mesme maladie qui a ordinairement des accidents tresdangereus, et plus difficiles à giiarir que la maladie raesmes (comme helas nous ne le voions que trop) Voiant dis-je ces choses, pour l'obligation que j'avoi à raison de mon serment, et pour mon debvoir envers le païs : je priai Messieurs mes frères et compaignons chevalliers et principauls conseilliers d'Estat de s'assembler à Hoochstraten, en intention de leur remonstrer le danger

apparent auquel estoit le païs, à sçavoir de tumber en guerre civile, et que le vrai et unicque moien pour Fempescher estoit, que nous qui par raison de nos grades et offices avions authorité au païs prinsions le faict en main poiir apporter le remède que nous trouverions convenable au bien du païs, et faire seulement que les créatures du Cardinal, qui ne demandoient qu'effusion de sang, bannissemens, confiscations de biens, en somme plaies et meurdres n'y missent la main, qui eust apporté une ruine certaine au païs : aultrement que cens qui ne trouvoienl bon qu'on brusla à l'accoustumee, n'auroient faulte de chef qui le vouldroit empescher. Et combien que je leur remonstrasse beaucoup de raisons pour les faire coitdescendre à mon advis, et que j'y adjoustasse oultre la bonne amitié qu'il y avoit entre nous, aussi Tadvis de Monsieur le Conte de Schwartzenbourg mon beau frère, et le Seigneur Georges vanHol, qui avoient pour lors tresgrand crédit envers les Seigneurs pour les signalez services faicts à ces païs : toutesfois il ne fust en ma puissance de rien impetrer, et ne me prouffita ceste entreveuë d'aultre chose sinon d'un tesmoignage à tout le monde, que prevoiant de loing le mal que nous voions à présent, j'avo/ cerché tous bons moiens pour le prévenir et divertir. Mais ceus desquels j'ai parlé qui trouvoient ces persécutions dures, et qui ne voioient icelles durantes aulcun repos asseuré en ce païs (comme il advient tousjours en semblables affaires) se mirent à proposer nouvelles entreprises, lesquelles pour raison de mes charges je trouvai moien de descouvrir : tant y a que craignant qu'il n'en ensuivist une tresdangereuse issue, et estimant que ceste voie es'oit la plus doulce et vraiement juridicque, je confesse n'avoir trouvé mauvais que la requeste fust présentée, ce que tant s'en

fault que je veulle desguiser que je tien à tresgrand advantage pour mon honneur et réputation et pour le service du Roi et du païs : car si les sages conseillers du Roi eussent esté si advisez de l'accorder , tant de misères ne fussent ensuivies, par lesquelles peu s*en est fallu que tout le païs n'ait esté consumé. Mais s'ils désirent sçavoir la vraie et prochaine cause de ladicte requeste et de ce qui en est ensuivi, qu'ils s'en prennent à leur cruaulté insatiable qui ne se contentoitpas delà rigueur intolérable des placarts, mais suivant l'exemple de cefolRoboam, et encroiants le conseil d'une femme mal advisee, d'un Cardinal créature du Pape, et aultres semblables, ils disoient : Le père vous a chastiez descourgees, et le fils vous chastier» de scorpions. La dessus est mise en avant la poursuite à toute instance de la réception des nouveaus Evesques qui avoient esté érigez quelque temps au paravant, c'est à dire aultant de bourreaus pour brusler les paovres Chrestiens, les privilèges fouliez aux pieds, et par qui? par une femme passionnée et cependant armée du masque de puissance d'un Roi, de trahisons, perjures, finesses Cardinales. Voila dis-je l'enclume, Messieurs, sur laquelle a est* forgé tout le mal qui est ensuivi, pour n'avoir pas faict telle raison à la requeste présentée par la noblesse qu'il estoit nécessaire : en quoi je sçai et le puis protester devant Dieu et devant vous. Messieurs, que je ne fis aulcune faulte à mon honneur et à mon serment, ains j'adverti la Duchesse et touts les Seigneurs du Conseil, de ces grands inconveniens qui depuis ont ensuivi, tellement que tout le mal leur en doibt estre imputé. Car tant s'en fault qu'ils voulurent me donner audience, qu'ils pensoient au contraire avoir trouvé un subject propre pour exécuter ce qu'ils avoient de long temps projette, à sçavoir

après avoir ruiné ceus qui estoient soupçonnez de la Religion, pouvoir par après facilement réduire le reste soubs une misérable et intolérable servitude. Et non seullement de ma part, Messieurs, mais aussi par plusieurs autres leur furent faictes diverses remonstrances publiques et particulières; et par /gens de bien et amateurs du païs, voire du Roi, plus qu'il ne meritoit, et Tadvertirent en temps et lieu du danger futur, et quel estoit le debvoir du Roi, à raison de son serment, de ses obligations, des conditions ausquelles il avoit esté receu pour S', de ces païs, et auparavant lui, ses prédécesseurs. Mons*^. le Conte d'Egmond mesme fust envoie en Espaigne pour faire lesdictes remonstrances à la propre personne du Roi : ce neantmoins tant s'en fault qu'on y ait peu prouffiter quelque chose, que ledict Seigneur Conte au contraire estant abusé soubs couleur de la parolle du Roi qui lui a depuis cousté bien cher, apporta lettres toutes contraires à ce que le Roi lui avoit de bouche donné charge de dire : tellement que lors il fust contraint de confesser que j'avoi bien preveu devant son voiage ce qui en adviendroit. Et encores ces disciples de Machiavel nous vouldront ici esblouïr les yeus de ces beaus masques de loiaulté fidélité, naturelle clémence, et semblables mots dorez et specieus , et ce pendant ils ne feront difficulté de se jouer des serments qu'ils font, ni des paroUcs données à personnages de telle qualité 1 Voilà donc les autheurs, promoteurs et instructeurs des troubles survenus à raison de la première requeste : et vous avez entendu. Messieurs, quel a esté le conseil que j'y ai donné.

Quant à ce qu'ils parlent de defunct Monsieur le Conte Louis mon frère, ils feroient mieus de laisser un si bon chevalier en paix, veu qu'il a esté plus homme de bien et sans

comparaison qu'ils ne sont, et meilleur Chrestien : et ne fai non plus d'estat de ce que ils l'appellent hereticque, que nostre Seigneur Jesus-Christ faisoit quand d'aussi gens de bien que sont nos ennemis Tappelloient Samaritain. Quant aus presches publicques qu'ils appellent à leur mode hereticques, il vous est assez notoire, Messieurs, par qui et comment ils furent introduits : tant y a que je n'avoi pas lors tant de crédit qu'on m'en demanda ad vis et ne le conseillai jamais : toutesfois les choses estant venues en tels termes, je confesse avoir esté d'advis que la Duchesse de Parme les accordast, en quoi si j'ai mal conseillé, pour le moins ce qui a suivi par après monstre assez que ceuls qui ont trouvé mauvais mon conseil ont tresbien mesnagé les affaires de leur maistre, et quant et quant Dieu a monstre combien que pour un temps il a affligé les siens, que neantmoins il ne laisse jamais un perjure si bien qualifié que celui du Roi et de la Duchesse de Parme sans le punir grièvement, affin que tout le monde sache qu'il ne dict pas sans cause, qu'il ne tiendra point pour innocent celui qui prendra son nom en vain.

Quant aus abbateurs d'Images et autres desordres, je croi. Messieurs, qu'il n'y a aulcun de vous qui ne sache assez que telles voies et manières de faire ne me plaisent aulcunement, et que plusieurs de ceus qui me debvroient aider et soustenir, m'ont d'aultre part à grand tort deschiré, pour n'avoir jamais voulu consentir que telles choses se fissent sans ordonnance des Supérieurs.

Ils ne sont aussi mieus fondez en ce qu'ils disent que la providence de la Duchesse de Parme fust si grande que je fu contraint de sortir du pats, lis diroient peutt estre quelque chose s'ils disoient les tromperies de la Duchesse

et ses perjures : et si ils parloient du peu de. résolution et trop grande facilité à croire d'aulcuns qui attendirent les bourreaus, et de la trop grande alTeclion vers le Roi de moi et aultres Seigneurs, qui persuadasmes à Messieurs de Berghes et de Montigni d'aller en Espaigne estimants que pour leurs bons services et la noblesse de leur race, le Roi seroit content d'entendre par leur bouche ce qui estoit nécessaire pour la conservation du païs, plus tosl que par les Ëspaignols : mais voiant qu'ils avoient esté traictez comme chascun sçait, je pensai avoir juste occasion de prendre garde à moi de plus prest. Si dis-je ils disoient ces choses, ils diroient une partie de vérité. Mais un an au paravant j'avoi résolu de me retirer et remettre mes charges, comme appert par les lettres escrites de la main propre du Roi et lesquelles sont joinctes à ce présent escrit, ce qui monstre assez la falsité de leur propos. Et si quelqu'un veult sçavoir pourquoi un an après je me retirai en Allemaigne ma défense mise en lumière l'an soixante sept en monstre asses les causes, à sçavoir principallement pource que je ne vouloi consentir que l'inquisition d'Espaigne fust receuë en mes gouvernements, à raison dequoi je les avoi remis au paravant entre les mains de ladicte Duchesse, en intention de vivre en paix et en repos avecq mes parents et amis, et en attendant ou qu'il pleust à Dieu de mieus conseiller le Roi, ou s'il empiroit encores,que Dieu lui mesmes ouvrist la porte pour délivrer ce paovre païs, que je veoi plongé en un abisme de maus et de calamitez. Car qui recitera sans estre transpercé de deuil les bannissements, les ravissements des biens, les emprisonnements, les torements soufferts, les espèces de morts horribles et misérables dont ces gents sanguinaires surmontants en cruaulté Phalaris, Busyris, Néron, Domitian, et tous tyrans, ont per-

secuté les paovres subjects de ce païs? Et non obstant ces choses, ne voiant pas le raoien de le soulager de ceste misère, je me contenoi paisiblement : et pour le moins par ce qu'ils disent en ceste proscription m'avoir esté offert durant le traicté dernier de Cologne ils doibvent cognoistre, qu'ils se pouvoient contenter de mon bannissement volontaire, et ne me poursuivre plus avant : veu mesmes que je leur avoi faict sçavoir par personnage de qualité et qui est encores vivant, s'ils entreprenoient de toucher à mon honneur et à mes biens, qu'ils me contraindroient de donner tel ordre à mes affaires que je pourroi. Mais comme gens forcenez après ne m'avoir peu attirer par leurs paroles emmiellées et blandissantes, le Roi me pensant amuser par ses lettres par trop honnestes, et que je cognoissoi clairement estre pleines de déception, ils s'addressent premièrement à mon fils jeusne enfant escollier, et contre les privilèges de l'université le tirent violentement de Louvain : mesmes sur la remonstrance faite par l'Université, ce barbare de Vergas respond barbarement, Non curamus vestros privilegios. Ils le tirent hors de Brabant contre les privilèges du pais, contre le serment du Roi, et l'envoient en Espaigne pour l'esloigner de moi qui suis son père, et jusques à présent détiennent cest innocent en prison dure et cruelle : tellement quand ils ne m'auroient faict aultre tort, je seroi indigne non seulement de ma race et du nom que je porte, mais aussi du nom de père si je n'emploioi tous le sens et tous les moiens que Dieu m'a donnez, pour essaier de le retirer de ceste misérable servitude, et me faire reparer un tel tort. Car je ne suis;point,Messieurs, tant desnaturé que je ne sente les affections paternelles, ni si sage que souvent le regret d'une si longue absence de mon fils ne se présente à mon entendement. Ils ne se contentent

pas encores, mais contre toute forme de justice ils appréhendent mes frères les Chevaliers de l'ordre, ils me poursuivent par adjournements, saisissements de biens, et me poussent comme par force à entreprendre plusieurs choses à quoi je n'avoi jamais pensé, ils mettent le procès de mes compaignons et le mien contre les articles de l'ordre contre le serment du Roi, qui en estoit le chef, entre les mains de je ne sçai quels facquins, qui n'estoient pas dignes d'estre les vallets de mes compaignons et de mJoi : ils me dégradent, ils me privent de mes biens, ils me condamnent à la mort : et qu'est-ce cela aultre chose sinon me quitter de mes serments? de me mettre en liberté de venir assaillir mon ennemi, par touts les moiens que Dieu m'auroit donnez ? Voilà comment lors que je ne cerche que repos, ils suscitent le trouble, je cerche la paix, ils me jettent en guerre : et quelle guerre? une guerre entreprise pour délivrer mon enfant, pour guarantir ma vie, recouvrer mes biens, et qui est le plus cher pour mon honneur,et je ne vous touche ici,Messieurs,encores rien de ce qui appartient au gênerai. C'est donc. Messieurs, ce qu'ils passent legierement et soubs silence, et ce que de propos délibéré ils obmettent comme véritablement ne servant pas de beaucoup à leur cause. Si doncq n'estant subject naturel du Roi (comme lui mesme dict) si estant absous de mes serments par ceste inique ban et sentence, si aiant si juste fondement de demander par la force mon fils et mes biens, si dis-je je l'avoi chassé non seullement du païs bas,mais de toutes ses terres et Seigneuries, et quand mesmes j'affecteroi les faire mon propre, puis que contre tout droict et équité, contre son serment, il m*a par force contrainct d'entreprendre une guerre nécessaire, lors que de toute ma puissance je la fuioi, et m'a faict ces oultrages du temps mesmes ou peu

après que par ces propres lettres et escriltes de sa propre main, me rendoit si grand et si solennel tesmoignage de fidélité, que personne du monde n'en eust peu désirer d'advantage, comme appert par la copie de la lettre insérée ci après : qui est ce qui me pourroit accuser d'aultre faulte, sinon d'avoir trop temporisé devant que prendre les armes, et de ne vouloir jouir de ce que le droict de la guerre et des gens me donne, à moi dis-je qui suis nai Seigneur libre, et qui ai cest honneur de porter le nom de Prince absolut, encores que mon principaulté ne soit de longue estendue?

Mais puis que leur principal fondement est que j'ai pris les armes contre mon supérieur, je suis aussi content d'entrer en ceste matière ou ils se trouveront avoir aussi bon fondement qu'ailleurs. Et en premier lieu je vouldroi qu'ils me dissent à quel tiltre le Roi Philippe héritier du bastard Henri de Castille, possède le Roiaulme de Castille et de Léon : car il est trop notoire que Henri son prédécesseur estoit bastard, qui se rebella contre le légitime héritier qui estoit son propre frère et seigneur, lequel il occist de sa main propro. Quel droit donc avoit ce bastard grand aieul du Roi ? Ils respondent que Don Pedro estoit un tyran : et de faict ils lui donnent communément le nom de cruel. Mais si à ce tiltre Philippe tient la Castille, pourquoi ne voit il qu'on le peut chausser à la mesme mesure qu'il chausse les aultres? Et si ja mais il n'y a eu plus cruel tyran, qui plus ait violé, plus superbement et avecq moins de respect les privilèges du païs, qui ait avec moins de pudeur rompu sa foi juij^ee, que Philippe, ne sera il pas plus indigne de porter la couronne de Castille, que Don Pedro? car pour le moins Don Pedro n'estoit incestueus ni parricide ni homicide de sa femme. Et si on dict que cela ne me touche en rien, je suis

content d'approcher de plus pres,combienque je n'ai pas délibéré de m'arrester sur ce que je vous dirai présentement. Mais quand je prendroi les armes contre lui, et qu'il seroit simplement mon supérieur, et que je seroi nai son subject (ce qui n'est pas, comme lui mesmes le confesse) que feroi je que son prédécesseur n'aist faict contre l'Empereur Adolf de Nassau son supérieur. Un thascun qui cognoist quelque peu es affaires d'Allemaigne sçait, comment Albert premier Duc d'Austriche de ce nom et race (car auparavant il portoit le tiltre de Conte de Habsbourg)s'arma contre ledict Seigneur Empereur mon prédécesseur : et combien que Dieu voulust que ledict Empereur mourust en bataille, toutesfois je sçai ce que les plus sages escrivains en ont jugé, quoi que Gérard lors Archevesque de Màience principal autheur de la conjuration l'aist voulu desguiser et obscurcir. Et de faict si on veult prendre garde de près à l'histoire, on trouvera que ceste partie fust dressée par le Pape Boniface (duquel il est dict Intravit ut Vulpes^ regnavit ut Léo, moritur ut Canis) pour ce que l'Empereur ne l'avoit voulu recognoistre pour tel qu'il se disoit, et pourtant lui suscita Albert qui desja estoit assez malcontent,pour avoir esté Adolph préféré à lui en Telection, quelques Evesques aussi par trop adonnez au Pape, s'adjoignirent à lui. Mais qui est-ce qui eust voulu adorer un si meschant homme, qui faisoit en son Jubilé, porter en triumphe devant lui deux espees, faisant trier par celui qui en portoit l'une : Christ voila ton vicaire en terre, et par l'aultre : Pierre voila ton successeur? Et de faict aiant faict un si meschant tour à l'Empereur, et aiant à sa dévotion Albert voulust pour une mesme raison en faire aultant au Roi de France Philippe le bel, donnant son roiaulme audict Albert, lequel il fist se nommer Roi des Romains et des Fran-

çois : mais il trouva les prebstres de France moins à sa dévotion et moins puissants, et tout le Roiaulme reveillé par les doctes plaidoiers de maistre Pierre de Coignieres, et un Roi résolu qui fist prendre sa fatuité (comme le Roi Tapelloit en ses lettres) à Anania, par un des Seigneurs et l'aisné de la noble maison des Colonnes et par un Gentilhomme de Languedocq nommé Nogaret quille menèrent à Rome, ou ils le firent mourir comme il avoit tresbien mérité. Mais comme j'ai dict je ne veuil point m'appuier sus ces fondements, ains je veuil venir aus obligations mutuelles qui sont entre lui et nous. Prenons doncq que tout cela ne soit point, ne sçait il pas bien s'il est Duc de Brabant, que je suis à raison de mes Baronnies un des principauls membres de Brabant? Ne sçait il pas à quoi il est obligé à moi, mes frères, et compagnons, et aux bonnes villes du païs? à quelles conditions il tient cest estât? ne se souvient il non plus de son serment? ou s'il s'en souvient faict il si peu de compte de ce qu'il a promis à Dieu et au païs et aus conditions attachées à son chappeau Ducal? Il ne seroit pas besoing,Messieurs,'que je vous représentasse ce qu'il nous a promis devant que nous lui aîons donné le serment, car plusieurs d'entre vous le sçavent. Mais d'aultant qu'aultres verront aussi ces le défense, je vous ai bien voulu remettre en mémoire le sommaire de son serment. Vous sçavez. Messieurs, à quoi il est obligé, et comme qu'il n'est en sa disposition de faire ce que bon lui semble, ainsi qu'il faict es Indes. Car il ne peult par violence contraindre un seul de ses subjects à chose quelconque, sinon que les coustumes du banc Justicial de leur domicile le permettent. Ne peult par aulcune ordonnance ou décret en façon quelconque altérer Testât du païs. Se doibt contenter de ses revenus ordinaires. Ne peult faire lever ni exiger aulcunes im-

positions, sans le gré et du consentement exprès du païs, et selon les privilèges d'icelui. Ne peult faire entrer gens de guerre au païs sans le consentement d'icelui. Ne peult toucher à l'évaluation des monnoies sans le consentement des estais du païs. Il ne peult faire appréhender aulcun subject sans information faicte par le Magistrat du lieu. L'aîant prisonnier, il ne peult Tenvoier hors du païs. Je vous prie,Messieurs,oiants seulement reciter ce sommaire, ne voiez vous pas, si les Barons et nobles du païs qui ont pour raison de leurs prééminences la charge des armes ne s'opposent, je ne di pas quand ces articles sont violez, mais quand ils sont tyrannicquement et superbement fouliez aux pieds, quand non un article, mais touts : non unefois, mais un million de fois : non seulement par le Duc, mais par des Barbares sont enfraint3 et corrumpus : Si dis-je les nobles suivant leur serment et obligation, ne contraignent le Duc à faire raison au païs. ne doibvent ils pas eus mesmes estre condamnez de perjure, infidélité, et rébellion envers les Estais du païs? Et quant à moi j'ai bien une raison particulière et qui me touche encores de plus près, c'est que contre tous lesdicts privilèges, j'ai esté privé de touts mes biens, sans garder aulcune forme de justice. Mais ce qui est advenu en la personne de mon fils le Conte de Bueren, est un tesmoignage si cler de la desloiaulté de l'ennemi et de la transgression des privilèges, que personne ne peult à bon droict doubter pourquoi j'ai pris les armes.

Que si je n'ai peu la première fois prendre pied ferme au païs, comme il me le reproche : qu'y a il de nouveau et qui ne soit advenu aux plus grands Capitaines du monde? et à lui mesme qui est entré si souvent avecq des armées grandes et puissantes en Hollande et Zelande, et neantmoins avec

une poignée de gens et avec l'aide de Messieurs les Estais desdictes provinces il a esté chassé honteusement hors dudit païs, et ce grand Capitaine le Duc d'Alve et son successeur, sans qu'aujourd'hui il ait ausdicts païs un pied de terre en sa disposition? comme j'espere moiennant vostre bonne aide qu'il n'aura de bref en tout le reste du païs. En somme par son serment il veult qu'en cas de contravention nous ne lui soions plus obligez, nous ne lui rendions aucun service ou obéissance, comme appert par larticle dernier. Si doncq je ne lui suis obligé, si je ne lui doi plus aulcun service ou obéissance, pourquoi est il si téméraire de dire que j'ai pris les armes contre mon Seigneur. Certainement entre tous Seigneurs, et Vàssaus y a obligation mutuelle, etledire du Sénateur à un consul sera tousjours loué : Si tu ne me tiens pour Sénateur aussi je ne te tiendrai pas pour Consul. Mais entre les Vassaus y a beaucoup de différence, demeurants les uns sans comparaison en plus grande liberté que les aultres, comme nous sommes en Brabant aiants tels droits jusques à donner grâces en nos terres, qu'excepté l'hommage que nous debvons, nous ne pouvons rien avoir d'advantage : et entre aultres droicts, nous avons ce privilège de servir à nos Ducs, ce que les Ephores servoient à Sparte à leurs Rois, c'est de tenir la roiaulté ferme en la main du bon Prince, et fairyvenir à la raison celui qui contrevient à son serment. On dira qu'il y a une condition apposée, c'est que nous serons absouls denostre serment jusques à ce qu'il ait reparé la faulte. Mais si jamais il ne la vouioit reparer. Si quand l'Empereur Maximilian et h s Princes de l'Empire le prient et intercèdent pour nous afiîn que lui plaise descharger le païs, pour toute response, on leur dict, qu'ils se meslent de leurs affaires, et que le Roi sçaura bien gouverner ses sub-

jects,si quand par infinies remonstrances, par envoi des plus illustres Seigneurs de ce païs, nous le requérons de nous faire droict, il rejecte orgueilleusement nos requestes, il faict mourir lesdicts Seigneurs^ et ceuls qu'il peult appréhender ies faict passer par les mains du bourreau, il poursuit les aultres par toutes voies indignes et cruelles : s'il nous amené nouvelles armées pour nous ruiner de fond en comble : demeurerons nous là tousjours attendants la miséricorde jusques à ce que la cruaulté ËspaignoUe nous aura couppé toute espérance de respit? Mais il veult reparer la iaulte, et en a envoie les moiens par le Seigneur de Selles : il a desadvoué le Duc d'Alve. Nous verrons toutes ces choses en leur ordre, pour le présent je me contente de monstrer qu'à bon droit ^ j'ai pris les armes .contre lui, premièrement avecq les estats de Hollande et de Zelande, et par après avecq vous, Messieurs, qu'il s'est perjuré contre tout le païs, et en mon endroit contre les articles du Chapitre de l'ordre, contre les privilèges de Brabant, enlevant mon fils et le menant en Espaigne , me privant de mes biens et dignitez, m'aiant assez rendu absoubs de mon serment envers lui, et à présent monstrant son cœur trop bas, et neantmoins tyrannique, publiant ceste cruelle et barbare proscription comme le comble de toute injustice et indignité.

Maintenant, Messieurs, puis qu'il lui plaist de s'estendre aus temps qui ont suivi, je veuil bien aussi y entrer, et ce plus volontiers d'aultant que je n'ai rien faict de ce dont il m'accuse par ci après, que par l'advis, gré, et consentement des Estats de Hollande et Zelande premièrement, et par après par le vostre en gênerai, tellement que s'il y avoit de la faulte, elle ne me debvroit estre imputée : mais au contraire je seroi grandement à louer pour vous avoir si bien

et si fidèlement servi. Je viendrai doncq aus aultres accusations, mais ce sera, Messieurs, avecq ceste condition, que ce qu'il obmet malicieusement pour couvrir son cœur mauvais et cruel, et neantmoins ne laisse de le faire sonner par petits libelles diffamatoires, je le ramentoive et le mette en évidence comme j'ai faict cy dessus.

Or j'ai observé. Messieurs, que toute ceste accusation ou plustost mesdisance qui vient après est divisée en deux parties. L'une touche ce qui est conjoint à la venue du Duc d'Alve, et ce qui en est ensuivi, et principalement de ce qu'après ma venue en Hollande et Zelande a esté exécuté par ma conduite et Messieurs les Estats desdicts païs : l'aultre ce qui est advenu depuis que Dieu vous eut ouvert les yeus par le moien des insolences des Espaignols, et que pour délivrer finalement ce paovre païs de ceste maudicte race, vous les declarastes et leurs adherens pour rebelles et ennemis du païs. Je suivrai doncq cest ordre : et premièrement je ren' grâces à Dieu que par le silence mesmes de mon ennemi vous cognoissez. Messieurs, et j'espère que tout le monde cognoistra que je ne suis pas mesmes soupçonné d'avoir applicqué à mon prouffit un seul denier du publicq. Car si en aultres choses comme desja vous avez commancé à veoir, ils n'ont faict difiSculté de mettre en avant des faulses accusations et me charger de calumnies par trop évidentes, puis que mesmes ils ne m'objectent le moindre soupçon d'avarice, ils monstrent assez que non seulement je suis pur de ce crime, mais combien qu'ils soient impudents et mes ennemis mortels, ils n'ont toutesfois oncq osé m'objecter ceste faulte, de laquelle ordinairement sont blasmez les gouverneurs des provinces, soit à tort soit à droit. Mais j'ai Dieu merci appris des long temps, que celui qui commande doit sur toutes

choses avoir les mains nettes, et mesmes vuides de tout soupçon si faire ce peult, qui fust cause que des ma jeunesse je me deschargeai de la surintendance des finances, qui fust fort volontiers recueillie par aultres. Et combien, Messieurs, qu'il n'estoit aulcunement besoing que je fisse mention de ces choses, parlant à vous qui sçavez que jamais je n'ai eu maniement d'un seul denier du publicq, et quant à ce qu'il vous a pieu m'ordonner tant pour mes estats que pour les frais extraordinaires de la guerre, vous sçavez le peu que j'en ai receu, et de ce qui me reste de moiens comment je m'en suis entretenu, et soustenu plusieurs grands frais depuis que je suis entré en vostre service, ce que je n'impute toutesfois à faulte de vostre bonne volonté en mon endroit, ains à la condition du temps auquel nous sommes. Mais puis que par la tacite confession de mes ennemis je puis avoir un tel advantage, je ne l'ai voulu laisser passer soubs silence, pour faire cognoistre à aulcuns petits serpens qui ont esté parmi nous, qu'ils doibvent demeurer honteus d'avoir semé, ou contre leur conscience, ou par une extrême sottise et malice, ce que les ennemis mesmes, conjurez contre moi et la patrie, n'ont pas esté si impudents que de m'objecter, sentants bien qu'en le proposant le lustre de la vérité descouvriroit la turpitude de leur mensonge.

Puis doncq qu'ils me jettent en un si beau champ de narrer non ce que j'ai faict, mais ce que les Estats de Hollande et Zelande ont faict avecq mon aide et service, je ne refuse point et devant vous, Messieurs, et devant tous les hommes de la terre d'entrer en compte avecq eus : mais aussi puis que vous esteslessouverainsjugesdece qui est géré en ce païs, il est plus que raisonnable que vous considériez ce qui a esté faict par eux iniquement en toutes les aultres provinces, pen-

dant que Messieurs de Hollande, Zelande, et moi servions d*arrest et de barrière au cours de leurs entreprises.

Premièrement on dict que j'ai practiqué de retourner en Hollande et Zelande. Quamà ainsi seroit qu'auroi je faict aultre chose que mon debvoir? Et si j'avoi auparavant avecq si juste fondement comme je l'ai deduict ci dessus, entré avecq armée dedans le païs, pourquoi eusse-je faict difficulté d'entrer en ce qui estoit de mon gouvernement, auquel j'avoi plus de serment et d'obligation? auquel je tien des premiers rangs entre la noblesse? Mais tant s'en fault que j'aie faict telles recerches, veu qu'au contraire je suis prest de monstrer les lettres des principauls des villes et des principalles, par lesquelles j'estoi appelle pour la délivrance du païs contre la tyrannie des Espaignols, et nonimement du Duc d'Alve. Et quant aus promesses que je fi' en y entrant, ce qu'ils disent que je promi' ausdicts Estats de les conserver si le duc d'Alve les vouloit presser au dixiesme et vingtiesme : il ne se trouvera véritable. Mais bien que je vin' exprès au païs, et en armes pour la seconde fois, pour délivrer le païs de la tyrannie qui ja les pressoit, non seulement pour le regard du dixiesme, mais pour mille aultres espèces de cruàultez plus que Barbares, et mesmes pour le carnage que faisoit le Duc d'Alve des paovres habitants desdicts païs. Et quant à ce qu'ils disent les Ecclesiasticques Romains avoir esté persécutez par moi, chassez de leurs biens, la religion introduite, me fault il. Messieurs, aultre défense sinon ce que vous en cognoissez, à sçavoir que toute la mutation qui est survenue, a esté plus tost un œuvre de Dieu que des hommes? Vous sçavez combien de fois j'ai esté accusé pource que je m'opposoi trop froidement aux adversaires, que je les enduroi trop, que je seroi cause de la ruine du païs pour estre

trop lent à les chasser et extirper. Et quand il a esté question de ce défaire d'aulcuns, les debvoirs que j'ai faicts affin que un chascun peult vivre en paix et les uns avecq les aultres. Mais les Estats qui avoient trouvé du commencement propre et utile pour la conservation du païs, que Tune et l'aultre Religion fussent entretenues, si depuis par les insolences entreprises, et trahisons des ennemis meslez parmi nous, ont appris que' leur estât estoit en danger de ruine inévitable, sinon qu'ils empeschassent l'exercice de la religion Romaine, et que ceuls qui en faisoient profession, au moins les prebstres, avoient un serment au Pape (comme ils ont par tout) lequel ils preferoient à celui qu'ils avoient au païs : tellement qu'à l'assemblée des estats faicte à Leyde, comme aussi en la conjonction des païs de Hollande avecq Zelande, cest article fust unanimement accordé : et ne peuvent les ennemis ignorer ces choses, veu qu'au traicté de Breda, sur le poinct de la Religion, estant proposé de la part d'iceus ennemis que ce changement estoit advenu par la conduicte d'aulcuns particuliers, leur fust monstre l'accord de toutes les villes avecq le seau d'icelles. Quelle obligation me restera il maintenant, quand ceus ausquels j'ai faict une promesse non seullement me la remettent, mais aussi eus mesmesla rescindent, cassent et annullent? Et toutesfois si j'ai bien ou mal faict, j'en laisserai le jugement aux sages : tant y a, quand telles choses furent mises en avant je desiroi qu'on s'en fust passé, et encores plus, quand on les a exécutées : dequoi Messieurs de Hollande et Zelande me donneront si bon tesmoignage et mesmes aulcuns fascheux et chagrins 4'entre nous, et qui ont cspandu contre toute raison es païs estranges leurs mesdisances contre moi, que j'espère je n'aurai besoing de grande défense contre telles accusations.

lesquelles estants par moi desniees comme faulses, ainsi qu'elles sont, je ne crains pas qu'ils en puissent donner aulcune preuve : vous laissant à juger. Messieurs, combien est ridicule une accusation, qui se peult repoulser par une simple négation, et neantmoins la plus part des belles couleurs dont ce peintre se vante qu'il me depeind, se peuvent effacer par une seule telle esponge. Si on allègue, que neantmoins ceus qui ont esté dechassez ont juste occasion de se plaindre, d'aultant que la promesse ne leur a point esté tenue : ores que cela ne s'addresse point à moi, ce neantmoins je dirai pour la défense des Estats de Hollande et Zelande, que ceste plainte seroit tresmal fondée, d'aultant qu'il n'est pas raisonnable que telles gens jouissent d'un privilège, par le moien duquel ils ont voulu livrer le païs es mains de l'ennemi. Ils ont voulu trahir les vies, les biens des subjects : non un privilège, ou deux, ou trois : mais toutes les franchises et libertés conservées de temps immémorial et d'eage en eage par nos prédécesseurs et ancestres.

Ils entrelassent que fai procuré liberté de conscience. S'ilz entendent que j'ai faict ouverture à telles impietez qui se commettent ordinairement en la maison du Prince de Parme, ou l'athéisme et aultres vertus de Rome sont jeu, je respon' que c'est chez les héritiers du . Seigneur Pierre Louys, qu'il fault cercher telle liberté ou plustost licence effrénée. Mais je confesserai bien, que la lueur des feus esquels on a tourmentez tant de paovres Chrestiens, n'a jamais esté aggreable à mes yeus, comme elle a rejoui la veuë du * Duc d'Alve et des Espaignols, et que j'ai esté d'advis que les persécutions cessassent au païs basi Je vous confesserai d'advantage, affin que les ennemis cognoissent qu'ils ont affaire à une partie qui parle rondement et sans fard, à sça-

\oir que le Roi, quand il partist de Zelande lieu dernier qu'il laissa en ce païs, me commanda de faire mourir plusieurs gens de bien, suspects de la Religion, ce que je ne voulu faire et les en adverti eus n\çsmes, sachant bien que je ne le pouvoi faire en saine conscience, et qu'il falloit plustost obéir à Dieu que non pas aus hommes. Que les Espaignols donc disent ce que bon leur semblera, je sçai que plusieurs peuples et nations qui lès valent bien, et qui ont appris que par les feus et les glaives on n'advance rien, me loueront et approuveront mon faict. Mais puis que vous. Messieurs, avecq le consentement universel du peuple l'avez depuis approuvé, en condamnant la rigueur des placarts et faisant cesser ces cruelles exécutions, je n'ai aulcun soulci de ce que les Espaignols et leurs adhérons en murmurent. Et ne -me puis assez estonner de leur sottise, quand ilz n'ont eu honte de m'objecter les massacres des gens de leur Eglise, veu que non seulement ils sçavent mon naturel estre du tout esloigné de telles violences : mais aussi qu'il vous est notoire et à tout le monde, que par mon commandement et ordonnance pour raison de tels excès qu'ils me veuillent imputer, aulcuns furent exécutez à mort, et aultres de marcque et de maison illustre, arrestez par mes principaus serviteurs domesticques, et après avoir esté détenus long temps prisonniers, ils n'ont esté délivrez, sinon pour raison de la maison dont ils avoient eu cest honneur d'estre sortis, la longue détention de leurs personnes leur estant allouée pour la peine qu'ils avoient méritée. Mais ce qui a esté faict par ma charge, est tellement cognu à tout le monde, qu'ils ne le peuvent desguiser, ni obscurcir : seulement comme ils sont bien appris à dire vérité, ce que j'ai faict vertueusement, ils disent que j'ai faint la chose me desplaire. Mais qui leur a

dict que j'ai faint? qui est ce qui leur a tant révélé de mes secrets? ils voient ce que j'ai faict, ils ne peuvent juger mon cœur, et n'y a homme si malicieus, si ce n'est le forgeron de cest escrit ou un Espaignol, qui ne doibve plustost asseoir jugement sur ce qu'il veoit, que sur ce qu'il soupçonne malicieusement. Ils jettent des blasmes infinis sur nostre religion, ils nous appellent Hereticques : mais il y a si long temps qu'ils ont entrepris de le prouver, et n'en* ont encores peu venir à bout, que ces injures resemblantes aux parolles de femmes eschauffées de cholere, ne méritent aulcune response, et encores moins ceste bestise de dire, que je ne me suis fié enaulcun prebstre ou moine s'il ne s'est marié, et que je les ai contraints de se marier. Car qui est ce qui ne cognoit qu'ils jettent contre ma teste sans chois sans discrétion, tout oe qu'ils trouvent au chemin, tant est grande leur fureur et leur passion desmesuree? Et neantmoins quand ces choses seroient vraies, comme elles ne sont pas, ni raisonnables, (car nous apprenons par nostre Religion que le mariage doibt estre libre, et ne doibtestreni forcé, ni défendu :) si est ce que ceste faulte ne seroit à comparer à la tyrannie des consciences, qui a défendu le mariage à une partie de la Chrestienté, à laquelle non seulement les Eglises d'Orient se sont opposées, ains aussi les Eglises Germanicques et Gallicanes. Mais ce qui est. Messieurs, grandement à priser en ceste , tant véritable et si bien fondée proscription, c'est que le Roi navoit point commandé au Duc d'Alve d'imposer le dixiesme et vingtiesme sinon du gré du peuple. Si doncq le Duc d'Alve en un affaire de si grande importance, et qui a esté cause de la mort et ruine de tant de milliers de personnes a passé sa commission, quelle punition en est ensuivie? Le Duc d'Alve pour avoir faict à son fils un tel office pour

espouser sa Cousine, et délaisser une qu'il avoit abusée soubs couleur de mariage accompli, que Rigomes avoit faict auparavant au Roi, comme ci dessus est dict, est faict prisonnier, est mis hors de grâce, et n'auroit encores esté délivré si on eust peu trouver en toute Espaigne un tyran plus propre à tyranniser les Portugais que lui : il est donc chastié pour une faulte légère, et pour une si grande il est honoré, caressé, et rempli de biens. Et qui presseroit le Roi sur la mort de Messieurs d'Ëgmont et de Bornes, il en diroit autant n desadvoueroit derechef le Duc d'Alve. N'est ce pas un bon moien de se descharger de toutes faultes? et du moins s'ils eussent attendu après la mort de cest ennemi du monde. Mais qu'ils choisissent tel parti qu'ils vouldront. Ou le Roi l'a commandé et alors il ne peult éviter le nom de Tyran : ou il ne l'a point commandé, et le mesme nom lui demeurera, puisqu'il n'a point chastié celui lequel de son authorité privée auroit usurpé une telle tyrannie sur un peuple libre et francq : dont il appert qu'il en est çoulpable. Et combien que j'ai tousjours tenu le Duc d'Alve pour l'ennemi du pais, et qui s'est baigné volontiers en nostre sang et de tous les Chrestiens, portant à couvert un cœur Mahometan : si est ce que je l'ai trop cognu, et trop practiqué pour croire qu'il ait esté si sot et si oultrecuidé, que d'oser entreprendre met- Ire sus une imposition de telle conséquence, de l'avoir poursuivie si long temps et par moiens si extraordinaires, et du tout insupportables au païs, sans en avoir bons commandements, non unefois, mais plusieurs. Je vous prie. Messieurs, de bien penser, si celui, qui a osé condamner, ou favoriser cens qui ont condamné le Rourgemaistre d'Amstelredam à vingtcinq mil florins d'amende en son propre et privé nom, pour s'estre opposé au dixiesme, n'estoit pas bien asseuré et

n'avoit pas sufiBsante descharge de son supérieur? Et ne nous fault, Messieurs, aultre passage que cestui, pour recognoistre les fraudes, dissimulations et artifices, dont le Roi nous a menez et trompez si long temps, et délibère encores de faire, si nous nous laissons na\rer par l'aiguillon de sa langue, ou estonner par les menaces de ses armes. Et d'aultant qu'il en veult encores faire resonner le bruit pour les villes prises et forcées en Hollande, à sçavoir en quatre ans deus ou trois, et avec plus de force qu'il n'a combattu le Turc : je lui respon' qu'il devroit considérer aiant les advantages dont il se vante, si ce ne lui est tresgrand' honte d'en avoir esté entièrement chassé. Et ne lui sert d'alléguer la mutinerie des Espaignols : car un chef, et principallement avecq si grands moiens qu'il avoit, faict assez cognoistre son insuffisance et indignité de commander, quand il ne peult avec tels moiens tenir en obéissance ses soldats : au contraire s'excusant si ineptement, il ne veoit veulle ou non, qu'il est contraint de confesser avec bien peu de moiens et quattre ou cincq mil hommes, que moi et Messieurs de Hollande et Zelande, lui en avons rompu et faict consumer plus de soixante mil. Et ce pendant. Messieurs, qu'il perdoit ainsi son temps, ses hommes, et son argent en ce pais, il perdist aussi en deux mois le Roiaulme de Tunis et la Goulette, avecq la plus grande honte et coirfusion que jamais fist Prince puissant qui aist esté chassé de sa terre, quoi qu'on veuille rejetter la coulpe sur les jeunesses de Don Jean, et sur les paillardises du Cardinal. Car ce pendant qu'il emploioit ici si mal ses forces, Sinam Basscha lui enleva ce Roiaulme et ceste forteresse qu'on estimoit imprenable, à la veue d'Espaigne et de Sicile, sans que jamais aulcun de la part du Roi osa moDstrer sa teste pour le combattre ou seulement divertir. Et

Qeantmoins s'il n'avoit plus de respect au bien de la Chrestienté (ce qu'il n'a jamais eu, tesmoing son alliance fardée [pii a lant cousté aux Vénitiens) ni esgard à son honneur : pour le moins la mémoire de l'Empereur son père, qui n'estimoit rien touts ses haults faicts et exploicts d'armes, au pris de ceste conqueste, le debvoit esmouvoir et pousser d'un désir genereus et véhément, pour maintenir sagement ce que l'Empereur son père lui avoit conquis et à toute la Chrestienté si valheureusement. Mais ceste rage et fureur de nous ruiner qui le transportoit, lui ostoit les yeus pour ne veoir ce mal, et l'entendement pour ne le discerner, aimant trop mieùs faire preuve de son impuissance contre les siens propres, que de ses forces contre l'ennemi commun et universel de la Chrestienté.

C'est, Messieurs, ce qu'il m'objecte et qui est advenu devant vostre conjonction générale, à quoi il n'estoit peult estre pas du tout nécessaire de respondre, sinon qu'il n'est point seulement requis de vous satisfaire, mais aussi de leur fermer la bouche et faire cognoistre à tout le monde leurs impudences et calumnies. Car s'il n'estoit question que de ce qui vous touche et ceus qui estoient par ci devant des nostres, et qui se sont neantmoins tant mal à propos retirez d'avecq nous : vous, et eux avecq vous, avez par ci devant assez monstre que vous aviez beaucoup meilleure opinion de moi. Car premièrement l'accord traicté par vous avecq moi et Messieurs de Hollande et Zelande à Gand m'a suffisamment justifié, veu que si vous m'eussiez estimé tel que ceste infâme proscription me descrit, vous n'eussiez pas voulu ni deu entrer en traicté avecq moi : tant d'honorables ambassades que vous m'avez depuis aussi envoiez à S*. Geertrudenberghe, et encores en Anvers, tant pour me faire venir

en Brabant, que pour me faire approcher de vous à Bruxelles pour assister au conseil : et ce que vous avez voulu m'hono rer du tiltre de Lieutenant gênerai : toutes ces choses dis-j monstrent assez, qu'elle est Topinion et jugeméht que vou< avez eu de toutes ces faulses et frivoles accusations : ce que j'estime seul trop suffisant pour les réfuter.

Mais voions maintenant, comment ils se sont gouvernez de leur part auparavant ce temps, avecq quel orgueil, quelle insolence et mespris de toute nostre nation. Je ne répéterai point ni les perjures et tromperies de la Duchesse, ni du Roi à Fendroit de Messieurs les Contes d'Ëgmont et de Bornes, ni les appasts qu'ils m'ont apprestez, et généralement ce qui est advenu au paravant la venue du Duc d'Alve, mais seulement ce qui a esté faict depuis jusques à vostre conjonction generalle :affin comme la mémoire des mauls et douleurs passées vous apportera plaisir et contentement, et (comme' j'espère) à moi qui vous y ai aidez quelque gré : aussi par icelle que vous vous confermiez de plus en plus en ceste résolution saincte et digne de louange immortelle^ que vous avez prise pour vous opposer aux Espaignols et à leurs adherens. Or tant ledict Duc d'Alve que cens qui ont commandé soubs lui, et depuis lui, nous ont assez faict cognoistre quel a esté de tout temps le Conseil d'Espaigne, à sçavoir de nous exterminer et asservir. Car comme Hannibal des l'eàge de neuf ans jura sur l'autel de ses Dieus, qu'il séroit toute sa vie ennemi des Romains : ainsi a esté ce Duc d'Alve des son enfance nourri et eslevé en uiie haine irréconciliable contre ce païs, laquelle par tant de sang qu'il a humé, n'a peu jamais estre rassasiée : ains tant plus il en a faict ruisseller en toutes les villes de ce païs, jusques à avoir faict mourir, comme lui mesmes s'en est vanté, dixhuict mil pao-

vres hommes innocents et plus, par les mains du bourreau, n'a jamais peu toutesfois assouvir ceste cruelle cupidité. Tellement que si quelqu'un veult cognoistre quels sont les secrets conseils d'Ëspaigne, quelle est la volonté du Roi, et combien il nous aime, il verra le tout déchiffré es gestes sanguinaires du Duc d'Alve, comme s'il Tavoit représenté devant ses yeus et depaint en un tableau : car il n'y a eu espèce de dissimulation, trahison et perfidie, dont il n'ait usé, pour avoir à sa dévotion les principauls Seigneurs de ce païs, avecq offres, promesses et nouveauls tiltres d'honneur conférez. Mais les gens de bien qu'il a peu attirer, il les a faict cruellement mourir, sans aulcun esgard à leur innocence ni aus privilèges du païs. Et toutesfois rien n'a esté faict sinon par le commandement du Roi. Il a faict le semblable à l'endroit des bourgeois et bons marchants, foullant aus pieds si arrogamment nos libertez et franchises anciennes, tout ce qu'il y avoit entre nouis restant de la splendeur de nos ancestres : qu'il sembloit que vous ne fussiez pas dignes d'estre mis au nombre des hommes. Et ou est ce que nous en pourrons avoir preuve plus certaine, plus illustre, plus en veuë, et comme en spectacle de toute la Chrestienté, avec un mêspris insupportable de tous ces païs, qu'en ceste superbe, ambitieuse, profane, païenne et ensemble sotte érection de sa statue au milieu de la citadelle d'Anvers, marchant impudemment sur le ventre des S'*, des estats, de tout le peuple de ce païs, monument de sa tyrannie, tesmoignage de son orgueil. Que dirai-je de ses serviteurs et toute ceste vermine venue d'Espaigne parlants de nous, non point comme de vel /acos .mais comme de bestes? Vous en avez. Messieurs, encores les oreilles toutes battues, et vous pouvez représenter leurs gestes, leur desmarche, leurs paroUes

— Hfî —

pleines d'audace, d'orgueil, raespris, leurs faicts insupportables, et quand ils ont esté dedans vos villes, avecq quelle insolence ils vous ont commandé. Si doncq il est vrai ce que disent les sages, pour cognoistre le naturel d'un Seigneur, qu'il fault examiner celui de ses amis et familiers : d'un maistre, de ses serviteurs : par les vertus du Duc d'Alve principal ministre de son maistre, et exécuteur de ses conseils, vous pouvez juger. Messieurs, quelle bonne affection vous porte le Roi qui vous l'a envoie pour vous tourmenter, et ce que vous en debvez attendre, si vous n'y donnez ordre comme vous le devez, et tout ce bon peuple s'en attend à vous. Je ne dirai rien des violements, rançonnements, exactions commises par les Espaignols : seulement je m'arresterai sur le principal : jamais vous n'avez sceu obtenir l'assemblée libre des Estats generauls, sachant bien vostre ennemi qu'empescher la convocation d'iceuls, est coupper par le pied l'arbre de vos privilèges, faire tarir la source de vostre liberté. Car de quoi sert à un peuple d'avoir les privilèges en beauls parchemins dedans un coffre, si par le moien des Estats ils ne sont entretenus, et qu'on n'en sente les effects? Et de faict long temps auparavant le^ Roi avoit pris dispense du Pape, pour le serment qu'il vous avoit faict de garder vos privilèges, en quoi non seulement il violoit sa foi, mais il croioit aussi trop légèrement et pernicieusement des fols Conseilliers, et monstroit par trop combien estoit grande sa prudence. Car ne pouvoit il pas bien cognoistre, se tenant absous du serment qu'il vous avoit faict, que vous estiez aussi quittes du vostre envers lui? tellement que lui, voulant estre deslié de son serment envers vous, vous ne lui debviez aussi aucune obéissance et subjection? affin que je laisse pour le présenta auUres et plus exercez en telles matières que moi,

à desmesler cestc question : si le Pape se peult à juste tiltre vanter d'avoir une telle puissance et authorité, et s'il restera encores aulcune chose ferme et asseuree au monde, si les serments faicts si solennellement peuvent estre violez soubz une telle couverture. En mesme temps les mariages hors du païs sont entièrement défendus. Ce qui n'avoit jamais esté practiqué, est prohibé : à sçavoir que les enfans ne puissent aller pour estudier en aulcune escolle du monde hors du païs sinon à celle de Rome,condemnans par ce^moien toutes les aultres escolles, qui est une arrogance par trop grande, voire mesmes (tant ils estoient imprudens) ils condamnoient sans y penser celles des Jésuites : mais qui est bien le pis, iraçoient le chemin à une vraie barbarie. Car comme une fréquentation de toutes sortes de gens de lettres, nous a produits en ce paifs plusieurs bons esprits, qui ont grandement ennobli ces provinces : aussi ceste interdiction ne pouvoit sinon avec le temps causer une ignorance plus que Turquesque, sans que je dise que par ce moien ils assubjcttissoient ce païs à conditions non jamais ouïes. En ce mesme temps la publication du Concilie de Trente fust faicte, lequel concilie a semblé mesmes aus François si inique,que jusques à présent n'a peu estre publié au Roiaulme de France.

Quelque temps au paravant avoit esté poursuivie et obtenue, l'installation des nouveaus Evesques, laquelle a\oit esté si long temps auparavant débattue, pour les inconveniens que touts gens sages et amateurs du païs, et ennemis de la géhenne des consciences prévoient devoir ensuivre, comme j'en escrivi' mesmes au Roi : sans que je parle des remonstrances que j'en ai faictes à la Duchesse en plain conseil, et souvent ailleurs : tout ce desseing ne servant à aultre fin que pour establir la cruelle Inquisition d'Espaigne et les-

dicts Evesqucs, pour servir d'inquisiteurs, brusleurs de corps et tyrans de conscience. Il est vrai qu'au jourd'hui ils dénient avoir voulu introduire ceste mauldite Inquisition : mais si je leur produi homme digne de foi, qui estoit pour lors Pensionnaire du Francq, et auquel fust deux fois presentéle bancqpourestretorturé,affin deconfesser quiesloienl cens des Seigneurs dudict Francq qui avoient esté d'advis de refuser l'Inquisition, diront ils que c'est un tesraoing forgé ? et toutes.fois il est tel qu'ils ne peuvent lui objecter aulcune chose, et s'il estoit de besoing je trouverois assez d'autres preuves claires et trop manifestes. Les placarts plus rigoreus suivirent avecq commandement de ne rien remettre de l'ancienne ^rigueur, et de faict la bulle expédiée par le Pape pour l'érection desdicts Evesques, porte notamment que chascun Evesque pourroit conférer en son Eglise cathédrale deux prébendes , que chascun des Chanoines seroit tenu lui assister au faict de rinquisition,et que particulièrement deux d'entre iceus seroient actuellement Inquisiteurs. Et comme les Princes ou tyrans qui occupent nouveaus Roiaulmes et Seigneuries, leur imposent un tribut en signe de leur victoire , aussi le Duc d'Alve en tesmoignage de sa conqueste (car c'estoit son commun langage, à sçavoir que ces païs appartenoient au Roi non en tiltre de patrimoine, mais comme estans conquis par les armes), lors dis-je pour faire cognoistre à tout le monde la condition à laquelle il avoit assubjecti ce païs,il lui impose par le commandement de son maistre le dixiesme perpétuel , sans consentement des Estats, sans consentement des villes et provinces, il se resoult avecq les siens de l'exécuter par force : quand il entend que quelques cœurs genereus commençoient à s'esmouvoir, tellement que justement à l'heure (vôiez, Messieurs,

quelle est la providence de Dieu) qu'il reçoit nouvelles de la prise de la Briele, il avoit résolu de faire la nuict mourir les principauls bourgeois de Bruxelles,d'aultant qu'ils s'estoient opposez à ceste imposition violentement publiée contre leurs privilèges. Le bourreau nommé maistre Charles, avoit commandement de tenir prest dixsept cordes, et des escheiles de dix à douze pieds de hault : les soldats estoient eu armes : Don Federigo venu en la maison du Président Viglius pour arrester le dictum de la condemnation, quand ces heureuses nouvelles pour les bons bourgeois de Bruxelles arrivèrent. Le Lieutenant de l'Amman en estoit l'un, pour avoir refusé d'exécuter les opposants. Et de faict le Duc d'Alve lui vouloit tenir promesse qu'il lui avoit dict peu auparavant : Por estm^stvos nolohazeiSf yo os haré ahor€ar. Et sur la réplique: Losjuezesson vellacos.-bcista que yo os lomando. Et je confesse qu'au mesme temps estant derechef solicité, tant par plusieurs gens de bien, que par mon propre serment et debvoir au païs, je revin' pour la seconde fois avec armée : de laquelle expédition je ne toucherai d'advantage, car il n'y a personne d'entre vous qui ne sache quels en ont esté, et sont encores à présent les événements. Maintenant donc, Messieurs, s'il vous plaist considérer d'une part ce que le Duc d'Alve a faict devant que ceste guerre ait commencé, quelles occasions justes il m'a données, et aus Estats de Hollande et Zelande d'avoir eu recours aus armes, ce que lui et le grand Commendador ont faict jusques au jour de la révolte et rébellion des Espaignols, et comment je me suis conduit depuis et gouverné : je ne refuse point que vous n'en jugiez et déterminiez comme vous trouverez convenir. Mais vous avez desja assez monstre ce que vous en sentez par la Pacification de Gand, par l'expulsion de Don Joan, et par

tant d'actes et tesmoignages qu'il n'est besoing d'en avoir d'avantage, et mesmes ne m'aiant voulu décharger ores que si souvent je vous en aie requis.

Je viendrai doncq à ce qu'ils touchent en leur cruelle proscription en second lieu, à sçavoir à ce qui a suivi le temps auquel les Espaignols furent déclarez rebelles et ennemis du païs.

En ce temps. Messieurs, fust traictee et conclue la Pacification de Gand avecq une si grande joie et contentement du peuple, de toutes les provinces en gênerai et en particulier, qu'il n'est mémoire d'homme qui puisse se souvenir d'une pareille. Un chascun se peult souvenir des promesses mutuelles d'amitié, d'intelligences, communications de conseil qui y sont compris. Mais quoi ? ceus mesmes qui ont bien faict depuis cognoistre, quelle estoit la malice invétérée de leur cœur, et touteslois qui estoient du nombre de ceus qui la traictoient avecq mes députez, et ceus de Hollande etZelande, en la traictant jettoient à la traverse tous les empeschemçns à eus possibles pour la faire mourir en herbe : à quoi sans contredict fussent parvenus s'ils n'eussent craint de tumber en danger, et si le peuple et toutes les provinces qui sentoient et prevoioient de loing ceste pacification devoir estre le fondement de leur liberté, et la restitution de leurs anciens privilèges, ne les eussent comme d'une voix contraincts à la conclurre. Et d'aultant. Messieurs, que souvent en ceste exécrable proscription et en leurs petits ineptes livres diffamatoires et lettres clandestines, ils m'objectent que je lai rompue et violée : voions comment ils l'ont maintenue de leur part. Elle ne fust pas si tost jurée que le Sieur de Haulsi, suivant vostre commandement fisl plusieurs voiages en Zelande vers moi, pour obtenir secours d'hommes et de

munitions de guerre, pour le siège du Ghasteau de Gand ' l'un des nids de la tyrannie Espaigiole, ce qu'il impetra. Mais un quidam indigne de sa race et de son païs ne se peult contenir, ains au mesme temps commença à vomir son venin, chargeant de blasme ledict Sieur en recompense d'un si bon service, et qui a esté la vraie porte à la liberté du païs et Conté de Flandres, et nommément delà ville de Gand, si long temps auparavant tyrannisée : et ne tint pas audict Sueveghem, au Conte de Reus, Mouqueron et aultres, que les Espaignols touts sanglants encores du massacre d'Anvers et chargez des despouilles des bons bourgeois, ne fissent une pareille exécution en la ville de Gand, qu'ils avoient faict en la tresrenommee ville d'Anvers, ce qu'ils eussent exécuté (ainsi que les lettres de Rhoda et aultres en font foi) sans ledict secours. Voila comment lors que la trompette sonnoit pour publier la Pacification de Gand, ces gens de bien commençoient à la rompre. Là dessus arriva Don Jean, et quoi que mon ennemi veuille ici falsifier et déguiser, n'ai je pas encores les lettres signées de la main du Roi, et d'un des secrétaires de son estât, et cachettees de ses armes, qui font foi de la charge donnée à Don Jean ? n'ont elles pas esté publiées à tout le monde? s'est il encores trouvé Espaignol si impudent qui ait osé les débattre ? Par icelles nous avons cogneu que toute la différence entre Don Jean, le Duc d'Alve etLouys de Requesens estoit, qu'il estoit plus jeune et plus sot que les aultres, et qu'il ne pouvoit pas si long temps cacher son venin, dissimuler ses charges, et retenir ses mains brillantes du désir de les tremper en nostre sang. Je ne vous en ferai ici, Messieurs, aulcun récit, car elles sontcognues aus petits enfans, et toute la terre en est abbreuvee. Combien doncq que ces choses fussent mises en lumière devant tout

le monde, combien que les pacifieurs le cogneussent, le sceussent, toutesfois la haine invétérée contre ce paovre peuple estoit si grande,ils estoient si accoustumez; d'aider à ceus qui opprimoient vos privilèges, servir à la tyrannie leur estoit tellement passé en nature : que comme sangliers escumants de rage, viennent eus mesmes se lancer dedans Tespieu du cœur sanguinaire de Don Jean, accordent avec lui contre mon advis, de ceus de Hollande et Zelande, contre leur serment donné à la Pacification de Gand. Et puis ceus ci m'osent objecter la Pacification et mon serment, comme si ces liens ne fussent apprestez que pour me tenir et Messieurs de Hollande et Zelande entravez, cependant que ces bons et loiaus pacificateurs aiants rompu toute obligation de loix,de loiaulté et fidélité, eussent une licence de faire, commettre et perpétrer tout ce que leur cœur desloial leur suggeroit? Ils ont faict promettre (ce diront ils) à Don Jean de faire retirer les Espaignols : comme si tout nostre accord et alliance gisoit en ce seul point. Mais devant que conclure avec Don Jean, ne devoient-ils pas me remettre en mes gouvernements, en mes biens, me restituer mon fils qui estoit du nombre des prisonniers? Y ont ils seulement pensé,combien que plusieurs d'entre eus lui estoient parents ? Rien de tout cela : car leur but estoit bien aultre, comme ils le monstrerent assez par tant de consultations qu'ils firent pour trouver le moien de m'opprimer, assubjectir la [Hollande et Zelande, cognoissants que j'estoi encore seul audict temps avec les Estats desdicts païs, qui cmpeschions ouvertement leurs pernicieus desseings, qui estoient d'entrer en la place des Espaignols, exercer pareille tyrannie que les Espaignols, mais comme il leur sembloit avec plus de puissance et authorité, et aussi pour estre en leur païs, avecq plus d'impu-

nité : je me rapporte de ceci ans instructions données à cens qui ^indrent traîcter avec moi à S'«. Gertrudenberge, desquelles je fçrai apparoir s'il en est besoing. Au mesme temps ils envoierent vers la Roine d'Angleterre pour l'abbreuver de toutes choses faulses, et pour l'induire à s'armer contre moi et Messieurs les Estats de Hollande et Zelande : mais la cognoissance qu'elle avoit de la vérité, et la prudence singulière de laquelle est douée, lui firent prendre toute aultre resolution qu'ils n'avoient espéré. Bref, ils machinèrent tout ce qu'ils peurent pour remettre sus, les mesmes practicques des Espaignols : et voila,Messieurs, quelle a esté leur observation de la Pacification de Gand des le commencement. Et quant aus Espaignols queDon Jean leur disoit avoir renvoiez, ils voioient (au moins si leur restoit quelque peu de lumière, car ils n'avoient faulte d'advcrtissemens) que les uns s'amusoient en Luxembourg, les aultres en Bourgoigne, les aultres en France soubs l'umbre de la guerre civile qui y estoit resuscitee, en attendant le mot de guet, pour revenir en un instant, comme aussi ils firent. Ce neantmoins ils sçavoient que Don Jean retenoit quatorze mille Allemans, des vielles bendes, qu'il tenoit en garnison es villes principales du païs, qu'il traictoit à Malines avecq lesdicts Allemans, qu'il leur disoit d'un et à vous, Messieurs,d'aultre, retiroit le chasteau d'Anvers d'entre les mains du Duc d'Arschotet du Prince de Chimai son fils, le laissoit entre les mains de Treslon. lls^ voioient dis-je ces choses, et neantmoins y aidoient et favorisoient, et encores ils diront qu'ils gardoient la Pacification de Gand. Car quant à ce que mon ennemi dit que Don Jean l'avoit jurée, je confesse d'advantage,que le Roi mesmes l'a promise,quile rend d'autant plus convaincu : car au mesme temps il commandoit à Don Jean de la rompre, ainsi qu'il

appert par ses lettres. Et quant à Don Jean, il est vrai qu'il Ta promise et juree,mais ce fustavec une condition, qu'il a voit predict en présence mesraes d'aulcuns de vos députez y debvoir adjouster, à sçavoir jusques à ce qu'il s'en repentiroit : laquelle condition escheut bien tost après. Car ce jeune homme estimant estre au dessus de ses affaires, et avoir entre ses mains (à raison des garnisons Allemandes et plusieurs trahistres à leur patrie) les meilleures villes, se saisit (non sans faire un tort indigne à la Roine de Navarre) du chasteau de Namur, lieu qui lui sembloit propre et nécessaire pour faire repasser les Espaignols. Mais aussi tost par la rendition du chasteau d'Anvers qui vous fust faicte, il se trouva un peu loing de son compte, ce que lui fist perdre pour un temps beaucoup d'amis, qui commencèrent aussi tost à changer de robbe : et fust rendu Don Jean si perplex,qu'il n'eust aultre recours, sinon aiant corrumpu aulcuns de vos propres députez, gaigner le temps, et vous amuser par une espérance fardée de paix. Et pleust à Dieu, que des lors vous n'eussiez esté empeschez. Messieurs, par ces bons observateurs de la Pacification de Gand, de croire mon conseil : car par une bien petite armée nous pouvions estre quittes de Don Jean, de ses Espaignols et adherens, et de tant de calarai tez qui ont ensuivi. Je vouldroi doncqencores ici sçavoir Messieurs, si lors Don Jean gardoit ceste Pacification, et son union si sollenneleiiient jurée (comme ils parlent) qu'il avoit faicte avec ces Espaignolisez. Et pourquoi me viendra reprocher la Pacification de Gand, celui, qui nous a faict déclarer par le Sieur de Selles, qu'il ne la vouloit garder. Jouira il à mon préjudice d'un privilège auquel lui mesmes renonce ? Et quant tout est dict, ce n'est point avecq lui, que moi et les Estats de Hollande et Zelande avions contracté : c'est avecq

vous. Messieurs. Que si après tant de ruptures de la Pacification, et en tant de sortes,apres que contre iadicte pacification ils ont exterminé des villes où ils ont peu exercer leur domination tyrannicque, les meilleurs bourgeois, alléguants contre eus choses faulses et meschantes : si donc après ces choses. Messieurs, vous avez jugé que pour vostre seureté vous debviez amplifier aulcun des articles, les changer,voire quand ainsi seroit.que vous les auriez voulu du tout rompre, rescinder, et revocquer : qui est ce qui vous en pourroit accuser, si vous avez usé de ce qui estoit vostre , comme vous l'auriez trouvé convenir à vostre bien, sinon celui qui se vouloit servir de son serment comme d'un rets pour vous surprendre? Car quant à ce qu'ils disent que de ma part y a eu changement, ores qu'il fust vrai, si est ce que je n'y avoi plus d'obligation pour le regard des contractans avec moi, puis qu'ils l'avoient en tant de sortes violée : et puis que de vostre part estoit trouvé convenir, que le changement se fist, vous aviez aultant d'authorité et puissance d'en disposer, qu'un Seigneur a de droict en son héritage : car la Pacification estoit vostre, de laquelle vous pouvez usez à vostre plaisir.

Mais il a tant de fois esté remonstré et de bouche et par escrit, que rien n'y a esté violé, qu'il n'est besoing que j'emploie d'advantage le temps à le vous déclarer. Seulement je dirai, qu'il estoit bien défendu à cens de Hollande et Zelande, de rien innover en ce païs : mais que les aultres Estats en leurs provinces ne peussent pourveoir par quelque condition à leur seureté, il ne se trouvera point qu'il y ait une telle obligation, ce que par la lecture de l'article unziesme et douziesme se peult veoir et cognoistre manifestement. Et de faict, sur la confection de Iadicte Pacification,-

comme un de ceus qui estoient députez de nostre part, remonstra à quelqu'un des principaus de Taulre, que telle chose pourroit advenir, et pourtant qu'il eust esté meilleur d'accorder quelque liberté pour les subjects des provinces pour lesquelles ils contractoient : on lui respondit, qu'il ne se falloit donner peine de telles choses, et que ceus de Brabant, Flandres, et autres païs ne demanderoient jamais changement en Testât de la Religion. Que si maintenant ils ont esté trompez, pourquoi est ce que furieusement ils s'addressent à moi? Je leur apporte aussi la mesme response pour le faict du changement survenu en quelques villes de mes gouvernements. Car je puis bien asseurer devant Dieu, que je n'y ai donné aulcun advis ni consentement, et que plusieurs choses y sont survenues qui ne me plaisoient pas, comme aussi en Flandres. Mais je leur maintien, s'il y a eu quelque insolence militaire, que ce n'estoient que roses au pris des intolérables excès faicts par eus : et pour le moins il n'y a poinct eu d'infidélité, ni de trahison et intelligence avec l'Espaignol de nostre part, comme il y a eu de celle des ennemis. Car n'ont ilz pas à main armée commencé une guerre contre leur foi et leur promesse, assailli leurs conf 3derez, quand nous estions à deux jours prest de donner bataille à nos ennemis, n'ont ils pas poursuivi l'exécution de leur complot et conjuration contre leurs confcderez, et leur défection au temps que la bonne ville de Maestricht estoit assiégée? Que s'il y a en ce monde acte deteslable, est ce point cestui ci? Lors que vous vous attendiez aus forces de vos confederez, pour secourriNune bonne ville assiégée, avecq laquelle ils avoient alliance jurée, de laquelle ils ne pouvoient se plaindre en façon aulcune, ou à tort ou à droict, lors disje non seulement ils vous abandonnent, mais ils vous font la

guerre, le plus chauldement qu'ils peuvent. On raconte que Suffetîus fut tiré à quattre chevaus pour n'avoir bougé et s'estre rendu spectateur lors que Tullus Hostilius son confédéré combattoit. Quels gibets doncq, quels supplices pourroit on inventer qui fussent suffisants pour chastier ceste perfidie et perduellion? Et de qui? De ceus là, Messieurs, qui avoîent au paravant mis la main sur le Conte de Mansfelt, Viglius, Fonc, Assonville, Berti et aultres du conseil d'Eslat, lors que je n'estoi encores lié si estroittement avecq eux que depuis j'ai esté, et n'estoi passé encores en Brabant, de ceus la dis-je qui par telle appréhension avoient donné à cognoistre à tout le monde, le jugement qu'ils faisoient des gestes du Roi et de son conseil : vous laissant juger. Messieurs, quel grand discours il y a en telles gens, qui ne peuvent prévoir nous faisants la guerre qu'ils aiguisent les espees de ceus qu'ils ont faict prisonniers, pour leur lever la teste. Ils diront que je ne me suis pas rendu ennemi de ceus de aostre parti qui ont passé les bornes. Vraiement je n'ai point approuvé les excès d'aulcuns. Mais pensent ils que je sois si imprudent pour leur faire plaisir, de donner ouverture à la ruine du païs, et faire Escovedo Prophète? Ont ils jamais ouï qu'un sage père ait pour le contentement de son ennemi cerché la ruine de ses enfans? ains c'est son debvoir de corriger les fautes, et en les emendant conserver sa famille. Mais Bours, Montigni, et aultres ne sçavent ils pas les debvoirs que j'ai faicts pour remettre tout en bon ordre? ont ils oublié les articles accordez tels qu'ils les ont demandez et qu'ils ont depuis violez contre leur serment? C'a doncq esté rage, folie, ambition, et haine contre la religion, envie de dominer qui a transporté leurs cœurs et agitez comme de fureur, et qui les a premièrement esmeus, et qu'ils depuis ont couvert du man-

teau de la pacification de Gand. Car je sçai, Messieurs, la peine en laquelle ils furent pour donner couleur à leur entreprise, et qu'un simple capitaine en ce conseil leur fist ceste ouverture, qui fust incontinent suivie.

Je sçai que plusieurs trouveront nouveau, qu'enfans de bonne maison, issus de tels pères, se soient tant oubliez que d'assembler tant de reproches sur leur race, et aulcuns penseront n'estre croiable que jamais il eust peu se trouver une telle inconstance en eus : et ne puis encores de ma part que je n'en soi marri pour la bonne amitié et l'honneur que j'ai porté à leurs pères, et le désir' que j'ai eu de les veoir advancez en toute vertu, honneur et réputation (ce qu'ils pouvoient faire, s'ils eussent seulement sçeu patir un peu de tems, et porter une partie de la calamité de leur patrie) et desireroi bien encores qu'ils peussent estre si sages, que par une bonne repentance ils emendassent le passé. Mais affin que je ne parle de beaucoup de leurs actions particulières qui ne sont pas exposées en la veuë de tout le monde, qui sont toutesfois pleines de légèreté, si on vient à considérer ce qui est cognu d'un chascun, et mis devant les yeus de tout le monde, qui est ce qui se pourra assez esmerveiller de l^inconstance et vanité de leurs resolutions? Ils servent le Duc d'Alve, et le grand Commendador comme varlets, ils me font la guerre à toute ouUrance : peu après, ils traiclent avec moi : ils se reconcilient, les voila ennemis des Espaignols. Don Jean revient : ils le suivent, ils le servent, ils machinent ma ruine. Don Jean fault à son entneprise du chasteau d'Anvers : ils le quittent incontinent, ils m'appellent. Je ne suis pas si tost venu, contre leur serment, sans en communiquer ni à vous. Messieurs, ni à moi, ils appellent Monseigneur l'Archiduc Matthias. Est il venu, ils voient qu'ils ne

peuvent venir à leur but : ils le laissent, et sans l'advertir vont quérir Monseigneur b jOuc D'anjou, ils l'amènent, ils lui promettent merveilles. Ils voient qu'ils ne le peuvent amener à ce point de se rendre chef contre vous, Messieurs, et contre ceus de la Religion : ils le délaissent, et se joingnent au Prince de Parme. Y a il flots de la mer plus inconstants, Euripe plus incertain, que les conseils de telles gens, qai pensent estre si hault assis, tant eslevez et si affermis, qu'il leur soit loisible de se jouer ainsi de Princes de telle part? Si doncq ils ont faict telles choses comme il est cogneu à tout le monde, croiez qu'il n'y a rieh si legier et si vain, qu'ils n'entreprennent. Et que peuvent ils faire plus énorme, que d'avoir consenti à ceste lasche proscription qui est bastie contre la teste de celui qui leur a guaranti la leur, a faict restituer les biens aus principaus d'entre eus? Et croiez. Messieurs, que ce n'est pas la fin : car si bien tost ils ne se recognoissent (ce que je desidere) vous les verrez encores changer de cheval et de selle plus de dix fois devant que cest affaire se desmelle.

Quant à ce qu'on m'objecte que je me suis faict élire par force et tumulte Gouverneur de Brabant, il vous souvient. Messieurs, que jamais je ne vous en ai parlé, et que je ne vous en ai aulcunement solicitez : au contraire, vous avez mémoire de la grande résistance que je fi' et de m^es remonstrances au contraire : et mesmes quant à Testât de LieutenaRt général que j'en voulu avoir l'advis et le consentement des chefs qui estoient en l'armée, et laquelle bien tost après fust mise en routte (je ne di point maintenant par la faulte de qui) lequel ils m'envoierent, comme encores je l'ai signé de leur main. Que si aulcuns du peuple advancerent ceste élection, encoçes que ce ne fust à ma prière ni solicitation,

toutesfois je suis contraint de confesser qu*ils estoient plus sages et mieus prevoiants les affaires de ce païs que je n'estoi lors, car ils entendoient bien, laissant le maniement des affaires et Tadministration de la chose publicque entre les mains de ces Espaignoiisez, que c'estoit bastir sur un sable mouvant et peu ferme pour y asseoir un tel édifice. Il est aussi vrai ce qu'ils disent, que par les tumultes de Gand j*ai esté esleu Gouverneur de Flandres": (*ar c'est une vraie ignorance de nos affaires, par ce que les quatre membres ont faict élection de moi non une fois, mais plusieurs, non point durant les tumultes, mais depuis, les clfoses bien pacifiées, l'ont plusieursfois pourchassée, tant envers vous qu'envers moi, et jusques à présent je ne l'ai voulu accepter.

Je ne pense pas aussi. Messieurs, qu'il soit raisonnable que je responde des moiens levez par vous, et qui ont esté administrez suivant vos advis sous vostre authorité par vos trésoriers, commis, et recepveurs, sans que j'en veoie jamais un denier, ni moi ni les miens. Mais s'il convient en donner blasme à quelqu'un, estce pas à l'ennemi, lequel vous contraint cercher moiens pour vous défendre? et si lui pour faire du mal, exercer tyrannie, opprimer vostre liberté, faict de si grandes et excessives despenses : pourquoi pour bien, faire, pour reprimer le tyran, conserver vos privilèges, vostre liberté qui ne peult estre évaluée, ne feres vous quelque dépense? Que si il estoit question d'exposer tout ce que nous avons jusques à la dernière maille, jusques à la dernière goutte de nostre sang, que ferions nous à quoi nous ne soïons tenuz et obligez? et dequoi nous n'aions tant de beauls exemples es histoires anciennes tant des estrangers, que de nos braves et vaillants prédécesseurs et ancestres? Mais tant s'en fault qu'il faille désister, qu'au contraire puisque nous

voions ce qui les picque, c'est ce sur quoi nous nous debvons d'advantage évertuer. Car de respondre à ce qu'il dict, que j'en ai faict emprisonner et tuer aulcuns de ceus qui ont contredict aus contributions, je ne pense pas qu'il soit besoîng de leur respondre devant vous, Messieurs, qui cognoissez que ce sont évidentes calumnies, et qui sçavez que j'ai plus esté blasmé de ma trop grande doulceur et patience à tolérer plusieurs esprits malings, qui par leurs artifices et secrètes menées retardoient nos affaires, que je ne suis accusé de mon ennemi de ma rudesse. Que si ce qu'ils m'objectent estoit vrai, il y en a plusieurs qui parlent aujourd'hui bien hault, à qui on auroit bien couppé le filet : et toutesfois je ne me repen' point encores d'en avoir ainsi usé, et me resjouirai tousjours d'avoir plus tost voulu recepvoir un tort, que de l'avoir voulu faire, ne doubtant point que Dieu qui est juste juge, ne face tomber sur la teste de ces trahistres et desloiaus, qui mangeoientlepainavecq nous et estoient participants de nos conseils, et neantmoins à présent, sont en leur conseil, le salaire de leur meschanceté comme desja la vengeance les poursuit d'une inquiétude perpétuelle et agitation de l'esprit.

Quant à la négociation du S', de Selles, laquelle a esté recognue plaine de tromperies et de dissimulations, c'est à vous. Messieurs, qui avez si prudemment descouvert ses fraudes, et qui lui avez faict cognoistre, que ceus qui n'ont point veu l'Espaigne ne sont pas pour cela des bestes comme lui et ses semblables l'estiment, c'est vous dis-je contre qui s'addresse ceste accusation. Je confesse que j'ai esté de mesme advis que vous, qu'il ne le falloit croire non plus qu'un affronteur et trompeur, et qu'un instrument choisi pour mettre tout en division, à quoi me résoudre

persone ne m'y a tant aidé que lui mesme. Car ce qu'il me disoit que j'estoi tant en la bonne grâce du Roi , qu'il n'y a Seigneur de pardeça duquel il eust meilleure opinion que de moi, qu'il me vouloit tant emploier : me faisoit de plus en plus penser, qu'on eust bien eu affaire de ma teste, si j'en eusse voulu faire tel marché que cest Espaignolizé me vouloit persuader. Je confesse dis-je que j'ai esté de l'opinion mesme que vous avez esté et avez tresprudemment résolu, à sçavoir suivant l'exemple de ce sage capitaine, de boucher vos oreilles à ces Sereines d'Espaigne. Mais que dis-je que j'ai esté de cest advis? ces misérables qui ont consenti à ceste mauldicte proscription n'y ont ils pas aussi résisté comme moi? les mesmes Magistrats qui ont faict publier ceste proscription, n'ont ils pas aussi rejette le Sieur de Selles et toutes ces bourdes ? Qui est assez suffisant pour respondre à ce qu'ils touchent du changement des officiers Catholicques : et pleust à Dieu que j'eusse eu le pouvoir, ou que par la précipitation d'aulcuns, je n'eusse pas esté empesché de procurer le changement par tout : car il ne seroit pas ensuivi un tel déluge des maus qu'on a veu à raison de la disjonction des Provinces , et lequel est à craindre qu'il n'accroisse de jour en jour à la ruine générale du païs : pour le moins j'espère si ces Provinces qui nous ont si laschement abandonnées ne se repentent d'une telle faulte, qu'elles sentiront personne n'estre jamais mieus chastié pour un meschant conseil, que cens qui l'ont premièrement donné. Et sur ce point je ne me mettrai pas en peine de respondre à ceste calumnie, que j'ai mis en charge lesdicts officiers par mon authorité privée^ veu que par tout ou j'ai assisté au changement de la Loi, j'y ai seulement exécuté la charge qu'il vous a pieu m'en donner, et comme vostre commis et

député, n'y faisant rien contre les loix et privileges/Bien confesserai je que j'ai cerché !e plus que j'ai peu, à y introduire gens de bien, gens d'honneur, de bonne consciencî, et surtout, amateurs de la patrie. Mais je sçai bien ce qui les point, c'est que je n'y ai pas volontiers favorisé cens qu'ils avoientà leurcordelle, gens sans foi, sans pieté envers leur païs, gens sanguinaires, et esclaves de leur tyrannie. C'est, Messieurs, ce qu'ils appellent confusion , à sçavoir le règlement de nostre republicque selon nos loix, lesquelles sont aussi contraires à leurs intentions barbares que le jour est à la nuict. Mesmement, Messieurs, il n'est grand besoing de respondre à telles objections, quand nostre propre ennemi y respond assez. Car quelz estoient ces officiers, desquels ils disent que nous nous sommes desfaicts?//;$e5(otenf (disent ils) bien affectionnez au Roi, qui est autant à dire que bons ennemis du païs : et par cela, Messieurs, vous entendez que c'a esté tresbien faict de les changer en plusieurs endroicts. Ils me reprochent le grand crédit que fai entre le peujde. Tant s'en fault que j'en aie honte, que je suis bien marri que je n'en ai encores davantage, c'est à dire que je ne sçai bien leur persuader ce que je leur ai si souvent mis en avant tant de bouche que par escrit : car il y a longtemps que j'auroi avec l'aide de Dieu nettoie le païs de ces ordures d'Espaîgne. Mais s'ils sont tels qu'ils se disent, et je suis tel qu'ils me descrivent (car pour leur faire plaisir je leur veuil accorder ce point) il fault nécessairement qu'ils confessent leurs tyrannies et cruautez avoir esté excessives en toutes sortes pour avoir encourru une haine universelle de tout le peuple, qui leur estoit auparavant si affectionné, et a esté si ioiai à leurs prédécesseurs et à eus mesmes avant tels excès commis. Et au contraire, si le peuple m'a choisi voluntaire-

ment pour estre asserteur de sa liberté, que peult on dire aultre chose? que diront les nations estranges ? que dira la postérité, sinon que le peuple a jugé qu'il y avoit /quelque chose en moi digne de faveur et amitié ? et en eus quelque chose digne d'une extrême haine? Je leur confesse doncq que je suis et serai toute ma vie populaire, c'est à dire que je poursuivrai, je maintiendrai, je défendrai vostre liberté et vos privilèges. Voiez comment ces sages cerveaus sont despourveus de sens commun, et comment lors qu'ils me pensent blasmer ils me louent. Il estvrai qu'estans cincq ou six testes maladvisees ensemble, ennemies de vostre liberté, desquels les conseils, pensées et secrètes cogitations sont toutes tendues à cercher les moiens de vous assubjectir àleur tyrannie, qui seroit plus cruelle, et pour le moins plus indigne et plus servile que n'estoit l'Espaignolle. Ils mesurent la cervelle de tout le monde à l'aulne de leur entendement, et pensent que chascun trouvera mauvais ce qu'eus jugent estre tel : mais quand le tout sera poisé en la balance commune, alors ils trouveront qu'ils se sont grandement mescomptez. Car celui qu'ils jugent indigne de vivre pour servir . au bien de la jchose publicque (car qu'est ce aultre chose le bien puWicq que le bien du peuple?) ils le rendront par leur folie d'aultant plus honoré, que le peuple estimera d'advantage celui qui le maintient , que celui qui le veult oppresser.

Je ne puis aussi assez m'esbahir de ce qu'ils ont oublié ce que tant de petits mauvais escrivains ont menti en leurs ineptes libelles diffamatoires, que je bai la Noblesse. Car ^X)mmencerai je ceste haine par moimesme, mes parents et amis, qui sommes (Dieu merci) touts de race noble et illustre^ et si ancienne et de telles richesses et dignitez, que je

ne craîn' pas que plusieurs de mes ennemis puissent à bon droit se préférer à nous, et s'en trouvera peu qui nous puissent egaller. Mais Texperience a monstre si je ne fai pas ce qui est en ma puissance pour Tavancement des nobles. Que si j'ai de longtemps preveu qu'aulcunes testes ambitieuses qui nous ont depuis délaissez, se vouloient emparer de gouvernements et charges, pour abandonner par après le païs, et faillir à leur serment : si j'ai dis-je cognu leur légèreté, vanité, et inconstance, leur affection tendante à la tyrannie, pourtant je ne les ai voulu favoriser, et par ce moien j'ai aidé à conserver la meilleure et plus grande et plus saine partie de nostre estât, je n'ai pas pour cela haï ou mesprisé la noblesse, mais j'ai voulu par bon conseil venir au devant de la ruine du païs, qui eust peu ensuivre. Si leurs pères qui estoient plus sages, plus vaillants et plus vertueus qu'ils ne sont, et avecq lesquels j'ai vescu en si bonne amitié, si dis-je ils vivoient encores, ils mourroient de desplaisir, voiants une race forlignance de la constance et vertu de leurs ancestres, qui ont vescu si honorablement et sans reproche : s'ilz veoient dis-je qu'il n'y a aujourd'hui païs ausquels ils ne soient tenus pour gens inconstans et grans marchants : s'ils veoient mesmes les Ëspaignols ausquels ils servent, le Car- '^ / dinal qui est leur pivot, sur lequel tourne leur nioulin, ^^ jouer d'eus comme à la pelotte, en faire comme des enfans, les mener par le nez comme bestes, et les entretenir jusques à ce qu'il soit temps de redemander ses statues, instruments, tappis, et aultres meubles qu'ils ont desrobez, et jusques à ce qu'ils soient assez en bon poinct pour estre menez à la boucherie, ainsi que mesmes il appert par ses propres lettres escrittes de sa propre main tjue vous avez veues, Messieurs, et recogneues.

Et d'aultant que mon ennemi comme s'il se desfioit de son authorité, et qu'il fust en doubte si la pesanleur de ses tiltres seroit suffisante pour m'accabler, vient encores à y vouloir conjoindre celle de l'Empereur, et d'aulcuns de Messieurs les Electeurs Ecclesiasticques , disant qu'ils auroient proposez articles si raisonnables que tout homme de bon jugement les juge estre tels. Il ne sçauroit en un mot , Messi(^urs, mieus dire que vous. Que dis-je vous? niais touts les habitans de ces pais qui ont d'une voix rejette lesdicts articles comme impertinents, captieus et desraisonnables : estes sans jugement et despourveus de raison. Mais à qui feront ils croire qu'un peuple battu de si longue guerre (qui ne peult estre sans un million d'inconveniens) rejette une paix si elle est raisonnable? que des bons, voire trop bons subjects, et trop patients, refusent de s'accorder à leur supérieur, sinon quand ils voient que tels accords sont amorces pour les surprendre? telle paix est pire que guerre? et que le dous miel d'une langue est plus à doubter que le fer acéré des glaives? Il peult estre que l'Empereur qui estime une telle condition et estât estre propre en ses terres patrimoniales, a opinion qu'elle seroit aussi propre pardeça. L'empereur est adverti de nostre estât par nos ennemis, par les trahistres qui e&toient parmi nous, et qui soubs couverture de légation à Cologne essaioient de ruiner vos affaires : l'Empereur informe les aultres Princes, qui s'y reposent estimants ce qui vient de ceste part, estre oracle. Mais vous. Messieurs, qui cognoissez le fond de Testât de ces païs, les commoditez, ou incommoditez, les vraies causes du maintien ou de la raine d'icelui, qui y avez à perdre, qui estes obligez par tous droits à la conservation d'iceus, en avez jugé aultrement : tout le peuple en a esté consulté, Te peuple unaniment a re-

jette telles conditions comme par trop desraisonnableâ, et non en une ville seule, mais en toutes. Il est vrai que nous avions supplié la Majesté Impériale, le Roi de France, la Roine d'Angleterre et Roi de Portugal, d'intercéder pour nous affin qu'on nous accordast une bonne paix. Mais prendre cela comme si nous nous estions submis à eus nous ne pensons pas qu'aulcun homme sage le pense.

Et quant à la défense qu'ils disent avoir esté faicte de la publication desdicts articles, vostre patience et debonnaireté debvroient plus tost estre grandement louées, quand vous n'avez point faict punir exemplairement cens qui ont esté si téméraires de les publier sans vostre congé. Et tant s'en fault que nous aions craint qu'ils fussent communicquez et divul* guez, qu'au contraire on les a faict imprimer avecq les déclarations de leur nullité, et ont esté envoiez par toutes les provinces et villes pour estre délibérez, et pour avoir l'advis et resolution de tous , comme vous l'avez raportee uniforme : mais il y a beaucoup à dire si quelque chose se communique par ordre, par voie de droit, et par l'authorité de cens qui en ont puissance, ou bien quand de petits espions sèment à la desrobbee parmi le peuple des livrets, quand aulcuns de ceus qui estoient envoiez à Cologne pour vostre service, font courrir soubs main ce qu'ils avoient négocié avec l'ennemi, auquel ils vous trahissoient et la patrie, comme il appert plus amplement par leurs propres lettres, dequoi je ne parlerai plus avant, d'aultant que le tout est mis en lumière, et est à la veuë d'un chascun.

Ils trouvent merveilleusement maulvaise l'union des provinces faicte à Utrecht. Pourquoi ? car tout ce qui nous est bon leur est mauvais, ce qui nous est salutaire leur est mortifère. Ils avoient mise toute leur espérance sur une desu-

-nion : ils avoient practiqué quelques Provinces qui ont autant eu de conseils qu'il y a de mois en Tan : ils avoient à leur dévotion quelques pestes qui estoient entre nous. Quel remède pouvoiton inventer meilleure Fèneontrede des-union, qu'union? et quel antidote plus certain contre leur venin de discorde, que concorde? au moien de quoi leurs desseings, leurs trames, leurs conseils nocturnes, leurs secrètes intelligences ont esté en un moment dissipées, monstrant-Dieu, qui est Dieu de paix et de concorde combien il a en abomination ces langues frauduleuses, et comment il peult facilement renverser telles faulses et abominables entreprises. Voiez, Messieurs, que je leur donne un beau champ de crier, de se tempester. Je leur confesse que j'ai procuré l'union, je l'ai advancée, j'ai estudié à l'entretenir ; et vous di'. Messieurs, encores, et le di si hault, que je suis content que non seulement eus, mais aussi que toute l'Europe l'entende. Maintenez vostre union, gardez vostre union : mais faictes, faictes, Messieurs, que ce ne soit pas de parolles,ni par escrit, mais qu'en effect vous exécutiez ce que porte vostre trousseau des flesches liez d'un seul lien que vous portez en vostre seau. Aillent maintenant et m'accusent d'avoir tout mis en confusion quand j'ai procuré l'union, pour lequel faict je ne rougirai jamais. Car si soubs l'umbre d'une paix ilz nous tramoient une division, s'ils s'assembloient tantost à Arras, tantost à Mons, en nous donnant tousjours de belles parolles, et ce, pour se desjoindre, et attirer à leurs cordelles des esprits légers semblables à eus : pourquoi ne nous estoit il licite de nous joindre et lier de nostre part? Sinon que peult pstre ils pensent leur estre permis de mal faire, et abandonner le païs, et quand? quand Maestricht est assiégé (ne sentirez vous point paovres gens quand vous lirez

ces choses, le cautère qui vous bruslera la conscience?) et à nous il n'estoit loisible à lors de bien faire, et de garantir le païs. Apprenons doncq, Messieurs, ici ce qui nous est utile et nécessaire, et l'apprenons du plus grand ennemi que jamais ait eu le païs , et du plus grand tyran de la terre.

Ils m'objectent après un horrible crime et digne de ceste plusque Sillane et Carboniane proscription, c'est que je n'estoi sorti d'Anvers de deux ans, et que je suis allé à Utrecht. Il est bon à yeoir qu'ils sçavent bien ce que je fai, comme si à leur tresgrand regret, en ces deux ans je n'ai voiagé par deux fois en Flandre, ou avecq l'aide des quatre membres, j'ai mis meilleur ordre audict païs qu'ils ne vouldroient. Or bien, posons que je ne soi sorti de deux ans d'Anvers, ne seroit ce pas un grand crime, de m'estre tousjours tenu près de vous pour vous servir en tout ce qu'il vous a pieu me commander? Mais je suis allé à Utrecht. Voici,Messieurs, le mal, voici l'aposteme : car c'est ce voiage qui les navre jusques au cœur. Ils avoient desja faict si sagement leur project, ils avoient mis un si asseuré fondement à leurs affaires, ils s'y plaisoient tellement, ils en escrivoient à leurs amis, ils tenoient entre leurs mains tant de païs et tant de gouvernements, ils avoient tant escrit de lettres , tant de suborna^ lions, tant de practicques mises en avant : et venant seulement me présenter à Utrecht avecq la bonne assistence et conseil de Messieurs les députez des provinces , voilà ce grand brouillard escarté, tant de citadelles qu'ils avoient réservées pour leurs tyrannies abbatues, tant de nos villes asseurees,ne leur restant pour tout aultre chose qu'une seule ville d'importance, en laquelle estoit le chef de l'entreprise, laquelle encores il ne sçeust mettre à sa dévotion, sinon par un meurdre abominable de celui qu'il appelloit son pere,qui

avoit esté le seoir assis à sa table, Taiant traicté comme un Judas soubs un fauls baiser. Voila, Messieurs, ce qui les faiot crier si hault, voilà l'Helene pour laquelle ils combaltent.

Et quanta ce qu'ils m'objectent que/ai dechassez aidcuns Ecdesiasticques, Vous sçavez, Messieurs, qu'il n'est véritable. Mais quand leur chef qui est dedans Groeningen eut prins prisonniers ceus de la religion, massacré aulcuns, voire le propre Bourgemaistre, le tout contre son serment, aiant au paravant introduit et juré le Religions-fricd, aiant solennellement et 'avec^erment et signature confirmé l'union d'Utrecht : qui trouvera estrange si les nostres se sont voulus asseurer de leur part, puis qu'ils voioient les ennemis sans aulcune révérence à leur serment, foullants aus pieds toutes choses saintes et sacrées , avoir avec telle reproche perpétuelle pour eus et leur race violé tout ce qu'il y a de reste en ce monde de justice et équité? Et pour le moins ne nous peult on reprocher, que parmi tels troubles suscitez par nos ennemis mesmes , jamais les nostres soient venuz à ce comble d'injustice, d'avoir trempé leurs mains au sang de leurs confederez, et de ceus qui s'asseuroient sur leur fidélité, ce que leurs chefs ont faict, voire de leur main propre.

Quant aus nobles qu'il dict estre retirez hors du païs, qui est ce qui jamais en a chassé un seul? Mais si les terreurs de leurs propres consciences les ont poursuivi, et qu'ils aient esté vexez par leur propre sentiment, lequel comme des furies infernales les a chassez de place en place : qui en doibt estre accusé sinon eus mesmes, qui ont machiné desloiallement la ruine de leur propre patrie? Et pleust à Dieu que plus tost ils eussent trouvé ceste porte, et que ceus qui restent épris de semblable forcenerie

leur marchassent sur leurs talons. Ils nous dellvreroient de grande peine, et la république de crainte, que quelque jour ils ife mettent à exécution leurs pernicieus desseings.

(Test une chose ridicule de ce qu'ils m'appellent ^y/K)crt*e, qui n'ai jamais en leur endroit usé de dissimulation. Car leur estant ami je leur ai predict franchement qu'ils filoient la corde de leur ruine, prenants ces chemins barbares de. persécutions. Et si leur rage et passion desmesuree conjointe avec un mespris de nous ne les eust empeschez de suivre mon conseil, ils n'auroient pas esté conduits au point auquel ils se trouvent. Quand je leur ai esté adversaire et ennemi pour vostre liberté, je ne sçai quelle hypocrisie ils ont trouvé en moi, s'ils ne veuUent appeller hypocrisie, leur faire guerre ouverte, leur prendre villes, les chasser hors du pais, et leur faire sans dissimulation ce que ledroict de la guerre permet. Mais s'il vous plaist. Messieurs, relire ma défense que j'ai publiée y a treize ans , vous y verrez des lettres d'un Roi trompeur et hypocrite qui me pensoit surprendre par les laqs de ses lettres douces et décevantes, comme il pense à présent m'estonner par ses menaces et tonnerres de parolles. Mais Dieu merci j'ai de la contrepoison contre l'un et l'aultre venin.

Il vient par après amplifier par un grand amas de parolles ineptes, que je me fonde sur une diffidence. Quand je le feroi, seroi je pour cela semblable à Cain et à Judas comme il m'accuse? Car c'est aultre chose se deffier des promesses et de la grâce de Dieu, qui ne peult mentir, et aultre de ne croire aus parolles d'un homme trompeur, decevable, qui ne tient foi ni loiaulté, comme les paovres Morisques de Grenade en pourroient trop parler, comme la mort des Sieurs Contes d'Ëgmond et Hornes de bonne mémoire en donnent

preuve suffisante. Mais si ces bons Théologiens tels qu'est le Cardinal Tun des fondements de son Eglise, avoient bien sondé la vraie cause et prochaine de la cheute et ruiÛe de Judas et Gain, ils trouveroient que c'est desespoir, où par la grâce de Dieu je ne suis réduit, et espère ne l'estre jamais : au contraire si on regarde aus termes prodigieus et fulminatoires de ceste proscription barbare et plus que turquesque, n'y trouvera on pas le style des désespérez, tels que nous oions les poètes introduistins des enragez et forcenez. Eus doncq ont la conscience cautérisée d'un Judas, estonnee d'un Gain, et réprouvée d'un Saul. Toutesfois voiez, Messieurs, la grande prudence de ces sages testes. La diffidence disent ils est chose ordinaire à tous meschants. Mais je parle à toi Gardinal qui as tant perdu de temps, aus escolles, si tu n'appelles apprendre, estre des sa jeunesse instruit à mentir et tromper. Je te demande doncq , que respondras tu au plus nerveus de touts lés orateurs, plus sententieus, et plus amateur de son païs , qui dit (comme j'ai entendu des ma jeunesse de tous les doctes) que la plus grande forteresse que peult avoir un peuple libreconlre un tyran, est la diffidence? etestoit ce propos addressé contre un aultre Philippe qui n'estoit qu'un petit escollier de tyrannie, au pris de ton Don Philippe qui surpasse tous les aultres, et duquel nulle Philippicque est assez digne, non pas mesmes celle qui est appèllee divine. Tu y adviseras, et ce pendant je dirai, j'escrirai, je ferai graver par tout ceste belle sentence digne d'éternelle mémoire, et plaise à Dieu que je soi mieus creu que ne fust ce bon orateur par son peuple lequel se laissant amuser à des gens semblables à toi et aultres petits brouillons, qui sont à ta poste et qui ont leurs langues et plumes vénales, furent finallement accablez et ruinez de fond en

comble. Mais j'espère chose meilleure, Messieurs, de vostre constance et magnanimité.

Et comme les bons orateurs gardent tousjours sur la fin quelque raison forte ou poignante, et que les bons chefs laissent des meilleurs soldats aus derniers rangs, ainsi ces hommes sçavants et tant exercez yiennenl à la fin pour m'acca- Ller de la pesanteur d'une grande et énorme reproche, (hi m'a (disent ils) présenté des tresgrands advantages, affin que je me retirasse au lieu de ma naissance {ou chascun doibt désirer vivre le plus) ausquelles je n'ai voulu entendre. Qu'est ce, Messieurs, qu'ils pouvoient dire qui fust plus à mon advantage? considérez leur sottise ou impudence, car il faut ou qu'ils parlent impudemment, ou tant sont pourveus de bon sens qu'ils me louent en me pensants blasmer. // est douls à un chascun de vivre en son païs. Pourquoi doncq ceste mauldicte race d'Espaignols va elle de païs en païs tourmenter tout le monde ? Mais si pour tant d'obligations que je vous ai, je préfère vostre service comme je doi au païs de ma naissance, suis je pour cela trahistre et meschant, et peste publicque du monde ?£tneantmoins voussçavez,que depuis l'aagedeunzeà douzeansj'ai esté nourri entre vous,etnonaîlleurs,tellementquecepaïsm'estpasséen nature. Si doncq ils m'ont faict des promesses , si ils m'ont présenté comme ils disent tresgrands advantages,et neantmoins je les ai refusez, que peuvent ils condamner sinon ma constance et fidélité envers Dieu et envers le païs, que j'ai préférez à tous les biens du monde? Ne pensez pas. Messieurs, que j'aime tant d'estre perpétuellement en travail et labeur, ouïr tant de mesdisances et detractions de la part de mes ennemis, et plus que je ne vouïdroi de ceus qui me doibvent estre amis et me sont obligez : estre si long temps privé de mes biens.

veoir mon filz si longuement détenu en prison cruelle, me veoir chargé de debtes infinies, et pouvoir mettre fin à tant de difficultez : que je ne ressemble aus aultres hommes de la terre, qui tous préfèrent le repos au travail, et la prospérité aus afilictions. Mais quoi? si je ne puis obtenir tels biens et tant heureuse condition sans vous trahir, sans vous abandonner, sans vous exposer (en tant qu'en moi seroit) en proïe entre les dents de ces loups sanglants : que le reste du monde me pardonne (car je sçai que vous m'approuvez et que je n'ai besoing d'excuse envers vous) si je ne veuil ni pour les biens, ni pour la vie, ni pour femme, ni pour enfants mesler en mon breuvage une seule goutte du venin de trahison. Mais tant qu'il plaira à Dieu me donner une goutte de sang, un seul denier de mes biens,un peu de sens, industrie, crédit, et authorité, je l'emploierai, je le dédierai, je le sacrifierai à vostre service. Cependant puis qu'ils me reprochent telles choses, encores vous dirai je. Messieurs, qu'ils ne l'ont point faict sans emprunter selon leur bonne coustume sur la vérité. Car jamais telles offres qu'ils disent ne m'ont esté faictes : non que je n'aie bien esté adverti et seurement , que je n'eusse rien sçeu demander pour mon particulier, qu'on ne m'eust accordé : qu'on vouloit promettre de mettre mon fils en liberté, lui laisser touts mes estais, m'assigner en AUemaigne autant de bien que j'en ai, tant celui duquel je joui* que celui qu'on me détient, m'acquiter de mes debtes qui sont tresgrandes, et me donner comptant un million, et de tout,bonnes asseurances. Ce sont, Messieurs, de belles offres, et n'a pas tant cousté à faire tourner ceus qui se sont retirez d'avecq nous. Mais tant s'en fault que telles conditions m^'aient esté présentées, qu'au contraire jamais ni par lettres de l'Ambassadeur de l'Empereur, ni par ses menées envers aulcuns de mes serviteurs et d'aul-

cuns de mes proches parents, ni par les lettres des Commissaires, on n'a seulement sçeu gaigner sur moi ce point, à scavoir que j*envoiasse articles particuliers et en mon nom, ains j'ai tousjours respondu qu'accordant la paix au païs comme vous. Messieurs, la demandiez, j'estoi satisfaict, ne voulant a\oir autre condition bonne ou mauvaise que la vostre, et que je n'entendoi ni directement ni indirectement me séparer de la cause commune, de laquelle je jugeoi dépendre mon mal ou ma félicité. N'est ce pas un grand blasme de reprocher à un homme qu'il est homme de bien ? loial, constant et asseuré contre les vents de promesses, aussi bien qu'il est par la grâce de Dieu contre les ûots des menaces?

Jusquesîci, Messieurs, vous avez ouï les accusations, ou plustost injures, mesdisauces, et calumnies qu'ils ont assemblées contre mon honneur et ma réputation, ce sera à vous ausquels seuls je me s'en obligé à raison de mes biens, de leur qualité, et principalement de mes serments, d'en juger comme il vous plaira, ne refusant point si je suis trouvé coulpable de recepvoir punition. Mais si ce que j'espère vous jugez que je suis accusé par tyrans et calumniateurs : lors j'estimerai avoir tresbien emploie mon médiocre service, toutesfois tresloial et tresfidele.

Or donc. Messieurs, sur ces fresles et infirmes fondements ils viennent bastir la sentence de leur proscription, et ici ils desploient toute leur tragique éloquence, ils tonnent, ils fouldroient, ils tempestent, ils font comme ces Chorebes ou furies es théâtres, dardants toutes paroUes exécrables et destrempees dedans le Cocyte, Styx,et Acheron, contre cepaovre chef. Mais cela Dieu mero* m'estonne tout aultant que faisoient les fulminations du Pape Clément lancées du mont Tarpee contre mon prédécesseur Monsieur le prince Philibert, qui ne laissa pour cela de le faire son prisonnier. Car

après que j'ai regardé es environs de moi, je trouve que sont vents de parolles, bruicts pour espouvanter des enfants, et non pas un homme qui n'a point par la grâce de Dieu perdu courage pour les bruits de tous leurs canons, quattre vints mil soldats commandez par le Duc d'Alve, tant d'armées de mef , tant de trahisons dudict Duc, de son successeur, ni auparavant jeus de la Duchesse de Parme : et toutesfois c'est bien chose plus effroiable qu'un bruict vain d'un tel tonnerre, qui s'esvanouist aussi tost et «e blesse personne. Et me suffist en un mot dédire devant vous, Messieurs, et devant toute l'Europe, que tout Espaignol ou Espaignolisé de quelque qualité et condition qu'il soit, sans respecter aulcun, qui a dict ou dira comme ceste infâme proscription le publie, que je suis trahistre et meschant, a parlé faulsement et contre vérité. Cependant qu'ils me défendent tant qu'ils vouldroiit l'eau et le feu, je ne lairrai avec mes amis en despit de leur rage vivre tant qu'il plaira à Dieu m'en faire la grâce, lequel seul a en sa puissance ma vie et ma mort, et a comptez touts les cheveus de ma teste, duquel j'ai senti jusques à présent grande faveur et assistence, et espère qu'il me conservera jusques à la fin. Quant à mes biens que je possède, lesquels il donne(car encores ici il est si bon mesnager qu'il ne veult rien donner de ce qu'il m'a ravi) j'espère Dieu aidant^ qu'il leur coustera si cher à les avoir, qu'ils en achapteront ailleurs à beaucoup meilleur marché. Quant aus aultres qu'ils me détiennent, j'espère, que Dieu me fera la grâce, que je les en déposséderai aussi bien que j'ai faict d'une bonne partie, et que jamais ils n'ont ravi biens à paovre Prince, ores qu'ils en aient despouillé plusieurs, qui leur poisent d'advantage.

Il promet xxv. mil escus, ou en fonds de terre ou en de-

niers comptans à celui qui me rendra entre ses cruelles mains mort ou vif^ ou à celui qui m'ostera la vie. Mais ores qu'il n'en ait point faict de publication jusques à présent, pense il que je soi ignorant, combien de fois lui et les siens ont faict marché avecq les assasineurs et empoisonneurs pour m'oster la vie? Et si Dieu m'a faict la grâce de me pouvoir ' conserver, lors que je n'estoi adverti : f espère aussi qu'il ne me vouldra faire moins de faveur à présent, que je le suis : ains comme j'ai plus grande occasion de prendre garde à moi, aussi qu'il suscitera plusieurs gens de bien, qui veilleront pour ma seureté. Mais ores que je ne cognoi au monde impudence effrontée qui soit à comparer à celle des Espai* gnols, toutesfois je ne me puis assez esmerveiller qu'ils ont esté si invereconds, d'oser publier devant toute l'Europe, non seulement qu'ils mettent à pris un chef libre et francq, qui ne les a jamais Dieu merci redoublez , mais qu'ils y adjoustent encores telles recompenses, si barbares, et si esloigne^ de toute reigle d'honnesteté et d'humanité, à sçavoir en premier lieu qu'ils anobliront celui qui aura faict un acte si genereus^ s'il n'estoit noble. Mais je vous prie quand celai qui auroit exécuté un si meschant acte (ce que j'espère Dieu ne vouldra permettre) seroit de race noble, pensez vous qu'il y ait gentilhomme au monde , je di' entre les nattons qui sçavent que c'est de noblesse, qui voulust seulement manger avecq un si lasche, si meschant et si scélérat, qui auroit tué pour argent un homme, voire le moindre et le plus abject qui se puisse trouver ? Que si les Espaignols tiennent telles gens pour nobles, si tel est le chemin de l'honneur en Castille : je ne m'esbahi plus de ce que tout le monde croit la plus grande part des Espaignols, et principallement cens qui se disent nobles, estre du sang des Mar-

rans et des Juifs, et qui tiennent ceste vertu de leurs ancestres, qui ont faict marché à beaux deniers comptants de la vie de nostre Saulveur : ce qui me faict prendre plus patiemment ceste injure. En second lieu, Ils lui pardonnent tout deliot et for faict, quelque .grief qu'il puisse estre. Mais s'il avoit arraché la Religion Ghrestienne de Tun de ses Roiaulmes? s'il avoit ravi sa fille? s'il avoit mesdict de l'Inquisition, qui est le plus grand crime qui soit en Espaigne? Or puis que mon ennemi vouloit tant s'oublier, que d'attenter sur mes biens, sur ma vie et sur mon honneur,et pour avoir plus de tesmoings de son injustice et foUies, de le publier ainsi par tout le monde, et en tant de langues : je n'eusse peu désirer pour mon tresgrand advantage, qu'il eust enrichi sa proscription d'aultres ornements que ceus ci : à sçavoir d'anoblir pour me tuer, non seulement des villains et infâmes , mais aussi des plus meschantes gents et des plus exécrables de la terre, et donner telle récompense et si hono* rable à une tant insigne vertu. Car qu'est ce qu'il pouvoit trouver plus propre pour vérifier ma justice, que vouloir m'exterminer par tels moiens? que vouloir par tyrannie,empoisonnements, remission de crimeii énormes, anoblissement de meschants, opprimer le défenseur de la liberté d'un peuple vexé cruellement et tyrannicquement? Je ne doubte,Messieurs, que Dieu qui est juste, ne lui aist, et aus siens osté l'entendement, et qu'il n'aist permis qu'il apprestast à tout le monde matière pour cognoistre son cœur envenimé contre ce païs et contre nostre liberté, daultant qu'il n'estime rien tout acte, quelque meschant et détestable qu'il puisse estre, au prix de la mort de celui qui vous a servi jusques à présent et si fidèlement. Et encores il n'a point de honte de mesler en tels sacrilèges le nom de Dieu se disant son Ministre!

Le ministre doncq a il ceste puissance, non seulement de permettre ce que Dieu a défendu : mais de le guerdonner de pris d'argent 9 de noblesse et remission de crimes? et de quels crimes? de tous crimes quelques griefs qu'ils puissent estre. Mais je ne doubte, que Dieu par son tresjuste jugement ne face tomber la juste vengeance de son ire, sur le chef de tels ministres, et que il ne maintienne par sa grande bonté mon innocence et mon honneur de mon yiyant et envers la postérité. Quant à mes biens, et\ ma vie^ il y a long temps,que je les ai dédiez à son service , il en fera ce qu'il lui plaira pour sa gloire et pour mon salut.

Et d'aultant, Messieurs, qu'il vient aussi dériver les esgouts de ceste infâme proscription sur vos testes, tant s'en fault que vous debviez vous en esmouvoir, que plustost vous debvriez pensLcr, qu'en cela TEspaignol et ses adherens suivent le naturel des femmes, lesquelles après avoir pleuré et mors, pour dernier remède viennent aus injures, ainsi vostre ennemi rend maintenant ses derniers abbais : et si nous lui faisons preuve de nostre constance, resolution et magnanimité, le voilà au bout de ses misérables entreprises. Car un Sylla, un Carbo, un Marins, un Antoine, et tels aultres tyrans , premiers pères de ces proscriptions abominables, n'ont pas donné aus Espaignols exemple de faire telle sottise et impertinence, ores qu'ils aient tracé l'exemple de cruaulté et barbarie, que ces misérables ont accompli : mais ils proscrivoient ceus qui estoient fugitifs , chassez , cachez, et dedans les pais esquels ils, avoient puissance. En cela ceus ci les rassemblent, c'est à dire en cruaulté, qu'ils proscrivent les gens de bien, de vertu, et d'honneur : mais en ce poinct sont ils sots et ineptes qu'ils proscrivent celui qu'ils doibvent combattre à main armée. Car d'envoier un empoisonneur^

comme la Duchesse de Parme a envoie, ou depescher un massacreur comme son fils héritier universel des vertas de ses ancestres, ce n'est pas Teffect d'une proscription , mais d'un brigandage.

Voila, Messieurs, non pas ce que je pouvoi dire contre ceste tyrannicque proscription, mais ce que j'ai estimé convenir en ce temps, parlant à vous qui avez la cognoissance de plusieurs choses que j'obmets, parce qu'elles vous sont cognuës : et d'aultant si je vouloi entreprendre de dire les particulières entreprises du Roi et de ses princîpaus ministres, j'entreprendroi ce que nul orateur ne peult assez dignement descripre, voire mesmes nul homme de bien ne pourroit jamais concepvoir, tant est grande leur cruaulté, tyrannie, et toutes sorte? d'injustice. Toutesfois j'espère tant par ce que contient ceste proscription, sufiisant tesihoignage de leur cœur par trop bas et abject, que par ma response vous cognoistrez assez, quels sont leurs pernicieus et misérables desseings : et de ceste cognoissance vous apprendrez aussi à quoi il est nécessaire que vous aiez l'œil et entendiez diligemment. C'est qu'ils d'esesoerent de vous pouvoir vaincre par la force, et pour tant ils essaient de semer division entre nous, magnifiants premièrement ceus qui non seulement nous ont abandonnez contre leur serment, mais en temps perilleus, l'une de nos villes estant assiégée, de laquelle ils ne peuvent faire aulcune plainte ni alléguer leur prétexte accoustumé, et mesmes (qui est le comble de toute desloiaulté) au mesme temps nous viennent assaillir par aultres endroits. Les menaces adjoustees en ceste proscription ne tendants à aultre fin sinon de vous estonner pour vous séparer d'aveeq moi, faisants par tout monstre, que c'est â moi à qui ils font la guerre et non à vous, ainsi que le loup

vouloit persuader aus brebis qu'il n'avoit la guerre qu'aus chiens, lesquels estants desfaicts, il accorderoit aisément avecqletrouppeau,car ces chiens estoient tousjours autheurs de la meslee. Mais, Messieurs, quand j'ai esté absent, quand je me suis retiré en Alleniaigne, ne brusloil on plus ? n'espandoit on plus de sang? ne noioit on plus? la liberté estoit elle maintenue par ce dous personnage le Duc d'Alve? N'a ce pas esté lors que malheureusement on faisoit mourir en Espaigne, vos ambassadeurs. Messieurs de Bergues et de Montigni? N'estoit ce pas le temps auquel on presentoit à vos yeus sur des lances les testes de vos principauls chefs et gouverneurs? L'aultre point qu'ils se proposent le plus, est l'exlirpation de la Religion. Ici, Messieurs, je n'entrerai point en ce débat qu'elle est la vraie Religion, en laquelle Dieu est vraiement servi et invoqué et selon sa parolle : laissant cela à remonstrer à d'aultres plus exercez que moi en ceste matière, aussi que chascun peult cognoistré ce que j'en croi par ma profession. Mais bien vous dirai je que Testât de vostr<^ pais, est tel que sans ledict exercice il ne peult consister trois jours. Vous voiez le nombre miraculeusement acereu, la haine contre le Pape s'est enracinée au cœur de tous les habitants du païs, pour ce que manifestement on a descouvert ses damnables practiques contre tout cest estât. Qui est ce doncq qui pourra se vanter d'aimer le païs, et conseillera qu'on chasse un tel nombre de peuple, lequel se retirant lais3ora le païs désert, paovre et chetif? peuplera et enrichera les estrangers? Mais quand ils ne vouldront sortir, qui est ce qui les pourra contraindre de le faire? Jettons l'œil sur nos voisins, considérons nos propres exemples, et si nous ne sommes du tout insensez, jamais nours ne choisirons si pernicieus conseils qui ruineroient cest estât de fond en comble.

Je vous dirai, Messieurs, encores d'advantage, ores qu'entre ceus qui suivent l'Eglise Romaine y ait plusieurs gens de bien et amateurs du païs, et entre eus aulcuns qui se sont Ireshonorablement acquitez : toutôsfois ceus de la Religion ont ceci d'asseuré, qu'on ne trouvera aulcun d'entre eus qui ait intelligence ni practicque avec l'ennemi, ains tous universellement lui sont contraires. Et combien qu'aulcuns se soient trouvez entre eus, lesquels ressemblants aus enfants mièvres et insolents, aient donné par leur imprudence des affaires en la maison : toutesfois ils n'ont eu pour cela aulcune intelligence avecq l'ennemi commun. Puis doncq, Messieurs, que vous cognoissez leur desseing, il ne reste aultre chose sinon d'y remédier, et comment? c'est que vous accomplissiez par effect ce que vous avez tousjours en la bouche, et ce que signifie la marque de vos flesches que vous avez voulu estre gravées en vostre seau, à sçavoir que nul membre de ce beau corps regarde à ce qui lui est propre, mais au corps tout entier, qu'une partie du corps n'attire à soi la viande qui est préparée pour le gênerai, mais qu'elle permette que l'estomach qui est le conseil que vous ordonnerez la digère et envoie par les veines à touts les membres de cest estât, et principallement ou sepresentera quelque maladie, que promptement les médecins y soient envoiez, que les patients endurent pour un temps, et ainsi sentir par après une joieuse délivrance de leur mal. Sera ce point une reproche à jamais sur nous, si aiants un si bel estât en main, les moiens si beaus, par une misérable avarice et cupidité d'attirer à nous quelques commoditcz au préjudice de nos compatriots, les uns tirants d'un costélesaultres d'un aultre, nous nous trouvons en un instant accablez |)ar nos ennemis niortels? Àiez souvenance, Slessieurs, de la tresgrande dirai-

nation de cest estât qui advint après la mort du Duc Charles, laquelle n'advint pour aultre chose sinon d'auUant que les provinces s'amusants à débattre les unes contre les aultres pour quelques privilèges prétendus, pour quelques commoditez, le reste fust abandonné. Ne pensez pas qu'il soit en ma puissance, estants les affaires en tel estât, de résister long temps avecq si peu de moicns, que vous sçavez. Messieurs, que j'ai eus en main. Mais au contraire si j'ai quelque expérience au faict du gouvernement et de la guerre, si je cognoi ce païs, et les moiens de l'ennemi, quand toutes ces armées qui ja nous menacent d'Espaigne et d'Italie pour Tannée suivante^ nous viendroient sur les bras, ils feroient aultant et beaucoup moins que le Duc d'Alve a faict en Hollande et Zelande : et s'il est en vostre puissance d'y donner ordre, comme il est, et neantmoins vous ne le faictes, com- . ment appellera on ceste faulte si elle est commise par vous, Messieurs, qui estes ici assemblez , sur lesquels se repose tout ce bon peuple qui vous estime comme leurs pères, leurs" protecteurs, et lesquels embrasseront comme une nouveHe envolée du ciel un bon ordre si vous l'arrestez? Aiez doncq pitié de vous mesmes : et si ce qui vous touche ne vous esmeut, aiez pifié de tant de paovre peuple destruit, de tant de paovres veufves et orphelins, de tant de meurdres et carnages faicts dedans les entrailles de vostre païs, tant d'Eglises destruites, tant de pasteurs errants avec leurs paovres trouppeaus. Représentez vous ceste cruelle et barbare ex(v cution faicte à Nivelle par le Conte de Mausfeld. Lesquelles choses vous pouvez éviter et rejetter tout le mal de ceste guerre sur l'ennemi, si seulement vous ostez les partîalilez, et d'un mesme courage vous emploiez vos moiens ensemble, sans espargner, je ne di pas le fond de vos bourses, mais

ce qui en redondc. Et quant à ce qui me touche en particulier, vous voiez, Messieurs, que c'est ceste teste que ils cerchent, laquelle avecq tel pris et si grande somme d'argent, ils ont vouée et déterminée à la mort, et disent pendant que je serai entre vous que la guerre ne prendra fin. Pleust A Dieu, Messieurs, ou que mon exil perpétuel, ou mesmes ma mort vous peut apporter une vraie délivrance de tant tle maus et de calamitez, que les Espaignols lesquels j'ai tant de fois veu délibérer au conseil, deviser en particulier, et que je cognoi dedans et dehors, vous machinent et vous apprestent. que ce bannissement me seroit dous, que ceste mort me seroit aggreable. Car pourquoi est ce que j'ai exposé tous mes biens? est ce pour m'enrichir? pourquoi ai je perdu mesvpropres frères que j'aimoi plus que ma vie? est ce pour en trouver d'aultres? pourquoi ai je laissé mon fils si long temps prisonnier, mon fils di je qne je doi tant désirer si je suis père? m'en pouvez vous donner un aultre? ou me le pouvez vous restituer? pourquoi ai je mis ma vie si souvent en danger? quel pris, quel loier puis je attendre aultre de mes longs travaus qui sont parvenus pourvostre service jusr ques à la viellesse et la ruine de tous mes biens, sinon de vous acquérir etacheter,s'ilen est besoing,au pris de monsangune liberté. Si doncq vousjugez, Messieurs, ou que mon absence, ou que ma mort mesmes vous peult servir, me voila prest à obéir : commandez, envoiez moi jusques aus fins de la terre, j'obéirai. Voila ma teste,sur laquelle nul Prince ni Monarque n'a puissance que vous : disposez en pour vostre bien, salut et conservation de vostre Republicque. Mais si vous jugez que ceste médiocrité d'expérience et d'industrie qui est en moi, et que j'ai acquise par un si long et si assiduel travail: si vous jugez que le reste de mes biens, .et qi^e ma vie vous

peuU encores servir (comme je vous dédie le tout et le consacre au païs) Résolvez vous sur les points que je vous propose. Et si vous estimez que je porte quelque amour à la patrie, que j*aie quelque suffisance pour conseiller : croiez que c'est le seul moien pour nous garantir et délivrer. Cela faict, allons ensemble de mesme cœur et volunté, embrassons ensemble la défense de ce bon peuple, qui ne demande que bonnes ouvertures de conseil, ne désirant rien plus que de le suivre : et ce faisant, si encores vous me continuez ceste faveur que vous m'avez portée par ci devant, j'espère moiennant vostre aide et la grâce de Dieu, laquelle j'ai sentie si souvent par ci devant et en choses si perplexes, que ce qui sera par vous résolu, pour le bien et conservation de vous, vos femmes et enfants, toutes choses sainctes et sacrées,

Je le Maintiendrai.

LA JUtSTIFICATION

DU