CONFEDEREZ DONNEZ A LA REGENTE

Nous Louis Conte De Nassau, Eustace de Fiennes Seigneur d*Esquerdes, Charles de Revel Seigneur d'Audrignyes, Bernard de Merode Seigneur de Rumen, Charles de vander Noot Seigneur de Risoire, George de Montegny Seigneur de Noyelles, Martin de Serclas Seigneur deTilly, Philippe vander Meeren Seigneur de Sterbeke, Philippe de Marbais Seigneur de LouYerval,Iehan de Montegny Seigneur de Yilers,Charles de Lievin Seigneur de Famars, François de Haeften, Jehan le Sauvaige Seigneur d'Eseaubecque, Tant en nostre nom privé, que comme députez et commis par tous les autres Seigneurs et Gentilshommes confederez, et ayans présenté la Requeste à sa Majesté, au mois d'Avril dernier, sur le Fait de rinquisition, et Placcarts au fait de Hérésie : Comme ce jourdhuy nous ayons receu de treshaute et tresexcellente Princesse Madame la Ducesse de Parme et de Plaisance, Régente et gouvernante ipour le Roy, en ces Pays de pardeça,

certaîpes lettres patentes de son Alteze, surce auctorisee du Roy nostre souverain Seigneur et Prince naturel, en la forme et manière que s'ensuyt :

MARGUERITE par la grâce de Dieu,Ducesse de Parme et de Plaisance, Régente, etc. comme es Lettres d'asseurance cydessus. SAVOIR FAISONS, Que en ensuyvant lesdictes lettres d'asseurance, Nous avons promis et promettons, par nostre Foy solennelle, et en parolle de Gentilshommes, de vrays et loyaux Vassaux et subjectx de sa Majesté. Que nous entretiendrons, observerons et accomplirons, tous et quelzconcques les poinctz et articles dessusdicts, tant pour nous, que ppur et au nom de tous les autres, desquelz sommes de* putez, et avons pouvoir, commission, auctorité et mandement, pour lesquelz nous nous faisons forts, et les ferons observer, entretenir et accomplir par iceux nos Confederez. Et à cest effect, tenons nostredict compromis nul, cassé et aboly, tant et si longuement que ladicte Seureté promise par son Alteze, au nom de sa Majesté, tiendra. En tesmoing de ce, nous avons signé ces présentes de noz noms. Faict audict Bruxelles ledict. xxv">«. jour d*Aoust audict an 1566. Ainsi soubzsigné Louis de Nassau, Eu^tace de Fiennes, Bernard de Merode, Charles de vander Noot, Charles de Revel, George deMontegny, Philippe vander Meeren, Philippe de Marbais seigneur de Loverval, lehan de Montegny seigneur deVilers, Charles de Lievin seigneur de Famars , Jehan le Sauvaige, Martin de Tserclas, et François de Haeften. Et sur le doz estoit escript, Aujourdhuy xxv"« d'Aoust i 566. Les députez et commis des Seigneurs et Gentilshommes confederez , dénommez au blancq de cestes , Saulf le S', de Tilly et Françoisde Haeften absens. Ont fait le Serment solempnel et pertinent, tant pour eulx, que pour et au nom de tous les autres

leurs confederez, d'entretenir, observer et accomplir tous et quelzconques les poinctz et articles contenuz audict blancq de cestes, Et ce es mains de Messeigneurs les Princes d'Orenges et de Gavre, Conte de Homes, Seigneur de Hachicourt et conseillier d'Assonleville à ce commis par son Alteze.Ainsi soubzscript. Moy présent. Et signé D'Overloepe. Embas estoît encoires escript. Le xxvii"*«. jour dudict mois d'Aoust audict an 1566. lesdictz Seigneur de Tilly et François de Haeften, Apres que la lecture du contenu dudict blancq, leur a esté faicte, y ont aussi mis leurs noms et signatures, et fait le serment que dessus, es mains de Messeigneurs les Prince de Gavre, Contes de Mansfelt, et de Hornes, S', de Hachicourt, et conseillier d'Assonleville , à ce commis par son Alteze, comme dit est cy dessus. Soubz escript. moy aussi présent, Et signé, d'Overloepe.