DU PRINCE D'ORANGES A LA REGENTE

Madame,

J'ay receu les lettres (1), qu'il a pieu à vostre Altesse m*escripre, ensemble à ceulx du Conseil de mon gouvernement, et entendu Tintention de sa Majesté, sur trois poincts, me commandant bien expressément, de faire exécuter chascun d'iceulx,par toutes les places de mondict gouvernement. Et combien. Madame, que n'ay esté requis d'advis en chose de si grand poix et conséquence : toutesfois, comme leal serviteur et vassal de sa Majesté, esmeu d'ung zèle désireux, à satisfaire au deu de mon estât et serment, n'ay sceu laisser en dire mon opinion librement et franchement, aymant mieulx attendre le bazard d'avoir, pour le présent, mauvais gré de mes advertissemens et remonstrances, que, par ma

ri) Ce sont les lettres, avec la resolution du Roy, par tout envoyez par la Régente, to 18. Decemb. 1565. dessus inserez, Num. 2. Fol. 215. et 218.

connivence et silence,apres Fesclandre et désolation du Pays, estre noté et blasmé d'infidel, négligent, et nonchaillant gouverneur.

Premièrement, quant à l'exécution du Concile, oires, que au commencement, il y avoit quelque malcontentement et murmuration : Toutesfois veu qu'on y a depuis adjousté aucunes réservations, je croy, que, en cest endroict, il y aura peu de difficulté. Et quant à la Reformation des prebstres, et aultres ordonnances Ecclesiasticques, n'estant chose de ma vocation, je le remets à ceux qui en ont la charge, et où il sera besoing, satisferay au commandement de sa Majesté.

Quant au second poinct, contenant, que les Gouverneurs, Consaulx, et aultres Officiers, debvroyent, à tout leur pouvoir, favoriser aux Inquisiteurs , et les maintenir en l'auctorité, que de droict divin et humain, leur appartient, et dont ils auroyent usé jusques à maintenant.

Vostre Altesse peult avoir souvenance, que les plainctes, oppositions, et difficultez, esmeûes par tout le pays de pardeça, alendroict l'establissement des Evesques, n'ont esté pour aultre regard, que de peur, que, soubs ce pretext, l'on taschat introduyre quelque forme d'Inquisition. Tant est,non seullement l'exécution, mais aussi le nom odieulx et desaggreable.

Oultre ce, peult sçavoir vostre Altesse, et est cler et notoir à la pluspart des subjects , et gens de bien de par deçà, que sa Majesté Imperialle, et celle de la Royne Marie, ont plusieur» fois asseuré les Inhabitans, tant de bouche, que par escript, que ladicte Inquisition ne s'introduyroit en ce Pays bas , ains seroit le mesme pays maintenu et riglé, comme de toute anchienneté auparavant. Voire sa Majesté mesmes, pour oster ceste impression ausdicts

Inhabitans, a faict souventesfois semblable asseurance.

Les asseurances et promesses susdictes, Madame , ont infailliblement gardé les subjects , et autres resseans, tomber en quelque altération, et de ce, que beaucoup de gens de bien et de pouvoir, n*ont aliéné leurs biens, cerchans autres places, pour y vivre, sans crainte d'aucune Inquisition. Dont consécutivement s'est retenue l'union , tranquillité , trafficque de marchandise, et fournissement de liei plus part des finances, pour le soustenement de la guerre, là où autrement, le Pays desnué des Inhabitans, vassaux, et deniers, fust allé en proye à ceulx, qui y eussent voulu mettre la main.

Touchant le troisiesme poinct, par lequel sa Majesté veult et ordonne bien expressément, que les Placcarts, faicts tant par l'Empereur, que sa Majesté, soyent en tous poincts et articles, gardez, ensuyviz, et exécutez , en toute rigueur, sans aucune modération ny connivence.

Madame, ce poinct me semble semblablement fort dur, d'aultant que les Placcarts sont plusieurs et divers, et parcidevont quelquefois limitez , et non ensuyviz à la rigueur, mesmesau temps que la misère universelle, n'estoit si aspre, comme maintenant, et nostre peuple, par incitation et practicques de nos voisins, non tant inclin à nouvellité.

Et de vouloir présentement user de plus d'extrémité, et tout en ung coup, avecq plus de véhémence, renouveller ladicte Inquisition, et passer oultre aux exécutions, en toute sévérité : Je ne puis , Madame , comprendre, que sa Majesté y puisse gaigner aultre chose, que mettre soy mesmes en peine, et le pays en trouble, de perdre l'affection de'ses bons subjects, donnant à ung chascun suspicion , que sa Majesté vueille procéder d'autre pied qu'il a tousjours asseuré et de-

monstre, mettant le tout en hazard, de venir es mains de noz voisins, tant pour lès gens, qui se dépayseront, comme par le peu de fiance, qu'on aura de ceux, qui resteront, le tout, sans nul proufiît, au redressement de la Religion. J'obmects icy, poiir éviter prolixité, d'alléguer plusieurs inconveniens, saichant, que sa Majesté et vostre Altesse, en ont souventesfois, par cy devant, esté tout au long advertis. Oultre ce, que, parlant à correction, le temps me semble mal propre, pour esmouvoir les cerveaulx et humeurs du peuple , par trop altéré et troublé, par la présente nécessité et chierté de bleds. Et vaudroit mieux, à mon advis, le tout différer et remettre, jusques à la venue de sa Majesté, laquelle Ton dict se préparer, pour se trouver par deçà, et vouldrois, qu'elle fusse servie, se haster, à fin qu'en sa présence, il y fust donné l'ordre, qu'il trouveroit convenir, pour le service de Dieu, de sa Majesté, repos^ et prospérité des Pays el subjects de par deçà. Car en cas de trouble, seroit le remède plus prompt, en sa présence, que aultrement.

Si toutesfois sa Majesté, et vostre Altesse, persistent et vueillent desmaintenant, que l'on l'ensuyve, en tous lesdicts poincts, voyant clairement et à l'œil , qu'il ne se peult présentement exécuter, sans grand hazard de la totale ruyne du Pays, en quoy, peult estre, sa Majesté prendroit esgard, si elle estoit icy, Aimerois mieulx, au cas qu'elle ne le vueille dilayer jusques à là, et des à présent persiste sur ceste Inquisition et exécution, que sa Majesté commisse quelque aultre en ma place,mieulx entendant les humeurs du peuple, et plus habil que moy, à les maintenir en paix et repos,plus tost que d'encourir la note, dont moy, et les miens,pourrions estre sôuillez^, si quelque inconvénient advint aux Pays de mon gouvernement, et durant ma charge.

Et se peuvent bien asseurer sa Majesté et vostre Altesse, que Je ne dis cecy, pour ne vouloir ensuyvre ses commandémens, ou, de vivre aultrement, que bon Chrestien,comme de ce, mes actions précédentes peuvent rendre bon tesmoingnage, et que j'espère, sa Majesté aura cogneu, par expérience, que je n*ay jamais espargné corps ny biens, pour le service d'icelle, comme je désire continuer, tant que la vie me durera. Oultre ce, que, si les aflfaires du Pays allassent aultrement, que bien à poinct, je y mettrois (par dessus Fobligation que je doibs à sa Majesté, et à la patrie) non seullement tout ce que j'ay au monde, mais aussi ma personne, ma femme, et mes enfans, que pour le moins, la nature me commande, préserver et garder. A quoy plairat à vostre Altesse, prendre regard, selon sa trespourveiie et coustumiere discrétion, prenant ceste ma remonstrance, de bonne part, comme procédant de celluy, qui parle d'ardant désir et affection, qu'il a au service de sa Majesté, et d'obvier à tous inconveniens. Dont je prens Dieu en tesmoing, auquel je prie après, m'estre recommandé treshumblement , en la bonne grâce de vostre Altesse, donner à icelle en santé, bonne vie, et longue. De Bruxelles le xxiiii. jour de janvier 1S65. styl deBrabant (1).

(t) C'est 1566, stil de Lempire.

RESPONSIVE

LA REGENTE, AVX LETTRES DV JPRINCE.

Mon bon cousin, j'ay receu deux vos lettres du xvi®. de ce présent moiSjpar l'une desquelles, excusez vostre venue ceste part, selon que vous en avoys prié. Et par l'autre, me ramentevez les remonstrances, que autresfols m'avez fàicts,des inconveniens qui pourriont soudre, sur les trois poincts,que le Roy, Monseigneur, a commandé, dont j'ay bonne souvenance, Et est depuis ce temps là (comme je suis informée) le mescontentement et murmure du peuple, en gênerai, tellement creu, que, par advertences diverses, me venans de jour à autre, de bons lieux, l'on me faict entendre, que lesdicts inconveniens sont tresapparens et prochains^ de bien tost se monstrer, et laisser veoir. Ce que a faict trouver convenable et requis, appeller icy les gouverneurs, comme j'ay faict, pour Lundy, ou Mardy prochains, au plustard, pour, à leur

assistence, délibérer sur ce, que pourra convenir, pour aller au devant desdicts inconveniens,au bien du service de sa Majesté, repos, et tranquillité du Pays, et seureté des vassaux, subjects, et manans d'iceluy. Et cognoissant vos affection et zèle, aux affaires de sadicte Majesté, et endroict ces Pays, je m'asseure, que ne fauldrez, remettant et postposant tous autres affaires, vous trouver audict temps icy,dont vous prie, mon bon Cousin , bien affectueusement par ceste (la-^ quelle à celle fin seullement, va expresse vers vous) et au Créateur, qu'il vous doint ce, que plus luy vouldrîez demander. De Bruxelles le xix. jour de Mars, 1S65 (1). Estoît soubz escript : Vostre bonne Cousine, Et signé, Margarita. Et encoires contresigné, Berty. Et la superscription estoit, A mon bon Cousin, le Prince d'Oranges, Conte de Nassau, Chevalier de l'Ordre, Gouverneur du Conté de Bourgoingne, et pays d'Hollande, de Zelande, et Utrecht,

(1) Gest 1566. selon le stil Commun.

No 9.

EXTMICTS D'AVCVNS POINCTS,

compris en quelques vngs des Placcarts^ et ordonnances^ publiez au Pays bas y alendroict le Faict de la Religion.

ET PREMIERS, DU PLACCART et Edict gênerai, faict et statué par l'Empereur Charles, le 22. de Septembre, l'An l^iO. lequel fut ordonné après que vng autre av^si si rigoureux, avoit esté émané, r an 1531.

f PouRCE EST IL, QUE nous,ce consideré, desirans de tout nostre pouvoir, extirper, abolir, et desraciner lesdictes condamnées et réprouvées sectes, erreurs et hérésies, et contenir nos subjects en la crainte de Dieu, et la vraye observance de nostre- dicte saincte foy Catholicque, ensemble en Tobeyssance de nostre mère, la saincte Eglise, Avons avecq grande et meure délibération de conseil, et par advis de nostre treschiere et tresaymee seur, la Royne, Douagiere de Honguerie, Bohême, etc. Régente et Gouvernante de nos Pays de pardeça, aussi eu sur ce l'advis de nos principaux

Gonsaulx, de nostre propre volunté et certaine science or* donné et statué, ordonnons, et statuons, pour edict et loy perpétuelle, ce que s'ensuyt :

Premièrement, que personne, de quelle qualité ou condition qu'il soit, ne pourra avoir, vendre, donner^ porter,Iire, prescher, instruire, soustenir, communicquer, ne disputer, secrètement ne publicquement , des doctrines, escripls, ne livres, qui sont faict, ou se pourroyent faire, par Martin Luther, Jehan Wiclef, Jehan Hus, Marcile de Padua, OEcolampade, Ulrich Zwingle, Philippe Melanchton, Franchoys Lamberti, Jehan Pomeraen, Otte Brunsfelt, Juste Jonas, Jehan Puper et Gorciaen, ou autres autheurs de leur Secte, ne autres Hereticques et sectaires, ou erreurs reprouvez par TEglise, ne mesmes la doctrine de leurs adherens, fauteurs, et complices, voyre, non aussi, les Nouveaux Testaments, Imprimez par Adrian de Bergues, Christoffle de Remunde, et Jehan Zell, Phrases scripturœ divinœ, Interpretatio nominum Caldeorum, Epitome topographica Vadiani , Paralipomena rerum memorabilium^ Historia de Germanorum origine, Commentaria in Pithagorœ poëma, Commentaria in Physicam Aristotelis per Uvalcurionem , Eohani Hèssi opéra, Dominicœ precationes Griphij, Methodus in prœcipuos scripturœ divinœ locoSyErasmi Sarcerij Catechismus, Scholia ejusdem in Evangelia, secufidum Matthœum, Marcum, et Lucaniy Postilla ejusdem in Evangelia Dominicalia, per totum annum, Item, de ratione discendœ Theologiœ, De Instituenda vita,et moribm corrigendis, Parenesis Christophori Hegendorphini , Ejusdem Christiana institutio studiosœ juventutis, cum expositions Orationis Dominicœ Philippi Melanchthonis Epitome Ckronicarum en Latin eiTh\ois,Annotationes Sebastiani Munsteri inEvan-

gdium secundum Matthasum. Et les jeux depuis n'agueres représentez en nostre ville de Gand, par les dixneuf Chambres de Rhetoricques, sur la demande : Quelle soit la plus grande consolation pour l'homme mourant^ Ne aussi quelques autres livres, escripts ou imprimez, depuis 18. ans ençà, sans déclaration de TAutheur, Imprimeur, temps et ijeu, semblablement non le nouveau Testament, les Evangiles, Epistres, Prophecies, ou autres livres en Franchoys, ne en Thioys, contenant Préfaces, Prologues, Apostilles, ou Gloses, resentans doctrines réprouvées, repugnans ou contrarians à nostre saincte foy Catholicque, aux Sacraments, ou aux commandemens de Dieu, ou de l'Eglise, Aussi non paindre ou faire paindre ou pourtraire, tenir, avoir, ou garder quelques Images, Pourtraictures ou Figures schandaleuses, de la vierge Marie, ou des Saincts canonisez par l'Eglise, ne aussi rompre, casser, ou tracher les images faicts ou à faire en l'honneur ou mémoire d'iceulx, et si aulcuns a soubs' luy, ou tient, aucuns tels livres ou painctures, qu'il les brusle incontinent.

Sur peine, en cas que aulcun se treuve avoir contravenu à aulcun des poincts dessus déclarez , d'estre exécuté , à scavoir, les hommes par l'espee, et les femmes par la fosse, si avant qu'ils ne veuillent soustenir ou deffendre leursdicts erreurs, et si avant qu'ils persistent en iceulx leurs erreurs et hérésies, seront exécutez par le feu, et en tous cas leurs biens déclarez, confisquez à nostre prouffit.

Veuillans et declarans, que des le jour que lesdicts Hereticques seront tombez en leurs erreurs, seront inhabils, pour disposer de leurs biens, et que toutes aliénations, dons, cessions, venditions, transports , Testaments, et dernières dispositions, par eulx, depuis tel jour faicts, seront nuls,et de nulle valeur.

Ordonnons et statuons enoultre, pour edict et loy perpétuelle, comme dessus, que personne ne s'advance de tenir ou permettre en sa maison, ou autrement, aucuns conventicles ou assemblas, ne de communicquer ou disputer de la saincte escripture (signamment en matière dubieuse ou difficile) ne de lire ladicte saincte escripture à autres, ou la prescher, s'ils ne sont Théologiens approuvez par quelque fameuse Université, ou par l'ordinaire du lieu à ce admis, sur semblable peine.

Que personne nes'advance d'imprimer,ou faire imprimer, ou autrement publier, aucun livre, parlant ou faisant mention de la saincte escripture, ou aucunement touchant nostre saincte foy, et les constitutions de l'Eglise, s'il n'est preallablement visité par l'ordinaire du lieu, et qu'il ayt de nous obtenu ' octroy et licence, pour l'imprimer, sur la mesme peine.

D'avantage ordonnons, et statuons, que personne, de quel estât ou condition qu'il soit, ne s'advanche de loger, recepvoir, traicter ne favoriser aulcuns hereticques, ne Anabaptistes, et que tous ceulx, qui les auront logé, receu, traicté ou favorisé, saichans qu'ils sont tels, viennent à les denuncier et accuser à l'Officier du lieu, (s'il est previlegié) ou (en cas qu'il ne l'est) au principal Officier de la plus prochaine bonne ville, de leur résidence, sur peine d'estre punis, comme hereticques.

-}- Et à cause que desirons venir à la notice desdictes hérésies, erreurs, et abus, Ordonnons, que les accusateurs et denunciateurs auront la moitié des biens d'iceulx denunciez ou accusez, si avant que de leurs mesuz puisse deuëment apparoistre, et qu'ils en soyent convaincus, moyennant que iceulx biens, n'excèdent la somme de cent livres de gros de

Flandres une-fois,mai9 s'ils passent icelle somme, auront en tel cas, seuUement le dixiesme denier, de ce, que lesdicts biens surpasseront, les mises et despens de justice, preallablement défalquez.

-J-*Et aflSn que noz Justiciers et Officiers,qui auront appréhendé lesdicts Hereticques ou Anabaptistes, n'ayent occasion de dissimuler avecq iceulx, ne leurs complices et fauteurs, ou de les punir moins, qu'ils n'ont mérité, soubs ce pretext, que les peines pourroyent sembler trop grandes, et rigoreuses, et seullement mises à la terreur des delinquans, comme l'on trouve, qu'il soit souvent advenu. Nous voulons et ordonnons, que tous ceulx, qui auront contravenu à ceste nostre ordonnance, tenant, imprimant, vendant,distribuant, ou publiant livres, escripts, ou painctures hereticques, ou schandaleuses , ou autrement, contrevenant aux poincts dessus déclarez, ou aucuns d'iceulx, soyent indifféremment punys , et corrigez par les peines dessus déclarées, deffendantà tous noz Juges, Officiers, et Justiciers, de altérer, modérer, ou changer icelles peines en manière quelconque, mais seulement, que (quant leur sera apparu de ladicte contravention) ils déclarent lesdictes peines, suyvant la présente nostre ordonnance, à peine d'estre privez de leurs Estais, et OflSces, et déclarez inhabils à jamais,de porter office, et d'avantage d'estre arbitrairement corrigez. Ordonnant à fous nos Officiers, d'advertir à nous, ou à nostredicte seur la Royne, quant nos Juges, Eschevins, ou autres, ayans cognoissance sur les-dicts delinquans, feront difficulté d'ensuyvre ceste nostre ordonnance, et de décréter les susdictes peines^ pour faire procéder contre iceulx, par les mesmes peines.

D'avantaige ordonnons, que si avant que aulcun sçait aul-

cuQ lieu, où quelque Hereticque, ou Anabaptiste, se tient secrettement, qu'il soit tenu de le déclarer à l'Officier du lieu, sur peine d'estre tenu pour fauteur, receptateur, et adhèrent à rheresie, dont la personne cachée sera infectée, et d'estre corrigé de la mesme peine, que seroyt le mesme caché, s'il fut appréhendé.

Et à cause, que parcidevant, quant aucun desdicts Hereticques ou Ànabaptistes,estans accusez ou âdjournez,se sont retirez du Pays, s'absentez ou tenuz secrettement, l'on n'a peu procéder contre iceulx à coiidigne punition, mais seullement parbannissement,Ëtque tels entendans leurs complices etadherens, estre morts ou exécutez, de sorte qu'il ne seroit possible à l'Officier, de prouver contre eulx soufisamment,quilz estoyent rebaptisez ou Hereticques, s'advancent journelleinent sur cestuy espoir et confidence, de présenter requeste, pour obtenir mandement de purge, ou autre provision de Justice. Ce que donne occasion de retardement de Justice, et ausdicts Hereticques et Anabaptistes, hardiesse de retourner en nosdicts Pays, et y semer leurs erreurs et faulses doctrines, au grand péril, schandale, et préjudice de nosdicts Pays et subjectz : et veuillans en ce pourvoir, défendons aux Ghiefz de noz courts souveraines, et Presidens de noz Consaulx provinciaux, de accorder, concéder, ou faire sceller ausdicts suspectez et accusez pour Hereticcpies ou Anabaptistes (lesquelz ayans unesfois esté appeliez en Justice, ne seront comparuz, mais par contumace se auront laissé bannir) aucune provision de Justice, pour se mettre à purge ou autrement, pour fréquenter en nosdicts Pays. Et déclarons que tels fugitifz et bannyz, seront tenuz pour convaincuz, et que l'on procède contre iceulx, selon les peines susdictes.

f Défendons enoultre à ung chascun,de quel estât ou condition, qu'il soit,sur paine d'estre tenu pour fauteur des H&reticques , de présenter à nous, ou à noz consaulx (ayans pouvoir de donner pardon) requeste pour lesdicts fugitifz, bannys, rebaptisez, ou autres entachez, ou ayant esté entachez, desdictes sectes réprouvées, pour obtenir grâce de leurs mesuz, erreurs, et hérésies, laquelle ne voulons estre accordée, sur peine d*estre à tousjours tenu inhabil, pour pouvoir, avoir, ou' exercer Estât ou Office en nosdicts Pays, et d'avantaige corrigé arbitrairement, Semblablement aussi à tous Advocats, Procureurs, Clercs, Practisiens, et Solliciteurs, de coucher, escripre, ou présenter telles Requestes, sur semblable peine.

f Tous lesquels Poincts et Articles,nous voulons et ordonnons, à jamais inviolablement estre gardez et observez,selon leur forme et teneur. Et à fin que ung chascun en soit adverty. Que vous les faciez incontinent, et sans dilay, publier par tout esdicts nos Pays, es lieux où Ton est accoustumé de faire publications. Procédant, et faisant procéder contre les contraventeursetdesobeyssans, par rigoreuse exécution des peines dessus déclarées, sans aucune grace^ simulation, ou connivence, non obstant opposition ou appellation, faicte ou à faire, ne aussi aucuns Privilèges, Ordonnances, Statuts, costumes, ou usances au contraire , Lesquelles ne voulons, ne entendons debvoir avoir lieu en cest endroict. Mais avons de nostre certaine science, authorité , et pleine puissance, derogué, et deroguons à icelles par cestes.

f Et pour accomplir ce que dict est,et ce que en dépend, donnons à vous, nos Officiers, Justiciers, et gens de loy, à cui ce appartiendra, plain pouvoir, authorité, et especial mandement. Commandons et ordonnons à ung chascun, que

à vous, et eulx, en ce faisant, ils obeyssent, et entendent diligemment. Car ainsi nous plaist il.