FAIT PAR LA MAJESTÉ DU ROY NOSTRE SIRE, ALENCONTRE DE
GUILLAUME de Nassau, Prince (tOranges, comme
chef et perturbateur de l' estât de la Chrestienté; et
speciallement de ces Pays bas : Par lequel ^chacun est
authorisé de l'offenser et oster du monde^ comme
' peste publicque, auecpris à qui le fera et y assistera.
Philippes, par la grâce de Dieu, Roy deCastille, de Léon, d'Arragon, de Nauarre, de Naples, de Sicille, de Mallorcque, de Sardaine, des Isles, Indes ^t terre ferme, de la mer Occeane, Archiduc d'Austrice, Duc de Bourgolngne, de Lolhier, de Brabant, de Lembourg, de Luxembourg, de Gheldres et de Milan : Conte de Habsbourg, de Flandres, d'Arthois, de Bourgoingne, Palatin etdeHayûault,de Hollande, deZelande, de Namur et de
Zutphen, Prince de Zvvaue, Marquiz du sainct Empire, Seigneur de Frize, de Salins, de Malines, des cité, villes, et pays dTtrecht, d'Oueryssel et Groninge, et Dominateur en Asie et en Afrique. A tous eeux qui ces présentes verront salut.
Il est notoire à tout le monde comme feu 'de trèshaulte mémoire TEmpereur Charles le Quint Monseigneur et Père, que Dieu absolue, a traitté fauorablement Guillaume de Nassau pour la succession de feu René de Challon Prince d'Oranges son cousin. Et comme de là en auant dés sa première ieunesse (encoires qu'il fut estranger) luy a faict auancement, ce que nous auons tousiours successiuement continué et augmenté de plus en plus, rayant faict de nostre ordre, enapres nostre Lieutenant gênerai au gouuernement de Hollande, Zelande, Vtrechtet defourgoigne : ioinctement de nostre conseil d'Ëstat, luy faisant plusieurs biens et honneurs. Par ou et à raison des sermens de fidélité et hommages qu'il nous a aussi fait, à cause des fiefz, terres et Seigneuries tenuz de nous en diuers noz pays et prouinces, il estoit grandement submis et obligé à nous obeyr, seruir et tenir sa foy, et procurer le bien et vtilité de noz affaires : consequamment maintenir tout repoz et tranquillité en noz estatz et pays. Toutesfois chacun scait que n'auons eu si tost le pied tourné de noz pays bas, que ledict Guillaume de Nassau fait par le moyen que d essus Prince d'Oranges, n'ait par ses sinistres practiques, trames et astuces tenté,premierement de gaigner les volontez de ceux qu'il cognoissoit malcontens.
chargez de debtes, hayneux de la Justice , studieux de Douueaultez, et sur tout, ceulx qui estoyent suspeetz de la Religion, les caressant, sollicitant, et tirant à soy par belles parolles, promesses et vaines persuasions, iusques à là qu'il a esté le principal auteur, promoteur et instructeur de la première requeste présentée par quelques troupes de ieusnes gentilzhommes frequentans iournellement sa maison et table; mesmes le complot en fut faict en sadicte maison, à Tassistence du Conte Loys de Nassau son frère, grand hérétique. Et iaçoit qu'il fut directeur de toutes ces menées, si frequeiftoit il en ce temps là iournellemept le conseil d'Ëstat,estant présent à toutesdeliberations et resolutions que s'y prenoyent : de manière que chacun peult remarquer sa bonne foy , et l'obseruance de sessermens.Ëtainsi passant de ladicte requeste oultre,lùy et ses adherens introduyrent les presches hérétiques^ et assemblées publiques en plusieurs lieux de nosdictz pays, pendant que la Ducesse de Parme, lors Régente et Gouuernante generalle de noz Pays bas nostre treschere et tresaimée sœur auoit enuoyé vers nous pour donner ordre sur ladicte requeste. Et pareillement par l'aduis, du sceu et participation dudict d'Oranges commencèrent les hérétiques (guidez par ces présentateurs de ladicte requeste, fauorisez de luy) a tumultuairement rompre images, autelz et Eglises, prophaner toutes choses sainctes et sacrées^voire les Sacremens ordonnez de Dieu : neantmoins par la grâce diuine et la prouidence de ladicte Dame, les choses furent ainsi gouuernées et remédiées^ qu'il fut contrainct se retirer
de nosdicfs pays et quicler sesdicts gouuernemens : toutesfois non sans estre plain de courroux et menaces de s en vouloir venger. Ce qu'il pensa Tannée ensuyuante exécuter par armes, mais en vain, car il fut sy viuement poursuyui de nostre armée allant continuellement à sa suyle,qu'il fut dechasséde tous nosdicts pays,sans y pouuoir demeurer quelque part. Mais comme aucun temps après se leua en plusieurs lieux quelque mescontentement de nosdictz subiectz contre le gouuernement du Duc d'Alue, succédé à ladicte Dame audict gouuernement, entre aultres, es prouinces de Hollande et Zelande, il practiqua d'y pouuoîr retourner. A quoy toutesfois il ne fut receu que premièrement ne iura sainclement aux estatz desdits pays, et aux villes, qu'il maintiendroit lesdicts pays et villes pour nous et en nostre obéissance, et qu'il ne changeroit riens que fut en l'ancienne Religion Catholique et Romaine, feulement comme gouuerneur les assisteroit et deflFenderoit contre ledict Duc d'Alue, s'il les vouloit forcer et violenter à ce qu'il pretendoit : assauoir aux dixième et vingtième deniers d'imposition qu'il vouloit mettre sus; chose que ne luy auions commandé, ny entendions estre faite, sinon du bon gré et volonté de nosdicts subiectz; encoires au lieu d'aultres aydes et impositions, dont on les entendoit descharger. Toutesfois si tost que ledict de Nassau fut entré et receu dedans ledict gouuernement, commencea par ses minisires et suppostz introduire les presches hérétiques^ ou il pouoit, persécutant tous les bonS pasteurs, prédicateurs, religieux et gens de bien, dont il dechassa vn bien grand
lombre ; et entre iceux-, il en fit massacrer plusieurs^ ou dissimula au massacre qui en fut fait par aucuns ses adherens, jusques à ce que lesdictz Estatz grandement offensez de ceste cruaulté en voulurent auoir raison : lors faignit la chose luy desplaire. Et neantmoins du depuis retourna à son premier but, mal traittant ceulx qu^il recognoissoit Catholiques, et contraires à ses desseingz, s'assistant du conseil des ministres hereticques tant estrangers que dudict pays, changeant semblablement les Magistratz qu'il scauoit ne fauoriser ses entreprinses et desseings : et depuis est venu à introduire liberté de conscience, ou (à vray dire) confusion de Religion, dont tost après est aduenu que les Catholiques ont esté ouuertement persécutez, deiectez et deschassez, les Eglises et Monastères tant d'hommes que femmes^ rompuz, ruynez et iectez par terre : les Religieux et Religieuses mal traittez, banniz et exterminez, s1lz ne vouloient apostater et mesmes se marier, car des aultres il ne se confioit. Comme aussi luy depuis homme marié qu'il estoit, viuant encoires sa seconde femme, auroit prins vue Religieuse et Abbesse beniste solemnellement de main Episcopalle, qu il tient encoires auprès de luy : chose la plus deshontée et infâme que puisse estre, non seulement selon la Religion Chrestienne, mais aussi par les loix Romaines , et contre toute honnesteté : et finablement a tant procédé qu'il n'a donné plus lieu à la Religion Catholique, souffrant tous les erreurs et impietez dé toutes aultres sectes et hérésies, pour exterminer et desraciner (s'il pouuoit) la nostre Catholique et saincte,
obseruée de tout temps par rvniuers estât des Chrestiens. Ce pendant il a ainsi fait opiniatrer noz paoures subieetz de Hollande, et Zelande, et reduiet en telz termes, que presque toutes les villes Tvne deuant, l'autre après, ont esté assiégées et prinses, aucunes d'assault, aultres par composition et reddition; tellement que plus dVne fois il a esté sur le poinct d'estre bouté hors par noz armes, iusques que estant mort le grand Commandeur de Castille, lequel auions commis aussi successeur eniceluy gouuernement après ledictDucd'Alue(par nous rappelle pour plus donner de contentement à noz subieetz) les choses seroient venues en vn desordre et désobéissance des gens de guerre, ayans prins la ville de Ziriczee, lequel desordre commencea à donner quelque faveur audict de Nassau; et tôt après lesËstatzgeneraulxde noz pays de pardeça desirans vue fois sortir de ces calamitez de guerre, persuadez dudict d'Oranges, disant et simulant ne desirctr que le bien, repos et tranquillité des pays, les faire quictes des gens dé guerre estrangers, et retenir le pays soubs nostre obéissance , ensemble conseruer en iceux l'ancienne Religion Catholique, telle qu'elle y auoit toujours esté exercée, et garder les preuileges et liberté dudit pays, feirent auec lui le traicté de Gand , estably expressément sur ces deux fondemens speciaulx, de maintenir icelle religion et nostre obéissance. Entretant enuoyasmes nostre bon frère feu le Seigneur Don loan d'Austrice (de bonne mémoire) auec commandement et intention de accommoder,reconcilier et accorder tous les troubles de nosdicts pays par la plus
doulce et gratieuse voie que faire se pourroit : ce qu'il fait, indulgeant à noz subiectz tout ce qu'aucunement leur pouuoit estre concédé : ratiffiant aussi lediçt traitté de Gand^ qu'il fit publier par tout en la manière accoustumée. A quoy contredit de toutes ses forces ledict d'Oranges ; mais ne le pouant empescher, ne voulut oncques par après le faire publier es lieux de ses gouuernemens, indigné qu'il ne l'auoit peu empescher (comme dit est : ) nonobstant que nous mesmes eussions depuis approuué, emologué et ratiffié l'vn et l'autre accord et traicté, et que nostredit bon frère, ensemble les députez des autres Estats eussent enuoyé diuers grands et bons personnages vers ledict d'Oranges pour le persuader à cela, affin d'effectuer de sa part ce à quoy il estoit tenu et obligé par les capitulations dudict traitté de Gand ; et pource qu'il eausoit et alleguoit tousiours de debuoir recouurer son gouuemement entier, cousequamment que les villes qui ne Tauoyent voulu recognoistre pour gouuerneur, ou bien celles que depuis auions reprins par force d'armes, et reduict autrement en nostre obeyssance , fussent mises soubz sondict gouuernement, il y fut satisfait par la bonté et facilité de nosditz Estatz , qui n'auoyent encoires lors assez cogneu ses impostures et periures, moyennant toutesfois qu'il iura qu'il ne changeroit riens de la forme de ladicte ancienne Religion Catholique et Romaine, et que pource donna les seuretez et satisfactions que les magistratz, bourgeois et inhabitans de chacune ville pouuoient iustement demander. Sur quoy ayant esté disputé long temps sur les seuretez que chacune ville demandoit, affin
— laque leur fut gardé ce que ledict d'Oranges leur promettoit, se seroient remises soubz son gouuernement , après qu'il eust iuré les pointz susdit2 et dultres contenuz es instruments d'icelles satisfactions : mais tant s'en fault qu'il ait tenu et obserué sesdicCes promesses iurées, que au contraire il a incontinent introduit en icelles ses ministres et prédicateurs Galuinistes^ il a fait retourner les hérétiques banniz , il a illecq practiqué liberté de conscience , et faict faire quelques scandales en quelques églises, s'attachant premièrement aux mendiantz, après aux magistratz, qu'il a petit à petit persécuté, et mys en fuyte les bons pasteurs; finablement expulsé et banny toute la Religion Catholique, et interdit l'exercice d'icelle. Quoy faisant vsoit de ses hypocrisies et simulations accoustumées, disant luy desplaire, et qu'il n'y pouuoit remédier : neantmoins instigeoit soubz main, tant par luy que ses administres , tous les séditieux et hérétiques à vser de ces malices : et pour ce faire par l'assistence des siens, mettoit fil à fil garnison dedens les villes contre ses pactions et promesses iurées , ce pendant ne cessoit accuser nostredict frère Don loan, qu'il machinoit contre tes Estatz, ce que toutesfois nostredict frère nous a tousiours asseuré n'estre vray : trop bien, que voyant l'obstination et malices dudict d'Oranges, pouuoit auoir communiqué auec aultres, comme on le pourroit amener à la raison, et empescher qu'il ne troublast derechef tout le repos publicq desdicts pays , comme il a fait par après. Ce nonobstant ledit d'Oranges n'a désisté iusques que panr ses practicques et trames (à luy bien propres) a mis
voe telle diffidence entre nostredict frère et les Estatz de nosdictz pays, que ne se voyoit que vng tresgrand eteuident massacre apparant : de sorte que pour euiter ce desordreyOu du moins l'emprisonnement de sa personne, iceluy Don loan'se mist à seureté en noz ville et chasteau de Namur. A quoy fut meu de tant plus qu^il n estoit en riens armé, au contraire qu'il estoit clair et certain que ledict d'Oranges par tous ses émissaires et ministres appostez, ne cessoit d'inciter les factieux à faire le sembla*» ble sur sa personne , comme la mesme année auoit fait faire sur ceux de nostre conseil d'estat commis au gouuemement gênerai de nosdictz pays : que lors ledict d'Oranges estimant auoir le toutgaigné,commencea à descocher toutes ses flesches,ruses et armes,pour attirer nostre peuple en guerre ouuerte contre nostredict frère Lieutenant general.Toutesfois par interuention de bons personnages estans prez sa personne et d'aultres gens de bien du costé des Estatz, les choses estoyent sy auant venues, que le tout s'estoit accommodé, et que d'vne part et d'aultre, pour euiter toute occasion de diffidence, auoit accordé se retirer du gouuernement et passer en Italie, comme aussi en estoit nostre vouloir : et estoyent les Députez des Estatz vers luy, pour accepter et signer réciproquement les offres et contre-offres. Mais de malheur cest eunemy commun perturbateur du repos publicq, lequel (cognoissant que du lieu de Hollande ou il estoit, ne pouuoitauectous ses artifices plus empeschercestepaixet reconciliation) se hasta venir sur ce point à Bruxelles, et simulant vouloir la paix, procuroit la guerre, mettant en
auant nouaelles conditions non encoires pourparlées ny ouuertes, tellement qu'il paruint à son but, rompant tout raccord (comme il est à chacun notoire.) En après estant venue la chose à rupture de guerre ouuerte et trèscruelle, se feit par force et tumulte populaire contre la volonté des Estalz declairer Revvart ou protecteur de nostre pays de Brabant, et après second Lieutenant de tous noz pays bas : comme aussi en fin s'est fait choisir par les tumultes de Gand, et de quelques aultres lieux, Gouuerneur de Flandres : ayant au$si fait venir ses frère et beaufrere estrangers pour auoir aultres gouuernemens de noz prouinces : et ce pendant trauaillent luy et les siens nostre peuple de toutes sortes d'impositions,d'exactions, demandes, leuées, et quottisations, les plus dures, barbares, et tyranniques, qu'oncques ne sont estez ouyes pareilles, qu'il a exécuté à main forte et armes sans accord de nostre peuple,etsans rendre compte : et si quelques vngs en parlent, iecte la main sur eulx, ou les faict piller, mal traitter, emprisonner, ou tuer. D'aultre part est manifeste, ce que nous auons continuellement fait, pour accommoder et pacifier le mal entendu, suruenu (comme dit est) entre nostredict Lieutenant gênerai et les Estatz : mais tout ce qui a esté fait de bien par nous, ou nostredict frère, a esté supprimé et caché : Au contraire dequoy, ledict d'Oranges et les siens, ontinuenté mille calomnies pour abuser dauantagenosdictz subiectz, mesmes comme en la conjuncture de la victoire de Gembloux auions enuoyé le Baron de Selles auec conditions tresraisonnables , pour recepuoir en grâce nosdictz sub-
ieclz, et reconcilier le tout, riens ne s'ensuyuit par Tempeschement qu'il y a sceu mettre : combien que par tout ce temps nosdictz subiectz escripuans tant à nous que à nostre bon frère et nepueu l'Empereur et aultres Potentatz pour iustifier les differens qu'ilz auoyent contre iceluy nostre Lieutenant gênerai, p^otestoient ouuertement de ne vouloir aucune chose changer en la Religion ancienne Catholique Romaine, telle quelle auoit esté de tout tenips gardée en nosdictz pays: et ioinctement soubz icelle nous rendre Tobeissance que de droit diuin et humain nous estoit deuë; quiestoyent les seulz deux pointz qu'auions tousiours demandé et demandions lors d'eulx, et en quoy estions d'accord. Toutesfois iceluy d'Oranges craignant la reconciliation de nosdictz subiectz auec nous, seroit venu à traîner derechef nouuelles inuentions, pour non seulement empescher cecy, mais aussi rendre (s'il pouuoit) pour iamais la chose désespérée et irrémédiable, par le moyen de corrompre le tout par hérésie : à quoy est paruenu en plusieurs lieux, tant par ruses, finesses, malices et pariures bien cognuz à luy et à tous hereticques, que aussi par pure force, vsant du mesme qu'il auoit fait parauant pour gaster et perdre les prouinces de Hollande et Zelande : mettant tout en vne combustion de tumulte populaire,etde saccagement d'églises, prophanations de Sacremens, massacre ou emprisonnement d'Euesques, Pasteurs, lesuites, Religieux, Religieuses, et de plusieurs personnes de bien et d'honneur séculières, renouuellant tous les magistratz, priuant contre tout ordre de droit, priuileges , vsances et obseruances ancien*
nés, les Presidens, Conseilliers, Gouuerneurs des places, Baillyfz, Preuostz , Drossatz, Escoutelles, Escheuins et aultres ofGciers catholiqaes affectionnez à nous, bien et repos du pays : remettant en lieudlceux etextraordinairement et par son authorité , et souuent par tumulte populaire par luy excité (autre lequel il règne et triumphe) tous sectaires, séditieux et personnes turbulentes viuans de proye et sacq,et aultres semblables à luy ; de manière qu'il a mis le tout en vne confusion la plus tyrannicquei, barbare et sanguinaire qu'oncques fut ouye. Dont estant desplaisantes aucunes prouinces catholicques , mesmes de veoir les consciences des bons ainsi oppressées et violentées , les Eglises, Cloistres, Abbayes , Chasteaux et maisons des gentilz hommes et bons personnages mises par terre , et leurs biens donnez en proye à tous meschans à discrétion de cestuy estranger, et tout Testât du pays subverti par luy, voires iusques à y vouloir forcer Provinces entières contre leur serment et volonté, se sont voulu reconcilier auec nous : ce qu'il a tasché de toutes partz contredire et empescher : mais elles ont esté plus fortes et constantes que luy. Qui pis est, combien que ledict Seigneur Empereur à l'instante requeste desdictz Eslatz (qui luy auoient supplié d'estre intercesseur et médiateur d'vne pacification entre nous et êulx) eust esté content de prendre le tout en main pour le vuider : à quoy pour le désir qu'auions de veoir nostre peuple deliuré de ces calamitez, serions volontairement condescenduz : et de fait sa Maiesté Imperialle auroit enuoyé à cest effect ses Commissaires en
Couiongne, tant Princes, Electeurs, qu'autres des plus principaux du sainct Empire, pour entendre les pointz differentiaulx, encoires cecy ne 1-a en riens diuerty, ny retenu de ses mauuaises et peruerses intentions : et de fait iceulx Commissaires, ayans le tout ouy et debatu par bonne espace de temps sur les demandes desdictz £statz et noz offres, ont résolu et décerné les poinctz et articles qu'ilz ont fait publier et imprimer pour estre acceptez dvnepart etd'aultre. Neantmoins le tout a esté sans aucun effect, non obstant que lesdictz articles fussent si gratieux, iustes et raisonnables qu'il n'y ayt personne de bon iugement qui ne confesse qu'ilz sont plus que souiBssans, et qu'avons offert plus de ce, que par raison nous debuoient requérir nosdictz subi ectz. Entretant et pendant ceste communication le dict d'Oranges, pour contreminer à l'Empereur, et à nous, afBn de* désespérer le tout, faict faire vue assemblée en Vtrecht des Députez de quelques villes et pays qu'il tient en son pouuoir, pour practiquer illec vue nouuelle ligue ou conspiration manifeste et notoire contre iadicte Religion et nous,auec parolles et sermens exécrables et détestables, ne s'abstenans d'iniurier les Commissaires dudict Seigneur Empereur : pour quoy faire, se faict assister par sesdictz frère et beaufrere et aultres apostez : ce que par grandes sollicitations, practiques, calomnies et importunes promesses, et presque par force a extorqué de plusieurs quartiers : et nonobstant tous debuoirs faits par lesdicts Commissaires de faire entendre aux prouinces leurdicte bonne et saincte résolution
si salutaire à noz subiectz, il a fait par ses adherens et personnes supposées (dont il se sert pour instruments) que lesdictz articles ont esté long temps supprimez, et comme ne se pouuoient plus celer, n'a seulement empesché qu'ilz ne fussent acceptez, mais a procuré que fussent escriptz liures pernicieux au contraire farciz de tous mensonges et calomnies : et de plus en fin les Députez qu'il a en Anuers auprès de luy de la mesme farine ont demandé articles plus griefz, impertinens, exorbitans, scandaleux et pleins d'impiété contre Dieu et nous leur souverain Seigneur et Prince naturel, telz que ne se peult dire plus : mesmement comme il a veu que encores auec tous ses arts, persuasions, et trauaulx, il ne les peult du tout gaigner, il s'est délibéré en fin sortir d'Anuers, dont il n'auoit bougé par plus de deux ans, et est allé en nostredite ville d'Vtrecht, aflSn de paracheuer l'exécution de iadicte damnable ligue, et pour à iamais rendre toutes choses irrémédiables : et generallement s'est ainsi comporté en toute sorte de tyrannie, qu'il a deschassé et exterminé tous gens d'église, mesmes a ainsi traitté les S", et toute la principalle noblesse de noz pays, qu'ilz ont esté contrainctz se retirer et abandonner leur pays, affin que luy y règne et domine plus absolutement entre les furies et tumultes populaires, estans les bons dçschassez :'et pource que toute ceste confusion et malheur, que souffrent noz pays, se recognoist procéder du conseil, enhort, instigation, et du faict de ce malheureux hypocrite, par son esprit irrequiet, et qui mect toute sa félicité au trouble de noz subiectz; consequam-
ment qu'il est notoire tant qu'il soit en noz pays, iamais n'y peult y auoir paix, repos , ny aucune quiétude, fondant tout sur une diiBdenee perpétuelle, qu'il a tonsiours en bouche, (chose ordinaire à meschantz qui ont la conscience exulcerée auec Gaym, ludas et leurs semblables) aussi que non obstant les réquisitions et offres que luy sont esté faites, mesmes par les Commissaires Impériaux, luy présentant tresgrands auantages, affin qu'il voulsist se retirer au lieu de sa naissance, (ou naturellement chacun doibt désirer viure le plus) n'y a voulu entendre, et luy estranger ayme mieulx perdre noz pays, qu'acquiescer, à ce qu'il conuient pour le bien de noz subiectz naturelz d'iceux.
Pour' ces causes, qui sont si iustes, raisonnables^ et iuridicques ; nous vsans en ce regard de l'autorité qu'auons sur luy, tant en vertu des sermens de fidélité et obéissance qu^il nous a souuent fait, que comme estant Prince absolut et souuerain desditz pays bas : pour tous ses faitz peruers et malheureux, et pour estre luy seul Chef, autheur et promoteur de ces troubles, et principal perturbateur de tout nostre estât, en somme, la peste publicque de la republicque Chrestienne, le declairons pour trahistre et meschant, ennemy de nous et du pays. Et comme tel l'auons proscript et proscripuons perpétuellement hors de nosdictz pays, et tous autres noz Estatz, Royaumes et S^^^^. interdisans et defendans à tous noz subiectz de quelque estât, condition ou qualité qu'ilz soyent, de hanter, viure, conuerser, parler, ny communiquer auec luy, en appert, ou couuert, ny le receuoir,
ou loger en leurs maisons, ny luy administrer viures « boire, feuz, ny autres nécessitez en aucune manière, sur paine d'encourir nostre indignation, comme cy après sera dit. Ains permettons a tous, soyent noz subiectz ou aultres, pour Texecution de nostredicte Déclaration, de Tarrester, empescher, et s'asseurer de sa personne, mesmes de Toffenser tant en ses biens qu'en sa personne et yie, exposant à tous ledit Guillaume de Nassau, comme ennemy du genre humain, donnant à chacun tous ses biens, meubles et immeubles, ou quilz soyent situez et assiz, qui les pourra prendre et occuper, ou conquérir : exceptez les biens qui sont présentement soubz nostre main et possession. Et affin mesmes que la chose puisse estre effectuée tant plus promptement, et pourtant plus tost deliurer nostredict peuple de cesle' tyrannie et oppression, vueillant appremîer la vertu et chastier le crime, promettons en parolle de Roy, et comme ministre de Dieu, que s'il se trouue quelcun soit de noz subiectz ou estrangers, si généreux de cœur, et désireux de nostre seruice et bien publicq, qui sache moyen d'exécuter nostredicte ordonnance, et de se faire quicte de ceste dicte peste, le nous deliurant vif ou mort, ou bien luy ostant la vie : nous luy ferons donner et furnir pour luy te ses hoirs en fondz de terres ou deniers comptans à son chois, incontinent après la chose effectuée, la somme de vingtcincq mil escuz d'or : et s'il a commis quelque delictou fourfaict, (quelque grief qu'il soit) nous luy promettons pardonner, et des-maintenant luy pardonnons, mesmes s'il ne fut noble, l'anoblissons pour sa valeur :
et si le principal facteur prend pour assistence en son entreprinse, ou exécution de son faict, aultres personnes, leurs ferons bien et mercede, et donnerons à chacun d'iceux selon leur degré et seruice qu'ilz nous auront rendu en ce poinct,leur pardonnant aussi ce quepourroyent auoir niesfaict, et les anoblissant semblablement. Et pour autant que les receplateurs, fauteurs et adherens de telz tyrans sont ceulx qui sont cause de les faire continuer, nourrir, et entretenir en leur malice, sans lesquelz ne peuuent les ineschans dominer longuement : Nous déclarons tous ceux qui dedans un mois après la publication de la présente ne se retireront de tenir de son costé, ains continueront luy faire faueur et assistence, ou aultrement le hanteront, fréquenteront, suyvront, assisteront, conseilleront, ou fauoriseront directement ou indirectement, ou bailleront argent d'icy enauant, semblablement pour rebelles de nous et ennemys du repos publicq, et comme telz les priuons de tous biens, noblesse, honneurs et grâces présentes et aduenir, donnans leurs biens et personnes, où qu'ilz se puissent irouuer, soit en noz Royaumes et pays, ou hors d'iceux, à ceux qui les occuperont, soyent marchandises, argent, debtes et actions,ter^es,S*^'*^ et aultres, si auant qu'iceulx biens ne soyent encoires saisiz en nostre main (comme dit est : ) El pour paruenir à l'arrest de leurdicte personne ou biens, souffira pour preuue, de monstrer qu'on les auroit veu après le terme mis en ceste,communiquer, parler, traitter, hanter, fréquenter en publicq ou secret auec ledict d'Oranges, ou luy auoir donné particulière fa-
ueur, assistence ou ayde directement ou indirectement. Pardonnant toutesfois à tous, tout ce que iusques audict temps auroyentfaitau contraire,se venans reduyre et remettre soubz la deue etlegittimeobeissance^qu'ilz nous doibuent,en acceptantledict traicté d'Arras arresté à Mons, ou les articles des Députez de TEmpereur à Coulongne.Si donnons en mandement à noztreschers etfeaulxles Chefs, Presidens, et gens de noz Priué et Grand Gonsaulx, Chancelier et gens de nostre conseil en Brabant, Gouverneur, Président et gens de nostre conseil à Luxembourg, Gouuerneur, Chancelier et gens de nostre conseil en Gheldres, Gouuerneur de Lembourg, Faulquemont, Daelhem et d'autres noz pays d'oultremeuze, Gouuerneur, Presidens et gens de noz consaulz en Flandres et Arlhois, Grantbailly de Haynau, et gens de nostre conseil à Mons, Gouuerneur Président et gens de nostre conseil en Hollande, Gouuerneur, Président et gens de nostre conseil à Namur, Gouuerneur, Président et gens de nostre conseil en Frize, Gouuerneur, Chancelier et gens de nostre conseil en Oueryssel, Lieutenant de Groningen, Gouuerneur, Président et gens de nostre conseil à Vtrecht,Gouuerneur de Lille Douayet Orchies Preuost, le Conte à Vallenchiennes, Bailly de Tournay et du Tournesiz, Rentmaistres de Bevvest et Beoisterschelt en Zelande, Escoutette de Maliues, et tous aultres noz iusticiers et officiers et ceulx de noz vassaulx qui ce regardera, leurs Lieutenans et chacun d'eulx endroit soy et si comme à luy appartiendra, que cesle nostre présente
déclaration, edict et ordonnance ilz facent publier cha-
cun en son endroit es lieux et limites de leur iurisdiction, où on est accoustumé faire cryz et publications» affin que nul n'en puissepretendre cause d'ignorance : et au surplus gardent^ obseruent et entretiennent, et facent garder, obseruer et entretenir inuiolablement tous les pointz et articles y contenuz selon leur forme et teneur, procédant et faisant procéder respectiùement à la recompense, appremiation, paine et punition dessus mentionnées sans aucune faueur, port ou dissimulation. De ce faire et que en dépend leur donnons et à chacun d'eux plain pouuoir, auctorité et mandement especial, mandons et commandons à tous, que à eulx le faisant ilz obéissent et entendent diligemment. Et neantmoins comme presen* tement lesdictes publications ne se pourront faire es villes, pays et chastelenies occupées par la rébellion dudit d'Oranges. Nous voulons que les publications que se feront aux plus prochaines villes estans en nostre obeyssance soyent de toute telle valeur et effect, comme si faites estoient par tout es lieux eUplaces accoustumées, et pour telles les auons auctorisées et auctorisons par cesdites présentes, mesmes voulons et commandons que incontinent elles soyent imprimées par imprimeurs iurez de noz vniuersitez de Louuain ou Douay, en deux diuerses langues, aifin qu'il vienne plus facillement à la cognoissance de tous : et telle est nostre grâce, décret et bon plaisir. En tesmoing de ce nous auons fait mettre nostre grand seeï à ces présentes que furent faites en nostre ville de Maestricht le xv"»*'- jour du mois de Mars, l'An de grâce mil cinq cens qualrevingtz, de noz règnes,
asscauoir des Espaignes, Sicille etc. le xxv"^- Et de Naples le xxvij"*-
Par ordonnance expresse de sa Maiesté^
^ VEaREYGKEN.
Et sont lesdictes lettres seellées du grand seel de sa Maiesté en cyre vermeille et double queue pendant.
