CHAPITRE XXXII

Comment ces mesmes prescheurs abusoyent des

PASSAGES DE l'EsCRITURE, OU PAR IGNORANCE, OU PAR MALICE.

Ais ils ne se sont pas contentez d'ajouster ainsi aux histoires de la bible, comme ceux qui racontent quelque chose ont accoustumé d'enrichir le conte pour le faire trouver meilleur : ains se sont donnez la licence d'en abuser en toutes sortes, voire jusques à produire les passages d'icelle pour la confirmation de leurs fausses doctrines. Car nous voyons qu'il n'y a si lourd et si sot article en toute leur doctrine, voire si plein d'impiété, qu'ils n'ayent voulu soustenir par des passages de l'Escriture. Et des exemples de ceci sont remplis les livres de tous ceux qui les ont vifvement rembarrez. Car en iceux on voit clairement comment ils estoyent si impudens que quelquesfois ils alléguoyent pour leur défense des passages mesmement qui les combatoyent, mais c'estoit en renversant l'exposition d'iceux : pourcequ'ils sçavoyent bien qu'ils avoyent à faire à gens, les uns qui n'y pouvoyent, les autres qui n'y vouloyent rien entendre. Et voilà pourquoy il ne se faut esmerveiller s'ils crai-