CHAPITRE XXXIII

En quelles autres sortes ils ont abusé du mm. x>s la

SAINCTE EsCRITURE.

I ous avons entendu par le chapitre précédent comment ceux qui faisoyent profession de la religion Romaine souloyent prendre les passages de la saincte escriture à tors et à travers, et n'y avoit ni ryme ni raison en leurs allégations : et qu'aucuns commettoyent cest abus par ignorance, aucuns par malice : maintenant nous entendrons comment on a abusé du nom d'icelles encores en autres manières. Et premièrement il faut noter que où ils voyoyent leur estre impossible de couvrir leurs menteries de quelque allégation (d'autant qu'ils ne trouvoyent texte qui pust estre tellement forcé qu'il semblast avoir quelque apparence), ils ne laissoyent de mentir hardiment et sans rougir, non plus que si ils eussent eu leurs manches pleines d'allégations. Et comment s'y gouvernoyent-ils?De tels mensonges ils en faisoyent comme des principes qui n'avoyent besoin d'estre prouvez par aucun passage de la bible (combienqu'ell'estoit pleine de tesmoignages, ainsi qu'ils donnoyent à entendre), pourcequ'ils les voyoyent estre hors de doute et de dispute à l'endroit du povre monde par eux ensorcelé. Et qu'ainsi soit,