I. Supplication de Henry Estienne, produite

le xxix® april iSôy.

Magnifiques et très honorez seigneurs,

Expose humblement Henri Estiene, bourgeois de ceste cité, qu'ayant esté apporté de Lyon un exemplaire de l'impression qui y a esté faicte de son livre De la conformité à son grand dommage, après qu'il auroit veu iceluy estre gasté et corrompu en plusieurs sortes et mesmcment qu'il y auroit un Indice ou Table sur iceluy contenant plusieurs choses fausses et aucunes prises tout au rebours, il auroit pris grand pêne à la corriger, comme vous pourrez voir par aucuns fueilles qu'il vous exhibe restans dudict exemplaire. Et d'autant qu'il sçavoit que toutes telles fautes, dont mesmes aucunes estoyent fort dangereuses, luy seroyent mises à sus, comme si luy-mesme avoit faict réimprimer sondit livre en France sous un nom d'Henri supposé (i), il luy a semblé que le plus seur seroit de s'en purger envers ceux qui les pourroyent voir et par mesme moyen de s'excuser aux lecteurs du passé, à sçavoir des fueilles de sondit livre esqueiles il se seroit donné trop de licence et leur déclarer comment depuis il les auroit rimprimées par l'avis de ceux ausquels il

(1) Allusion à Tédition d'Anvers, 1567, chez HenHch Wandellin.