DU ROYAUME DE FRANCE
donnée de Dieu que celle d'un bon Roy, et que, suivant cela, Platon, à l'exemple d'Homère , a raison d'appeller les Roys pasteurs des peuples , comme aussi , non sans cause , Xénopbon compare le bon Roy au bon berger. Quant à ceux de France, j'espère qu'un chacun qui lira ce petit traité pourra cognoistre plus amplement de leur autorité et bon gouvernement , en voyant quelles gens ils tiennent près d'eux, tant pour magnificence que pour conseil, et quelles autres ils établissent par les villes et pays de leur obéyssance pour faire sous eux droit à chacun.
Le Dauphin.
Après avoir en peu de paroles parlé de la majesté royale , j'ay avisé qu'il estoit bon incontinent après de traiter du Dauphin ( duquel nom est toujours appelé le prochain héritier et successeur de la couronne) , et, devant qu'entrer plus avant en matière , de dire, comme j'ay leu en quelques vieux registres, que les anciens escrivoient Dalphin; ainsi comme mesme il est escrit en l'épitaphe de celuy duquel ce mot nous est venu en France avec sa seigneurie et succession, en telle sorte : « Humbart Ennen , Dalphin de Vienne , » lequel est enterré en l'église des Jacobins à Paris. Mais pour venir mieux à notre propos, cet Humbert Dauphin (car ainsi l'appelle Pol Emile ) print tel courroux de son unique fils , qu'il délibéra de se faire moine , et davantage, voyant qu'il ne pouvoit résister au duc de Savoye qui luy faisoit la guerre, donna à Philippe de Valois, Roy de France, tout son pays, sous telle condition que quiconque succéderoit à. la couronne seroit appelé
38'2 DI6NITBZ ET OFFICES
Dauphin. Autres disent que , l'an rail trois cent quarante-neuf ,leditRoy de France Philippe de Valois acquit de ses propres deniers , et moyennant certaine composition » le pays du Dauphiné d'un messire Imbert Dauphin > et luy en paya le prix de quarante mil escus pour une fois, et dix mil florins pour chacun an, sia vie duraat, et autres pactions faictes entr'eux ; lequel Imbert le vendit sous telle condition que les Roys de France ne le pourroient aliéner , et que l'aisné fils de France , incontinent après sa nativité , auroit et prendroit le Hotn et titre de Dauphin. Et ainsi se dessaisit-il du sien^ tant par despit de ceux qui luy dévoient succéder, qui avoienl fait plusieurs choses contre sa volonté, qu'aussi pour ce qu'il vouloit user paisiblement et solitairement le demeurant de ses jours en religion. Et de faict, après ladite vendition se rendit de l'ordre de Saine t -Dominique au couvent de Lyon. Et ladite acquisition ainsi faicte» ledit Roy Philippe, à la requeste de monseigneur Jehan, son fils, duc de Normandie, donna iceluy pays de Dauphiné à Charles , aisné fils dudit Jean , lequel Charles alla jusques à Vienne audit pays du Dauphiné, et là re~ ceut les hommages des vassaux d'iceluy pays » et en prit possession et saisine. Auparavant on appeloit par leurs noms, comme Louis, Charles, Jean, ceux qui se succédoient à la couronne, et n'estoient les anciens siconvoiteux d'estre appelez seigneurs comme est de présent la noblesse de France.
En Angleterre , celui qui succédoit à la couronne estoit appelé duc de Normandie pendant que les Anglois jouissoient d'icelle , ainsi que depuis , estant reprise sur eux par les François, il a esté intitulé duc ou prince de Gaules; et du temps des Empereurs romains, celui qui devoit estre héritier de l'Empire estoit appelé César et
