ENTRÉE DU PRINCE EN VILLE ET DÉFILÉ

« A grand peine eust-il achevé de parler que chascun » commençant à se ranger, ceux de la Justice et de la Ville

» descendirent du théâtre, et, montés sur leurs clievaulx, » tinrent le mesme ordre au retour qu'ils avoient faict » au venir, les ungs estant d'ung costé, les aultres de » l'aultre.

» Mon dict seigneur suivant, devancé de ses gardes de » Souysse et soldats arquebouziers françoys, accompagné » d'ung bon nombre, tant de gens de conseil que seigneurs » et gentilhommes, practiquant les armes.

» Sitost qu'il fust entré dans la Ville, après avoir esté » salué d'une infinité de coups de canons et artilleries qui » avoient esté braquées sur les remparts pour cest esffet, il » rencontra les quatre Eschevins d'icelle qui tenoient ung » riche dais, desoubs lequel il fust conduict jusques à la » grand église.

« Au-dessus d'une arcade triomphale estoict une bande » d'auboys qui, l'ayant descouvert, ne cessèrent de sonner » tous himnes d'allégresse.