L.ETTRE MCXXVIII

Le Comte Guillaume- Frédéric de Nassau- Dietz h M. de Zuylichem. On doit se garder d'irriter la France.

28/i6 mars 1662.

Monsieur. . . La vostre de Paris sans date m'a esté bien deslivrée hier, par laquelle vous me mandez que l'on se soubvient de mon affaire auprès de S. M. J'espère que je seray si heureux d'optenir bonne response, bon succès et effect. Je vous prie, Monsieur, de y contribuer, tant que pouvez , tant pour la justice de la cause et l'esquité ; car il fault que je paye ceulx desquels l'argent a esté l'or aultrefois; il est donc juste que S. M. paye ce qu'a esté employé pour le service de son grand-père, ce que a eu si bon succès, et le Rauyomme 2 si glorieux, comme vous le voyez présentement; ce qu'est ausy si peu pour S. M. et peult faire du bien et donner du secours à un particulier en ses affaires. J'espère que nos ambassadeurs réussiront si bien en leur traicté que vous faictes en celuy d'Orange; car S. A. aura la restitution; si S. A. avoit quelques remparts pour les fortifications, cela ne seroit pas hors de raison, ayant si excessivement cousté; je craings pourtant que S. M. n'y entandra point, et croira d'avoir beaucoup faict , le restituant. J'espère que, pour le mot pesche, l'on ne quitera point le traicté. S. M. est si con-

1 d'Orange. 2 royaume.

— 223 — [1662. Avril.

sidérable et redoutable, chez soy et avecques la Suède et les Electeurs et princes d'Allemagne, qu'el nous pouroit bientost joindre et nous donner des grands touches , et nous faire santir sa puissance , et l'Angleterre estant en bonne intelligence avecques la France, pourroyent faire aultant de mal à cest Estât comme cy-debvant ils ont faict du bien et aydé à leur grandeur, et le pouront nuire asteur, et sommes presque sans amys, et l'Espagne est foible et peult donner grande ayde ny secours. S. M. aura esté bien aise d'avoir une si belle lunette, qui est si rare et unique en son espèce ; cela vous donnera quelque entrée et advantage auprès de S. M. et les grands, oultre vos bonnes qualités, vertus et mérites, tellement que je ne doubte ou vous tirerez toulte sorte de satisfaction et contentement du dict voyage et S. A. grand advantage. J'espère que vous vous soubviendrez encores de mon affaire devant vostre despart et que, par vostre crédyt, cognoissance et intercession , je pouray optenir un bon succès en mes justes prétantions. Espérant cela de vostre bonté et justice de S. M., je vous rescommanderay en la guarde du tout-Puissant, que puissiez heureusement retourner, que je m'en puisse resjouir et vous asseurer de bouche que je suys, Monsieur,

vostre très-humble et obéissant serviteur,