août i

Cejourd’huy, après que Pierre Sanshiche, voyer du For l’Evesque, Françoys Duval, clerc au grelfe des Requestes du Palais, Hugues Le Fevre, en leurs noms, à cause de leurs femmes et comme tuteurs et curateurs de Jehan, Françoise et Collette Frenicle, enfans mineurs d’ans de feue Marguerite Boullard, en son vivant femme de Pierre Frenicle, tous heritiers en partie de feue Collette Raince, leur aveulie, et Nicolas Crespin, l’un des maistres et gouverneurs des chappelle, hospital etconfrarie du Saint- Esperit en Grève à Paris, et maistre Pierre Le Soyeur, ministre dudit Saint-Esperit, pour ce mandez en la Court de céans, ont esté oys sur le péril eminent et saillies reparées estans en une maison située rue des Lavandières, faisant le coing d’icelle rue et de la rue de Malleparolle, appartenant aux heritiers de ladicte feue Collette Raince, et en une autre maison, située rue des Deux- Boulles, appartenant ausdiz maistres et gou-

verneurs du Saint-Esperit et à Jehan Dumarchant, demeurant rue Saint-Denis, par indivis;

La Court a enjoinct et enjoinct aux propriétaires desdictes maisons de faire oster promptement le péril eminent estant en icelles et dedans ung moys faire ahatre les saillies aussi y estans à leurs despens , chacun pour sa part contingente, alias, à faulte de ce faire, enjoinct audit voyer les faire oster et ahatre à leurs despens. — (Arch. nat., X“ 1530, fol. 359.)