Rupture cVun contrat d'apprentissage

Jeudi, i3 février iA55.

Oye la requeste à nous faicte par Guillaume Rossignol, clerc, aagié de xviii ans, ou environ, comme il disoit, à l’encontre de Thomas d’Aimoy, escripvain, demourant sur le pont Nostre Dame, ad ce que icellui Guillaume, qui, dès demi an a, s’estolt mis et baillé en apprentus avecques etsoubz led. Thomas pour aprendre l’art et science d’escripre de lettre de forme jusques à nu ans, feust par nous deslié et descbargié dud. apprantissage, attendu que led. Thomas ne vouloit plus qu’il le servist et que par deux fois il l’avoit bouté et mis hors d’avecques luy, sans ce ipi’il lui eust aucune chose mesfait, considéré que led. Thomas après ce qu’il a decleré qu’il ne vouloit plus que led. Guillaume le servist, disant qu’il l’avoit destruict, sans aucune cause ne raison rendre, nous icellui Guillaume Rossignol avons deslié et descbargié dud. aprantissage, et si avons condempné et condampnons icellui Thomas d’Aunoy à rendre et paier aud. Guillaume Rossignol la somme de deux escus d’or qu’il a confessé lui avoir esté prestez par led. Rossignol durant le temps (pi’il a demoiiré avecques lui. — (Arcli. nat., Y .5232, fol. 3/i6.)