S'est envolé

6l POÈTES FRANÇAIS

Allé s'en est, et je demeure Pauvre de sens et de savoir, Triste, failly, plus noir que meure (i). Je n'ay ne cens, rente, n'avoir :

Des miens le moindre (je dy voir) De me desavouer s'avance :

Oublians naturel devoir, Par faute d'un peu de chevance (2) ...

Hé Dieu ! se j'eusse estudié, Ou temps de ma jeunesse folle, Et à bonnes meurs dédié, J'eusse maison et couche molle!

Mais quoy! je fuyoye (3) l'escole, Comme fait le mauvays enfant.

En escrivant ceste parole, A peu (4) que le cueur ne me fend...

Où sont les gratieux gallans, Que je suivoye au temps jadis, Si bien chantans, si bien parlans, Si plaisans en faicts et en dicts?

Les aucuns sont morts et roydis ; D'eulx n'est-il plus rien maintenant?

Repos ayënt en paradis, Et Dieu sauve le remenant (5) !