Excepté ; du latin foris

7. Pour dire burlesquement, un homme qui cherche la corde. C'est ce que le Catholicon dit de cet officier qu'il représente aux Etats de la Ligue se grattant souvent la gorge qui lui démangeait, parce qu'effectivement il fut pris et pendu.

Ledict vallet, monté comme un sainct George : Et vous laissa Monsieur dormyr son saoul : Qui au resveil n'eust sceu finer (i) d'un soûl. Ce Monsieur là (Sire) c'estoit moi mesme : Qui, sans mentyr fuz au matin bien blesme. Quand je me vey sans honneste vesture, Et fort fasché de perdre ma monture ; Mais de l'argent que vous m'aviez donné, Je ne fuz point de le perdre estonné, Car vostre argent, très débonnaire Prince, Sans point de faulte est subject à la pince.

Bien tost après ceste fortune là, Une aultre pire encores se mesla De m'assaillir, et chascun jour m'assault, Me menaçant de me donner le sault, Et de ce sault m'envoyer à l'envers, Rythmer sous terre, et y faire des vers.

C'est une lourde et longue maladie De troys bons moys, qui m'a toute estourdye La povre teste, et ne veult terminer, Ains me contrainct d'apprendre à cheminer, Tant affoibly m'a d'estrange manière :

Et si m'a faict la cuysse heronniere (2)...

Que diray plus? au misérable corps (Dont je vous parle) il n'est demouré fors Le povre esprit, qui lamente et souspire, Et en pleurant tasche à vous faire rire.

Et pour autant (Sire) que suis à vous (3), De trois jours l'ung viennent taster mon poulx Messieurs Braillon, le Coq, Akaquia (4),