D'UN VIEUX ROI

i] s'estend si durement que les veines du cueur luy rompent, et le cueur luy est party dedans le ventre, et il gist pasmé à terre les mains estendues en croix , les yeulx encontre le ciel et le chef tourné vers orient. Son cheval fut effrayé du cheoir qu'il fist quand il se pasma , si tourna en fuyte tout contreval le tertre aux aultres chevaulx.

Et quant la Reyne le voit elle crye au varlet qu'il le pregne. Si met jus l'enfant à terre, puis queurt prendre le cheval et vient au hault du tertre et trouve le*Roy gissant ainsi comme vous avez ouy , et quand il le voit mort, il jette un si hault cry , que la Royne l'ouit moult clair ; si en est tant esbahie qu'elle laisse son enfant à terre entre les pieds des chevaux, et queurt tout à pied contremont le tertre et trouve le varlet gisant sur le Roy faisant tel deuil que plus ne peult; et quand elle voit son seigneur mort si se pasme sur le corps , et après que elle fut revenue de pasmoison, elle pi ai gn oit ses douleurs dont elle avoit assez largement; si déchire ses cheveux qui moult estoient longs et beaulx , elle desrompt ses draps et jette en voie et esgratigne son tendre visage qui tant estoit