SAINCT MELAINE

Sainct Melaine fust de la paroisse de Vanes , de noble lignage de ville, noble par forme et chaste par corps , par le conseil duquel le roy Clovis nourrissoit les povres et honorait les Sainctz. Cestuy eut aucuneffois le dyable à rencontre en semblance de une cerve. Et luy demanda le Sainct où il yroit, et il respondit : à tes frères donner les leur requeste. Et tantost le Sainct s'en alla en son oratoire, et le dyable entra en ung des anciens qui beuvoit eaue, et sicomme il le tormentoit , le Sainct luy donna une jouée et bouta hors le dyable. Il estoit de si grant vertu que les dyables ne s'osoient monstrer devant luy.

Ils s'assemblèrent ung jour à Ângiers , sainct Melaine, sainct Victor, sainct Marc et sainct Latone. Et sicomme sainct Melaine leur eut don-