SAINCTE FOY

ardante , et puis en une grande chauldière plaine de poix , de cire et de bitime tout bouillant la fist mettre , mais mourir ne povoit. Puis fist dépouiller madame Saincte Espérance , la fist battre cruellement de nerfs de bœuf, et voyant qu'elle ne voulait renoncer à la foy , il la fit gecter en une fournoyse toute ardante , et se estaignit le feu tout incontinent que elle y rat. Puis appela à luy Saincte Charité, et après qu'il eut ouy ses saintes monicions, il fit pendre la pucelle par les bras , et par nouveaulx tourments luy fist desrompre la chair de ses costez, la fist par aprez gecter dedans ung grand feu , lequel se estaignit. Et quant Adrian vit que par martyres quelconques elles ne voulurent adorer sa Dyane, il fist trencher les testes à ces trois sainctes vierges. Leur piteuse mère Saincte Sophie recueillit les corps de ces trois sainctes filles , et moult honorablement les embasma et mena dedans ung chariot à xviij mil de Romme, et là les fit mestre en terre. Puis après la bonne mère pleura tellement sur le sépulchre de ses trois filles y que elle rendit à Dieu son ame , et les sainctes et dévotes femmes qui là estaient,