qaan cô

Ib BRUN DE LA MONTAIGNE

440 II vit .j. chevalier, si est vers lui vertis,

Errant li demanda : « Gentilz bons seignoris, (( Enseigniés moy Butor au semblant et au vis. » Li cbevaliers respont : « C'est cilz barbés floris ; « C'est li plus anciens de quanque tu vois ci. »

445 Li messages y va, point ne fu esbahis.

Quant il vint devant lui si est a genous mis, Et si le salua com variés bien apris, Et dit : « Li roys des ciex qui maint en paradis (( Il saut et gart Butor a tous ses bons amis.

45o — Diex te gart ! » dit Butor, « qui t'a ici tramis?

— Sire, » dit li variés, « je vieng du haut païs , (/° 12) (( A cent chevaliers sui qui sont en ces larris, « Qui viennent a vo mant comme gent de haut pris. 0 Et quant Butor Poy, si en fu esjoïs,

455 Si donna au varlet mile mars d'or masis.

Quant Butor ot oy le mesage au cors gent, Il comanda oster les tables vistement; Dont fu l'iave aportée aus tables noblement En .iiij. bacins d'or moult grascïeussement.

460 Quant chascun ot lavé assez cortoissement, On demanda le vin et on but largement. Et puis si dist Butor : « Faites delivrement « Tost crier as chevax, sans nul arestement, « Car je vueil chevauchier au devant de ma gent. »

465 Dont fist on commander a tous comunaument Que cheval fussent prest por monter noblement. Escuier et variés saillirent aprement Quant il orent oy tout le commandement Que Butor a voit fait selonc son essient.

470 Quant cheval furent prest on les trait hors briesment, Mais li chevaus Butor fu le plus richement,

444. enciens... tu en v.— 459. En, ms. Et. — 462. delivreement.

BRUN DE LA MONTaJGNE I7

Car il avoit sur lui une selle d'argent, Qui toute estoit ouvrée a pelles d'Orient; Et Butor i monta assez legierement, 475 Mais il i montast miex s'il fust en son jouvent.

Quant Butor fa montez, tuit li autre montèrent; Par dehors le chastel tout errant en alérent; Mais bien povés savoir que moult pou chevauchiérent , Quant tous les chevaliers de Butor encontrérent [(v°)

480 Par desous les larris ou il se déportèrent. Quant il virent Butor, .j. petit s'eslessiérent, Et parmi ces larris leur chevaus esprouvérent ; De courre et de racourre onques il ne finérent. Quant vindrent a Butor grant joie démenèrent.

485 Dont mistrent pié a terre et puis si l'enclinérent. Li grant et li petit grant honnour li portèrent ; Gome leur droit seigneur hautement l'onnorèrent, Et moult courtoissement a Butor demandèrent Pourquoy il les manda, onques plus n'arestérent.

490 Ainsi jusqu'au chastel alérent tout parlant, Et Butor leur a dit, un chevalier vaillant : « Je vous requier, por Dieu, vo conseil maintenant. (( De ma jonne moillier ai .j. moult bel enfant, « Et si n'a pas troys jors qu'elle en ot travail tant

495 « C'onc dame n'en ot plus en tretout son vivant. « Or le veu ge envoier ou bois de Bersillant; « Une fontaine y a, belle et clere et luissant ; « Et sachiez por certain qu'il i a repair grant c( De fées seulement qui y vont esbatant.

5 00 « Or i pourroit cheoir aventure plaissant,