en, ms. est

5go «-Proesce et hardement, de ce soiez certaine; « Ceste demande n'est, je croy, pas trop vilaine, « Car j'ameroie miex estre noies en Saine, « Ou estre ars ou pendus par la loy souveraine ; « Que mes anfes fust mors en sus de mon demaine. »

595 La dame respondi : « Vostre voulenté vaine

« Fait qu'il n'a en mon cors nerf, os, ne char, ne vaine « Qui ne se mue en moy , tant ai dolour grevaine; « Et si que je ne sai comment je me demaine, « Car mon enfant avrai perdu ceste semaine.

600 — Dame, » ce dit Butor, « ne vos courouciez mie, « Je vous em pri, pour Dieu, com ma loialle amie, « Si com amés de moy adès la seignorie, <( Que vostre voulenté soit a ce apliquie « Que l'anfant me donnés tant que de vo partie,

60 5 « Et je veu et promet a la vierge Marie

« Que c'ert li plus biaus dons c'onques en vostre vie « Donnastes a mon cors dont vous estes chierie, « Car amoureussement le vous requier et prie. « Dame, ceste proiére or ne refusés mie,

610 « Car elle vous sera, se je puis, bien merie, « Et requeste d'ami ne doit estre oubli[iJe; « Quant vous estes de moy honnorée et servie, « Refusser ne devez ceste première fie. (f° 15)

— Sire, » rcspont la dame,* « or entendes a mi : 61 5 « Mon enfant vous otroi , puisqu'il vous plait ainsi, « Mes je vous pri, pour Dieu, que vous pensés de li, « Car on l'avroit errant estranglé ou murtri ; « Et nous n'en avons plus, si que por ce le di