aporter
Et li dit doucement : « Ma dame débonnaire, « Pour Dieu ne vous ennoit, j'ai .j. petit afairc; « Assez tost revenrai devers vous sans mesfaire. » Bruiant s'en départi sans plus de sermon faire,
800 Si revint tout errant ou lieu et ou repaire
A ses troys compaignons qui gardent sans forfairc Le petit enfançon par amoureus afairc.
Et quant Bruiant i vint, si le vot a li traire, Et on li délivra sans noissier et sans braire.
8o5 Moult doucement le prist et sans mal faire traire, Mais tous jours ot paour, por ce qu'oy retraire La dame en la forest le grief de son contraire.
Li chevalier s'en vont par la forest ramue Par une sentelete ou poignoit l'erbe drue, 10 Mais quant Bruiant souvient delà dame, tresue, Pour l'amour de l'enfant souvent [la] couleur mue. Souvent se retournoit com oisiaus pris en mue. Or ont tant cheminé et leur voie tenue, Que dedensBersillant qui est grande et fueillue(/"°/r/j 8 1 5 La rivière ont oye de bien courre esmeùe. Or ont tant aie sus la gravele menue, Que la fontaine fu d'aus .iiij. perceûe; Or estoit près que temps que l'eure fust venue Qui avoit esté d'aus longuement atendue.
820 Li chevalier s'en vont tout selonc le gravier Qui enportent l'enfant a Butor le guerrier; Ainz qu'il soit jours feront son cuer esleescier.
8o5. s. nul m. — 810. d. si t.
Tant selonc la rivière ont pris a chevauchier, Et si n'i ont trouvé qui leur face encombrier .
82 5 Si ont de loing choisi .j. moult bel chastenier, La ont veu [les fées] maintes foys repairier, Tout ce qui leur avoit en celle nuit mestier. A l'arbre sont venu li .iiij. chevalier, Chascuns est descendus errant de son destrier,
83o Mais Bruians atendi sur son cheval coursier, Tant que li autre troy fussent jus de l'estrier; Et puis pristrent l'enfant bêlement, sans blecier, Car il n'i ot celui qui ne l'eùst moult chier, Si que chascuns estoit tenus a li aidier,
835 Et de tout son povoir doucement aaissier. Adont se sont assis desous le chastenier, Et si pristrent l'enfant bien a rapareillier, Et li mirent son chief desous .j. orillier.
