CLXXXVII

Dist Brun de la Montaigne : « Amis, .vc. mercis ; « Par vo conseil sera par ci mes chemins pris, « Mais vous avrés de moi cent s. de parisis ;

3275 « Si vous en sovenra, frans messagiers gentis. » Bruns li sacha l'argent, li messagiers l'a pris, Et li dit : « Damoissiaus gracïeus et faitis, « Grant mercis de vo don, car il n'est pas petis. « Bien m'en savrai loer quant vendrai au païs

3280 « De faire mon mesage, et serai ravertis. »

Et Brun li respondi : « Or a Dieu, mes amis. » Li mesages s'en va, atant s'en est partis; Bruns a point le cheval des espérons masis Qui l'enporte plus tost que ne vole perdris,

3285 Et a tant chevauchiet par plains et par larris Que hors de la forest de Bersillant fu mis . S'a veû .j. chastel qui fu de marbre bis, Par dehors la forest sur une roche asis. Il a choisi les murs et le palais votis.

3290 Quant il vit le chastel, s'en fu molt esjouïs; Celle part est aies desus son cheval gris. Quant il vint assés près il s'est jus a pié mis, Et si s'est repossés a .ij. buissons floris. Desus .j . biau prael sur l'erbe s'est asis ;

3295 II osta son hïaume, desous son chief l'a mis,

Si se coucha desus et puis s'est endormis. (f° jo)

3285. larrins. — 3290. esjoïns.