CXCVII I

Quant li chevaliers fu a la terre cheûs, 3490 Bruns de la Montaigne est du cheval descendus, Et dit au chevalier qu'il se relevast sus, Pour ce que ses chevaus estoit mors abatus. Il estoit si iriés c'onques hom ne fu plus. Adont ont embrachiet anbedeus les escus, 3495 Et puis si ont sachiet les brans d'acier moulus ; Grans cops se sont féru sur les hyaumes agus ; Li chevaliers hydeus si fu tous esperdus Quant il senti que Bruns marteloit sur lui plus Que févres de martel quant bien est esmoulus; 35oo Et tant qu'il li trencha l'un de ses bras tout jus.

3479. Il l'e* ~~ ^494. enbedeus. — 35oo. tous.

Et quant li chevaliers se sent ainsi férus, Il li dit : « Escuiers, a vous me sui rendus. »

En Brun de la Montaigne ot escuier trop fort : Li hideus chevaliers y ot mauves resort, 35o5 Et le vint asaillir sans raison et a tort; Mais s'il n'eûst prié merci i) l'eûst mort, Et il perdi .j. bras et puis furent d'acort, Si c'onques puis n'i ot ne tençon ne descort.

Si que li chevaliers rendi a Brun s'espée,

35 10 Pour .j. bras qu'il perdi fu la guerre finée, Si c'om ot de lui pais par toute la contrée, Car devant n'i povoit avoir nus hons durée ; Et fu ses chevaus mort, dont il ot chiére irée. Si s'en râla a piet, tout parmi la valée, (f° 75)

35 1 5 A un petit chastel qui seoit en la prée. Et Bruns est remontés en la selle dorée. Li autres chevaliers cui donna la colée Li a dit : « Sire dous, veés la Tour ferrée. « Tous seulz vous en irés, ma voie est retornée

3520 « Puisque de vous .ij. est la bataille rlnée.

« Vous venrés assez tost a la grant Tour quarrée, « Et la trouvères vous mainte dame honnorée, « Mainte jonne pucelle et mainte mariée. « Ma dame i trouverrés, bien la plus belle née

3525 « Qui onques nul jour fu de nul homme engerrée. « Il n'est nus, s'il le voit, qui n'ait en li muée, « Par le plaissir d'amour, amoureusse pensée. — Sire, » respondi Bruns, « s'il vous plaist et agrée, « Que me dites pour Dieu comment elle est nommée?

ibij. cui, ms. qui.

353o Ce dit li chevaliers qui fu plains de savoir :

« Frans damoissiax gentilz, et je vous dirai voir : « Cilz chastiaus a a non le Muable manoir; « Elle en est droite dame, et si n'i a autre hoir ; « Elle est j'ente et jolie et s'a planté d'avoir. »

3535 Et quant Bruns l'entendi, li sans li va mouvoir, Si qu'a pou du cheval ne se lessa cheoir, Et pensoit a amer ce qui li fist doloir. La commança ses cuers en grant grieté manoir.

Ainsi fu longuement, aihsi com vous orrés,

3540 Bruns au plaissir d'amour, et si énamourés

Qu'il s'en est tous pensis droit a la tour aies. (v°) Li chevaliers de lui fu a Dieu commandés. Il a tant chevauchiet et par bois et par prés Qu'a la tour est venus, plus n'i est demourés.

3545 La estoit mainte joie et maint déduis menés. Il ala chevauchant entour les fremetés, Si ot des chevaliers a la tour [ajqueutés, Qui regardent aval par devers les fossés, Si ont Brun regardé qui chevauchoit armés.

355o II en y ot un d'eus qui est jus avalés : A la porte est venus, si demanda les clés, Et on li a bailliet voulentiers et de grés. A la porte est venus voulentiers et de grés (sic), Et quant Brun a choisi, celle part est aies,

3555 Et li dit : « Damoissiaus, bien soies vous trouvés. « Dites moi par amour de quel lieu estes nés ? » Et Brun li respondi : « Assés tost le savrés :

355,f. Bruns.

« Je sui .j. escuier, or sui desbaretés,

« Et si sui ou chastel de la Montaingne nés. »

3 5 60 Dont dit li chevaliers : « Bien soies vous trouvés : « Il vous est bien venu s'aventurer voulés; « Vous trouvères céans des bons maistres assés. » Et Bruns li respondi : « Diex en soit aourés « Quant il li plait que je fui a telle eure nés

3565 « Que je serai céans de maistre recouvrés. »