J'en ai signalé quelques autres dans le vocabulaire

Ci commance li roumans de Brun de la Montaigne qui fu fil\ Butor de la Montaigne et puis fu apele\ le petit Tristran le restoré (f° 3).

ui veult aprendre honneur et suivre courtoissie, Les dames doit loer et l'amoureusse vie, Car pour les dames est mainte honneur essaucie. Férus mains coups d'espée et de lance aguisie, 5 Mains chevaus abatus, mainte enseigne percie, Mains haubergons perciés, mainte targe vostie, Mains biax diz recordez en bonne compaignie, (v°) Mainte belle chançon parfaite et acomplie, Et mains bons chevaliers a la chiére hardie 10 A la fin qu'en fait d'armes puist aquerir amie. Or dirai a quel fin ma matière est traitie : Pour tousjours essaucier fleur de chevalerie. Dames et chevaliers , or soit de vous ouïe, Car par mos amoureus ert par moy adrecie 1 5 Avecques les bons fais dont elle est eslegie.

4. Et f. — aguisice. — 5. perciee. — g. Il est probable qu'ici un vers a été passé.

Vous aves bien ouï qu'en vielle ancesserie Que roy et duc et prince, ou honneur est florie, Quant ooient parler d'aucune faierie, Pour ce que destinée en leur hoirs fust norrie,

20 Faissoient leur enfans porter par leur meisnie En forés et en bois par leur mélancolie, Ou fust en haut désert ou dedens praarie, Desous arbre ramu ou fontaingne jolie, Afin que leur enfant amandassent leur vie

2 5 Par destinée qui fust a aus otroïe.

Seigneurs, ou moys d'avril que li bois sont fuelli,

Vïoletes partout espanissent ausi,

Et que point la verde herbe et li pré sont foilli ,

A celui temps avint, tout droit a .j. juedi, 3o Qu'il estoit .j. haus hom et d'estat seignori,

Sire de la Montaigne, ainsi nomer loi;

Moult estoit gentis hom, de sanc roial ausi.

Et cent foys plus vaillans d'assez que je ne di.

Or avoit moult de temps li chevaliers vesqui, 35 Si estoit ancïans, mais il ot avec li

Une jone mouillier de qui .j. filz yssi

Sages et avissés, et fu doctrines si

Que quanqu'es cuers d'amant oncques d'amour issi,

Li jouvensiaus ot tout en son cuer, puis ce dî.

40 La joune dame qui fu lame au chevalier, Porta le bacheler dont vous m'oiés noncier , Qui por amer ot puis maint divers enconbrier. La dame en délivra .j. jour a l'anuitier, Et quant délivre en fu n'i ot que esleescier.