AU MARESCHAL DE MONTMORENCY

Montmorency, depuis le parlement de vostre courier, vostre passeport ' a esté envoyé en la sorte que vous verrez, avec lettres de Ro- (juendolf, que je vous envoyé pour vostre passage, et semblement des lettres que mon cousin le vis-roy escript à Madame et à ma seur, pour les leur présenter de sa part, vous advisant que depuis que vous estes parly, il n’est autre chose survenue de nouveau, si n’est l’allée de l’empereur devers la royne sa seur, dont il doit aujourd’uy parlyr et s’en venyr icy demain coucher. Et après y avoir demeuré quelques jours ensemble, à ce que m’a dit mondit cousin le vis-roy, nous irons trouver ladicte royne, qu’il fait venyr en Aicala, et de là nous nous despartirons, luy pour s’en aller faire son mariage, et moy pour m’acheminer en mon voyage, que je pouray, par ce moyen, commancer dans bien peu de temps.

El pour ce que vous savés l’en>’ye que j’ay de savoyr des nouvelles de Madame, je vous prie ne faillir à incontinant que vousserés arivé là , depescher ce courier pour m’en faire savoir, et à m’escrire bien au long de toutes choses. Et à Dieu, Montmorency, qu'il vous ayt en sa garde.

Escript à Madril, ce xvii' jour de janvier.

FRANÇOYS

' Voyez ci dn.ssus, page 4ào. Le passe-port est daté du i8 décembre i5a5.

SECTION IV. — DÉLIVRANCE DU ROI