K MADAME

.Madame, tant et si très hunablement comme je puis à vostre bonne grâce me recommande.

Madame, arsoir, bien tard, vindrent nouvelles que les ennemys dévoient, ce matin, desloger de Vlllantero pour aller à Ârpian, et demain à Beliejoyeuse; et sur cela fut ordonné que ce matin, devant jour, l’on envoyroit une bonne troupe de gens de cheval, à la guerre, pour .savoir et entendre ce que feroient les dicts ennemys. Et afin de ne laisser passer une bonne occasion pour mectre fin à la guerre , le Roy conclud de se tenir prest pour aller combattre lesdicts ennemys, si le lieu et la marche du logeiz qu’ilz feroyent s’i ofifroit raisonnablement.

Madame, pour satisffaire à la delliberation contenue cy- dessus, messeigneurs l’admirai, mareschal de Chabannes, d’Aubigny et de Bryon sont, ce matin, partiz de ce lieu, dès le point du jour, pour aller sui’ le chemin de Beliejoyeuse , ont prins avecques eulx quelques gens de pied et raesmement harquebutiers , sont arrivez audit Bellejoyeuse; et incontinent après, y sont venuz lesdicts ennemyz pour y cuyder faire le logeiz de toute leur armée; mais ayans trouvé le

' Archives d’Anglelerre. Ce document a été brûlé en plusieurs endroits. (Copie de Bréquigny.)

logeiz pris, s’en sont retourné et ont fait leur logejs audit Arpian, deux mil par deçà ledit Bellejoyeuse. Et en actendant nouvelles de nosdicts seigneurs l’admirai et autres, le Roy est party ime heure après eulx, avec le demoiurant de ceste armée, sauf les lansquenetz, qui sont demourez en leur logeis, pour tousjours tenir ceste ville serrée, mais prestz à marcher sitost que le Roy les feroit appeller : lequel a esté , depuis le matin jusques à cinq heures de soir, en bataille, avec toutes ses forces et le baguaige de toute ceste dicte armée troussée et prest à marcher audit Bellejoyeuse, là où ledit seigneur avoit délibéré aller coucher, s’il eust esté besoing de debatre ce logeiz avec lesdicts emiemys. Et veoyans qu’ilz se sont arrestez audict Arpian , nous sommes revenuz en ce logeiz, duquel nous deslogerons, selon ce qui se pourra entendre de la deliberation desdicts ennemys; dont vous. Madame, serez continuellement advertye.

Madame, messeigneius de Saint-Pol et mareschal de Foix, pensans lesdicts seigneurs que deust avoir la bataille, ont habandonné Millan jpour venir icy. Monseigneur de la Tremoille n’en eust pas faict moins, s’il ne luy eust esté expressément dclTcndu, par deux depesches que le Roy lui feist hier faire; et pouvez penser, Madame, comme mondit seigneur de la Tremoille l’a prins en pacience : lequel en a, ce jourd’huy, envoyé deux cartelz de delBanse audit seigneur, luy alléguant et les droits et les privilleges de son office de premier cham . . . . , et aussi d’autres raisons qui servent peu à . . . .

intencion pour le besoing et service qu’il fait au lieu où il est,

qui est, comme je pen plus grent danger de recevoir l’esfort

des ennemys que ceste compagnie.

Madame , monseigneur de Vauldemont est à Miilan n’a peu

faire comme les dessusdicts , parce qu’il mallade et a la fievre

assez aspre, ainsi .... m’a dit le bon homme monsieur de La Loe ....

n’a pas vouUu que son maistre combatist sans et s’en est venu

comme les autres, et a hab. . . mondit seigneur de la Tremoille, avec lequel il. . . . tousjours estre. Monseigneur le cardinal est très bien guery , et partit hier dudit Miilan pour aller chan .... l’air à Casai.

Madame, je prye nostre Seigneur qu’il vous doint très bonne et longue vie.

Escript au camp davant Vavye , ce premier jour de février.

Vostre très humble et très obéissant subgect et serviteur,