Tome V

458 SUPPLEiVIENT.

cion et ordonnance de nostre conseil, fait, commis, constitué et establi et, par ces présentes, faisons, commettons, constituons et establissons ledit Jehan Rasoir recepveur général de toutes les finances que devons avoir et que nous doit chacun an payer, baillier et délivrer nostre très chier et très amé frère le duc Phelippe de Bourgoingne, sur ce qui ordinairement vendra à nostre porcion de nostredit pais et conté de Haynnau, tant en aydes, tailles, subsides, dons comme en autres manières; avec et aussi le commetons en généralité receveur de tout nostre douaire, c'est assavoir : sur nostre conté de Pontieu et sur noz villes, terres et seignouries de Mortaigne, Crèvecuer, AUoex, Rumilly, Saint-Soupplés et de toutes leurs appartenances et appendances, pour ledit office de général recepveur avoir, tenir et deuement exercer, aux gaiges de deux cens libvres tournois, mon noie de nostredit pays de Haynnau, par an, à deux termes, moittié au jour de Grant Pasques et Tautre à la Saint-Remy, dont le premier payement pour le premier terme eschéra audit jour de Grant Pasques prochain venant et le second audit jour Saint-Remy ensievant, et ensi, de là en avant, d'an en an, avec autres drois, proulTîs et cmolumens qui y pourront appartenir, tant et si longhement qu'il nous plaira. Auquel Jehan Rasoir, nostre conseillier et recepveur général des membres dessusdiz, donnons plain povoir, auctorité et mandement espécial de prendre, lever, recevoir, chasser et demander touttes sommes de deniers qui nous doivent estre baillies et délivrées par nostredit très chier frère de Bourgoingne ou par ses officiers et gens de finance, en quelque partie que ce pourra estre, et avec de recevoir à tous noz particulers receveurs et officiers de nostre douaire, tant en nostre conté de Pontieu comme en noz terres de Wortaigne et Crèvecuer et leurs appertenances. Lesquelles finances dessusdittes ainsi receues, ledit Jehan Rasoir, nostre receveur général, doit et devera léaument garder pour les paier et distribuer à nous et partout où ly chargerons par noz lettres soudisanment passées. Et généralment et espécialment devera faire toutes et singulères choses touchans Texercite d'icellui office, tout ce entièrement qui y appertendra et que léaul receveur doit et est tenu de faire. Sur lesquelles choses et sur ce que ledit Jehan Rasoir en devera rendre bon compte toutes foiz que par nous sera requis, il a fait en noz mains, présent nostre conseil, le sèrement en tel cas acoustumé. Pourquoy requérons aux trésoriers, receveurs et gens de finance de nostredit frère, et donnons en mandement à noz officiers

dessusdiz que ilz paient, baillent et délivrent à nostredit général receveur où à son commis tout ce entirement qui nous devera appartenir, tant en grosses sommes comme en petites. Prions aussi et requérons à noz très chiers, féaulx et bien amez les gens du conseil de nostredit très chier frère et les nostres, commis ou à commettre à l'audicion des comptes de nostredit recepveur, que les gaiges des deux cens libvres tournois à lui ordonnés comme dit est, vueillent chacun an aux termes assignez passer et alouer en ses comptes et rabattre de sa recepte. Car, par raportant, ou ' lieu de ces présentes, leur vidimus seulement fait soubz séel auctenlique ou coppie collationnée par l'un de noz secrétaires, nous le voulons; mandons aussi à tous noz recepveurs, olficiers et subgés, que à nostredit recepveur général obéissent et entendent diliganment en tout ce qu'il appartendra es choses touchant et regardant ledit office, et luy soyent aydant et confortant, se mestier est, car à ceste cause nous l'avons retenu et retenons à noslre saulvegarde. Et Voulons avoir ferme et agréable tout ce que par luy ou son commandement sera receu, levé et distribué, sans contredit ou refus. Par le tesmoing de cestes, séellées de nostre signet de secré, en absence de noslre séel. Donné en nostre ville du Quesnoy, le séisme jour de février, l'an de grâce mil quatre cens vint et huit.

Par madame la ducesse, présens de son conseil : messire Louis de Montfort, le seigneur de Haynin, chevaliers, Floris Quiesfoch, escuier, le prieur *, Jaquemart llauequart et aultres;

J. Grenier.

Vidimus, sur parchemiu, délivré par Alard, abbé de Saiut- Jean de Valeuciennes, le 8 avril 1429; sceau, en cire verte, pcndanl à double queue de parchemin. — Trésorerie des chartes des comtes de Haiuaul, aux Archives de l'État, à Mous.

' Ou, au.

' Le pncur de Harlem, Jelian iNecke.

MDCCCCLXVÏII.

26 février i429, n. st.

Lettres de Philippe, duc de Bourgogne, etc., confirmant l'acquisition faite par Jean de Croy, de Gérard Durot, secrétaire du duc et receveur des mortemains de Hainaut, de la « court des Moisnes, » en la terre et seigneurie d'Étrœungt.

Archives nationales, à Paris : K. 544.

MDCCCCLXIX.

Lettres par lesquelles Philippe^ duc de Bourgogne^ etc., mande au receveur et au lieutenant du bailli des bois de Hainaut de délivrer à Gérard Durot, son secrétaire et concierge de son hôtel, dix-huit gros chênes pour la dépense dudit hôtel.

(il mars 1429, n. st., à Mons.)

Phelippe, duc de Bourgoingne, conte de Flandres, d'Artois, de Bourgoingne et de INamur, palatin, seigneur de Salins et de Malines, bail, mambour, gouverneur et hoir du pays et conté de Haynnau, à nostre bien amé receveur de Haynnau, Jehan Rasoir, et au lieutenant du bailli des bois à Mons, salut. Nous, qui avons proposé et conclu d'estre,au plaisir de Nostre- Seigneur, à Mons en Haynnau, à la feste du tournoy qui se y doit faire au mi-may prouchain venant, vous mandons et par ces présentes, se mestier est, commettons que, tant pour la provision et garnison de nostre hostel illec, comme en récompensacion de pluseurs parties de laignes qui par diverses fois ont esté prinses, pour nous et la despense de nostre hostel, de nostre amé et féal secrétaire et receveur de noz terres oudit pays de Haynnau, maistre Gérard Durot, concierge et demourant en nostredit hostel, vous incontinent et sans délay faictes ou* bois de Mons en poursievant les

* Ou, au.

failles accoustumées enseignier du martel accoustumé jusques à dix-huit gros chesnes non convenables ne prouffitables à charpentage, et iceulx chesnes ainsi enseigniez faictes délivrer audit maistre Gérard pour en faire faire laigne à la despense de nostredit hostel à Mons ainsi que enchargié lui avons, sans en faire faulte aucune. Car ainsi nous plaist-il estre fait, nonobstant quelxconques ordonnances, mandemens ou deffenses à ce contraires. Donné audit lieu de Mons, le xj« jour de mars, l'an de grâce mil CCCC vint et huit.

Par monsK' le duc,

De L

Origiual, sur parchemin, taché et dont le sceau est tombé. — Trésorerie des Charles des comtes de Hainaut, aux Archives de l'État, à Mons.

MDCCCCLXX.

Lettres par lesquelles la duchesse Jacqueline de Bavière accorde à Jean Grenier, son secrétaire, la maison du Ploich à Braine-le-Comte.

(1" août U29, à La Haye.)

Jaque, par la grâce de Dieu, ducesse de Baivière, contesse de Haynau, Hollande, Zéelande et de Pontieu, dame de Frize, à tous ceulz qui ces présentes lettres verront, salut en Nostre-S^"^ et entire dilection. Comme noslre chier, féal et bien amé serviteur Jehan Grenier, nostre secrétaire, nous ait, dès longtemps, a et passé plus de trèze ans continuelment, servi léalment et grandement, et se soit emploiez en maintes manières diligemment en noz affaires, pour lesquelz a fais et soustenu pluseurs grans coustaiges, fraiz et despens, ainsi que bien estoit besoing, et dont ne l'avons encores contenté ne aultrement pourveu et récompensé, fors de nostre promesse, sur laquelle s'est adiez afïié et actendu jusquez ad présent; et il soit ainsi que, puis

4(>2 SUPPLEMEI^T.

naguières ledit Jehan Grenier, nostre secrétaire, ait de nécessité traveillié pluseiirs de ses amis pour lui acquiter et deschargier envers aucuns auxquelz estoit obligié à nostre cause. Si nous ait, après ces choses remonstrées, très humblement supplié de remède et requis d'avoir suz ses affaires nostre grâce et provision. Pourquoy sçavoir faisons que nous, considérans les grans peines, travaulz, périlz, dangiers et misérables fortunes et adventures que ledit Grenier a eues et souferles pluseurs fois, nostre service faisant; sentans aussi sa grande et pure nécessité, et ceste sa requeste estre fondée en raison, jà soit que, de présent, ne le poons si grandement pourvéir comme voluntiers ferions, comme sommes tenue audit Grenier, de bon vouloir à sadicte supplication inclinte en telle manière que, par le bonne et meure délibération de nostre conseil, en récompensation des choses dessus dittes et pour considération des bons et agréables services qu'il nous a fait comme dit est et pourra encores faire, au plaisir de Dieu, en temps advenir; avons au jour de huy donné, ottroyé et accordé, et par ces présentes, de nostre grâce espécial, donnons, ottroions et audit Grenier, pour luy et ses hoirs, accordons à tenir en féaulté et hortimaige de nous et de noz hoirs et successeurs, contes ou contesses de noslredit pays de Haynau, la maison, censé, estre, gardins, courtilz et entrepresure c'on dist de Ploich, estant et gisant en nostre chastellenie et paroice de Braine, avec toutes les terres ahanables, cens, rentes, revenues, prez et bois, c'est assavoir: les bois du Sauchoit, de le Pierre, Saint-Martin et de Scotlain, leur tailles, la garenne là entours, et tous aullres droiz, pourfis et émolumens à ladilte maison et censé du Ploich appertenans, ainsi qu'il s'estendenl et sont compris en toutes parties, tant en treffons propriété comme en aultre manière, sans riens excepter ne y retenir pour nous ne pour nosdis hoirs et successeurs, fors la souveraineté tant seulement, laquelle avons pour nous eteulz réservé et par ces meismes présentes réservons; et voulons et ordonnons que de ladicte maison et censé, et de louttes les terres, prcz, bois, tailles, garenne héritablementgoïr et possesser comme de leur bon et propre héritaige. En oultre, congnissons que d'icellui fief et de laditte ntaison et censé nostredit secrétaire en est devenu nostre homme, et l'en avons dès maintenant receu en nostre foyaullé et hommaige comtne de fief ample bien et soulfisamment ainsi et par la fourme et manière que les loy et couslume de nostredit pays de Haynau le demandent et requièrent : entendu que ledit Grenier et sesdis hoirs devera

et deveront deffraitier ladilte maison et payer toutes telles rentes treffon^ sières et débites qu'elle peut devoir à cuy que soit, sans ce que nous ou nosdis hoirs et successeurs en doyons et doivent estre chargiez. Si donnons en mandement aux bailly et grant receveur de nostredil pays de Haynau présens ou quiconques le soient, à leurs lieuxtenans et à tous noz aultres justiciers, oiïiciers et subgés, que d'icellui fief et de tout nostre présent don et ottroy facent, sueffrent et laissent ledit Jehan Grenier et sesdis hoirs aprez luy joyr et possesser à tousiours plainement et entirement, et luy entretiengnent et facent entretenir par tous nosdis subgés, ausquelz pareillement mandons, et à tous aultres prions et requérons que ainsi le facent, sans aucunement faire ou aler à l'encontre. Car ainsi nous plesl et le voulons, promettans léaulment, en bonne foy et en parole de princesse, pour nous et pour nozdiz hoirs et successeurs, comtes ou contesses d icelluy nostre pays, le devantdit don et fief conduire et garandir audit Grenier, nostre secrétaire, et à sesdis hoirs, et le tenir et faire tenir, et porter en icelluy paisible perpétuelment et à tousiours. En tesmoing de ce, nous avons fait mettre et appendre nostre grant séel à ces présentes. Données en nostre hostel à le Haye en Hollande, le premier jour d'aoust, l'an de grâce mil quatre cens vingt et neuf.

(Lesquelles lettres ainsi signées de la main d'icelle nostre suer ou ' ploy de dessoubz :)

Jaque de Baivière.

A ces présentes, passées du consent madame la mère, furent du conseil sire Franke de Borsel, s. Jehan de Vyane, chevaliers, frère Jehan JNecke, confesseur, et aultres;

G. Cambier.

Insérées dans les lettres de coiifirmalion du duc de Kourgogte, du :21 juiu 1451 '. • ' Ou, au.

• Voyez p. i6î>, n» MDCCCCLXXVIII.

MDCCCCLXXl.

Lettres par lesquelles la duchesse Jacqueline de Bavière annule la donation quelle avait faite à Jacques de Floyon, seigneur de Solre-le-Château, d'une maison et d'une pièce de terre situées près de l'hôtel de Naast, à Mons.

(16 octobre 1429, à La Haye.)

Jaque, par la grâce de Dieu, ducesse de Baivière, comtesse de Haynpau, Hollende, Zellende et de Ponlieu, dame de Frise, à noslre très chier, féal et bien amé escuyer, Jaque de Floyon, seigneur de SoIre-le-Castel etd'Ansureuse ', salut. Comme aultrefois vous euissions donné une maison et pièce de terre estant en nostre ville de Mons assez près de nostre hostel de Naste, penssant qu'elle fust de droit apperlenant à nous et à nostre don, et nous ayons despuis esté souflissanment imformée, tant de la part de la damoiselle d'Esne, jadis canonniesse de nostre église de Sainte-Waudrut, comme par s^ 31anssart, seigneur d'Esne et de Ghommignies, son frère, que laditte maison est leur droit et propre héritaige et doit nuement et par vraye sucession appertenir audit s^^ Manssart. Savoir vous faisons que nous, désirans à chacun de noz subgiés faire droit et raison, révocons, rappelions et anichiilons le don que ainsi indeuement fait vous avons. Sy voulions que vous rendez, bailliez et metez au délivre es mains dudit s^' d'Esne ou de son ayant-cause laditte maison et tous ses édefices et appertenances ainsi qu'elle s'extent et contient, sans lui donner ou faire sur ombre de noz lettres quelconques empeschemens à ce contraire. Ains vous mandons et commandons, au sourplus, que ainsi le fachiés. Car, par le vertu de cestes^ de toutte laditte maison, par ladélivrance qu'en ferez, vous quittons et voz hoirs à tousjours nuement et absoluttehient. Et prommetons gapandir et faire tenir et porter paisible à tousjours. Par le tesmoing de cestes, séellées de nostre grant séel.

' Ânserœul.

SUPPLÉMEJNT. 465

Données en noslre ville de le Haye en Hollende, le xvje jour d'octobre, Tan mil CCCC et vingt-neuf.

Par madamme la ducesse, présent de son conseil mess. Jehan de Vyanne,

J. Grenier.

Vidimus, sur parchemin, délivré le 28 juillet 1437 par deux hommes de lief de Hainaut '. — Trésorerie des Charles des comtes de Hainaut, aux Archives de l'État, à Mons.

MDCCCCLXXIl.

8 novembre 14-29. — « Le viu'^ jour de novembre, l'an mil CCCC vingt et neuf. »

Acte de Jehan, seigneur de Witthem, chevalier, Jehan de Witthem, seigneur de Boutersem, Arnoul Stamelart d'Uden et Jehan de Winghe, écuyers, jadis conseillers de Jean, duc de Brabant et de Limbourg, comte de Hainaut, Hollande, etc., par lequel ils certifient que, le 15 mai 1425, Jean, seigneur de Rotselaer, de Vorsselaere et de Relhy, et aussi conseiller du même duc, exposa à ce dernier, étant à Nivelles, qu'avec Gérard, seigneur de Ville, Jean de Harvaing et Gilles d'Arras, il avait constitué des rentes et pensions viagères, et que le duc l'avait ensuite relevé de l'obligation d'acquitter ces rentes et pensions, confisquées à son profit à cause des a rébellions et désobéissance » de ceux à qui elles étaient dues, savoir : Jehan de Hon, bourgeois de Mons, Gobiei t Pierchon, Raoul de Brouxelles et Jehan de 8ars dit Bruyant *. »

Original, sur parchemin, auquel seul appendus trois sceaux ^ . Le quatrième sceau est tombé *. — Trésorerie des chartes des comtes de Hainaut, aux Archives de l'État, à Mons.

" « Colars Hocedy et Jchans Poulies. »

» Voyez t. IV, p. 469.

' Le premier de ces sceaux, en cire rouge, est délériorc. Les deux autres sont en cire verte.

* Ce sceau était celui de Jehan de Winshe.