III. — Fois, loiaulteis, solais et cortoixie

par AUBERTIN d'ArAINES.

1 Fois, loiaulteis, solais et cortoixie Voi, se m'est vis, en mainte gens fineir ; Deloaultés est sovent essaucie, Le siècle voi durement triboleir ; 4

On ne seit maix ou on se puist fieir ; Qiii troveroit proudome sens boidie On le dovroit son pois d'or acheteir. 7

II Hé ! Loialteis, ou estes vos musie ?

A moult grant poinne vos puet maix nuls troveir;

Traïxon est si avant chevachie

Vos et vo gens fait sovent reculeir, n

Dont a Pitiet devroit forment peseir :

Venir dovroit baniere desploïe

Por vostre honor essaucier et leveir. 14

m Itant i ait, c'est bien ke je le die,

Ke Traïxon se puet moult bien vanteir

K'elle ait teil gens ke sont de sa manie

Ne cuide pais c'on les peûst mateir ; 18

Nomeir les veul, nés doi pais oblieir :

C'est Faceteis, Orguels, Mais et Envie ;

Si m'aïst Deus, bien font a redouteir. 21

IV Hé ! Loiaulteis, moustreis vo signorie. Ne laixiés plux Traïxon sormonteir.

Per son pooir ne sereis empirie :

Deus nel poroit soffrir ne endurcir, 25

Car Deus hait trop orguel a demeneir.

Moult par est fols c'a orguel son cuer lie :

Tairt s'en repent quant mors le fait fineir. 28

V Biaus sires Deus, a vos comans ma vie, M'arme, mon cors si me veulliés gairdeir, Car cil est fols ki ou monde se fie,

Maix uns chascuns vos doit de cuer ameir. 32

Hé ! Meire Deu, ne veulliés oblïeir

Moy pecheor, c'a jointes mains vos prie

C'a vo chier fil me veulliés racordeir. y,

VI Hé! pouxans dame, plux c'om ne puist nombreir, Meire a haut roy, douce virge Marie,

Aveuc les boens faites m'arme osteleir. 58