XI. — Chanter m'estuet, car pris m'en est corage

par

Gilles de Vieux-Maisons.

Chanter m'estuet, car pris m'en est corage,

Non pas por ce que d'amer mi soit rien,

Car je n'i voi mon preu ne mon damage

Ne n'i conois ne mon mal ne mon bien ; 4

Et se je chant, li déduit en sont mien,

Si chanterai sanz amors, par usage ;

Je ne di pas qu'Amors ne face bien

Au chief dou tor foloier le plus sage. s

Tel blasme Amors qui onc jor de sa vie

Loial amor ne vit ne ne conut,

Et tel i a qui cuide avoir amie

Bone et loial qui onques ne la fu ; 12

Por moi le di, q'une en a deceû ;

Quant g'en cuidai avoir la seignorie,

Au chief dou tor ne soi quel beste fu ;

Ja mes d'amors ne me prendra envie. 16

• Fous est et gars qui a dame se torne. Qu'en lor amor n'a point d'afiement ; Quant la dame se tient cointe et atorne, C'est por faire son povre ami dolent, 20

Et la joie est au riche faus qui ment.