XIV. — CoRROz d'amors, mautalens et MESCHIÉS

par

Baude de la Quarriere.

I Corroz d'amors, mautalens et meschiés Me fait changier et esmouvoir mon chant. Jadis soloit Amors estre li chiés De mes chançons, mes a un mot deschant Quant que je ai chanté en mon vivant, 5

Car ne puis mes nul bien dire d'Amor, Ainz fas de li ma plainte et ma clamor D'un tel forfait dont l'achaisons est griés. Et tous li mons s'en vait aparcevant. 9

II Trop sont Amors ennuieuses et vies, Tant ont duré qu'eles vont radotant ; Les fins amis ont tout adès boisiés, Les faus amans vuellent mètre en avant : Les guerredons que li loial amant 14

Ont deservi et atendu maint jor Rendent les faus qui sont fort tricheor, Et quant l'arbres est bien apareilliés Dou fruit porter, dont le vont recuillant. 18

m Et neporquant, Amors, c'est grant pechiés Quant sus vos met tel blasme a escieiit : N'est pas par vos li mondes entechiés.

Mes par celés qui vos vont essaiant, Qui a plusors vuellent mostrer semblant 23

De bien amer, n'onques n'en ont dolor, Et cil qui cuide avoir sur touz la flor Souvent avient plus loign en est liez : Por celui sont li loial mescreant. 27