XXIV. — FaUS est aUI A ENCÏENT

par

Simon d'Authie.

I Faus est qui a encïent

Velt sor gravele semer,

Et cil plus ki entreprent

Volaige feme a amer ;

On n'i puet raison trover : >

Tost aime et tost s'en repent

Et tost fait celui dolent

Ki plus s'i quide fier.

Li mais d'amors m'ocit, je ne puis durer. 9

Il Vaillans hom, quant a li tent, Fait trop a desaamer, Car c'est cil ki sans boin vent S'espaint en le haute mer.

A tel feme doit baer 14

Uns cunchïeres de gent, Ki par son cunchïement Le saice a son droit mener.

Li mais d'amors m'ocil, je ne puis durer. 18

III Tuit devons communalment Et servir et honorer Pucelle ki loialment

Set son cuer enamorer Et bien set asavorer Les mais ke ses amis sent Et tout li soutfre et consent Sens li trop desonorer.

Li mais d'amors m'ocit, je depuis durer.