XLII. — Chanter me fait bons vins et resjoïr

I Chanter me fait bons vins et resjoïr : Quant plus le boi et je plus le désir, Car li bons vins me fait souef dormir ; Quant jel ne boi, pour riens n'i dormiroie ; Au resveillier volentiers beveroie. S

II En bon vin a soûlas et grant déport : Quant plus le boi, et je plus m'i acort, Car de bon vin peut on revivre mort ; Religions s'i assent et otroie ; Et le bon vin doit on boire a grant joie. . 10

CHANSONS BACHIQ.UES

Ne sai qui a seignourie plus fort,

Ou vins, ou Dieus, ou d'amourz le déport ;

Sur toute riens au riche vin m'acort ;

Roys justice tout le mont et aloie ;

\'ins vaint amours et justice et mestroie.

Touz jours doit on sieure bon vin de près. D'ore en avant de bonne amour me tes, Qu'amours touz jours est tournée as mauvez, Communaus est a ceuls qui ont monnoie ; D'amours venaus pour riens bien ne diroie.

Chançon, va t'ent, au bon vin niant salus : Maint homme a fait tumer en la palus, Et maint en fait gésir la nuit vestus, Et maint en fait chair en belle voie.

Bien met l'argent qui en bon vin l'emploie.