XI. CHANTER M BSTUET, CAR PRIS MIN EST CORAGE

Et au povre se tient esquieue et morne ; Por ce di ge qu'Amors vient de noiant :

De noient vient et a noient retorne. 24

iv Ore est Amors et remese et faillie, Li faus amant l'ont fait dou tout faillir Par leur barat et par leur tricherie, Par leur faus plaindre et par leur faus souspir : 28 Quant il vuellent décevoir et traïr, La plus estrange apelent douce amie, Puis font senblant et chiere de morir Li traiteur, qui li cors Dieu maudie. 52

v Un jor fu ja que ces dames amoient De cuer loial, sanz faindre et sans fauser, Ces chevaliers larges, qui tout donoient Por los et pris avoir de bien amer. 36

Mais or sont il eschars, chiche et aver, Et ces dames, qui d'amer se penoient, Ont tout laissié por aprendre a borser. Morte est Amors, mort sont cil qui amoient. 40

vi Mainte en i a çainte d'une coroie Qui ses amis ne fait fors de guiller : Cestui ne veut, et a cestui s'otroie, Cestui retient et cestui laisse aler. 44

Qui en poroit une leal trover Bien en devroit ses cuers avoir grant joie. J'en sai une, se me voloit amer, De bone amor aseùrez seroie. . 48