XV. — Bien s'est Amors traïe

par

Robert de Reims, dit La Chèvre.

1 Bien s'est Amors traie Qant ele m'a ocis, Qui m'a fait senz amie Amer tant con fui vis. 4

Morz sui, ce m'est avis, Por ce que je n'aim mie, Ne ja mais en ma vie Ne serai fins amis. 8

11 La granz joie est faillie Que m'a faite toz dis Amors, par trecherie, Qui tôt m'avoit conquis. 12

Las ! je m'estoie mis Del tôt en sa baillie ; Or s'est de moi partie, Ja mais n'i serai pris. 16

ni Pris? Je por qoi seroie, Quant j'en sui eschapez ?

Ne sai ; mais tels foloie Qui puis revient assez 20

La dont il est grevez.

Deus ! se je ceu faisoie, Plus douce mort avroie ; Mais trop m'en sui blasmez. 24

iv Tost m'en repentiroie Se j'estoie apensez, Par foi ! que je parloie Com hom désespérez : 28

Amors, car m'ocïez !

Certes, je lo voldroie.

La force n'est pas moie Vers vos, bien lo savez. 32

v Dame, si dolz marttre Doi je bien endurer, Ne ja mais nostre Sire Nel me puisse amender 36

Se ja m'en quier oster.

Se me volez ocire, Je ne sai pas eslire Meillor mort ne trover. 4«

vi D' Amors ne sai que dire Quant plus i voil panser :

Une hore me fait rire, L'autre me fait plorer ; 44

Ja ne l'en doi blasmer ; Mais maltalenz et ire Me fait dire et desdire Et folement parler.