XXIII. EL TINS DIVER, QUANT VEI PALIR

Quant vers moi la truis si fiere ?

Qu'ele m'a boute arrière,

Mes ne li vaut, car sienz sui. 24

iv Sienz, por quoi ? Qu'Amours m'i maine Qui plus fort de moi a pris Et me fet souffrir tel poine Ja n'en eschaperai vis, 28

Se bon espoir ne m'aie Ou pitié ne s'umelie Vers li por moi conforter ; Mes ne m'en puis desevrer. 32

v On soloit dire d'Amour

Qu'ele souhauçoit feble honme

Et abessoit les dolours

Pour donner joie tant bonne ; 36

Mes ce ne vous di je mie,

Conques n'i trouvai aïe

De mes crueus maux aidier,

Si ne m'en sai apaier. 40