XXVI. — Par grant franchise me covient chanter

par

Mahieu le Juif.

1 Par grant franchise me covient chanter Se vuil avoir la rien que plus désir, Mais je ne sai ou je puisse trover Bons moz ne chant, que cil qui crient morir 4 Ne puet son cuer a grant joie atorner, Et nonporquant fine Amour le m'enseigne D'amer celi cui la maie mort preigne, Qui ne me vuet mes maus guierredoner. 8

11 Li faux amant qui se ventent d'amer Font les lëaus de maie mort morir, Et les dames en font moût a blasmer Qui aimment ces qui prient por trahir ; 12

Por ce raorrai c'onques ne soi fauser ; Ne puis muer mon domage ne plaigne.

Douce dame, froiz glaives vos destroignc ! Trop me faites de parfont sopirer. 16

\\\l. PARGRANT franchise me covient chanter 47

in Douce dame, cui j'aour et souploi Et servirai en trestout mon aé, Sor tote rien a vos servir m'outrai Se mes servirs vos i venoit a gré ; 20

Mais eist travaux m'iert adès, bien le voi, Quant plus vos ser et je plus vos truis fiere. Mieuz fussiez vos levée en froide bière Que longuement vos gabessiez de moi. 24

iv Or ai je dit corne fous estreloi,

Ja li mesfaiz ne m'en soit pardonez,

Quant maudite ai celi cui plus doi foi !

Servirai la de bone volenté, 28

Et se li plait que me retoigne a soi,

Amerai la corne ma dame chiere,

Ou se ce non, la passions la fiere,

S'en brief terme ne prent de moi conroi. 32

v Douce dame, bien me devez aidier Soûl por itant que mesdisant félon Se sont venté que par lor losengier Feront partir deus amanz sanz raison. 36

Ains n'oi de vos fors ire et destorbier : Tolu m'avez et joie et alejance ; Mais veillece qui d'autrui prent vengence Vostre gent cors si me puist justisier. 40

vi Beaus sire Deus, que me vaut esloignier, Puis qu'envers li ne truis desfension ? Amee l'ai de leal cuer entier, N'onques nul mal n'i pensai, se bien non ; 44 Por ce morrai c'onques ne soi trichier. Las ! tant mar vi vostre bêle semblance Et voz beaulx eulz, qui m'ont navré sanz lance : Maies broches les vos puissent saichier ! 48

vu Et nonporquant je ne m'en quier movoir De vos amer, s'en dévoie morir, Que mieuz vos vuil servir en bon espoir Que de totes celés dou mont joïr ; 32

Que Deus vos fist si faite a mon voloir Conques ne vi si très bêle rien née.

Maie aventure et maie destinée Et maus blasmes vos face moins valoir ! -,6

vin Trahi m'avez, douce dame, por quoi ? Ja n'ai je riens envers vos entrepris.

Por vostre amor ai je gurpi ma loi Et croi en Deu, maugré toz mes amis, 60

Et si faites de moi vostre bofoi.

Trahi m'avez, douce dame honorée, Traï m'avez, vos soies traînée, Si voz porroiz mieuz amender vers moi. 64

ix Et s'autrement n'en repuis joie avoir, Deus vos face si vielle et si ridée Que touz li monz fors moi touz soux vos hee, Savoir se ja me porroiz escheoir ! 68