XXXI. — On soloit ça en arrier

par

Gobin de Reims.

1 On soloit ça en arrier Amer de fin cuer entier, Mes ore est tout oublie ; Moût nos faisoit grant dangier 4

Une garce de baisier, Or n'i a fors jus bouter, Qu'eles ont les pies trop tendres, Si ne béent fors a prendre, 8

Tost ont leur rains aterrés.

L'une maine l'autre vendre ; Fous est qui i met s'entente Puis qu'il s'en peut consieurer. 12

11 A la touche voirement Touche l'en le fin argent Por esprover sa bonté.

Puis que feme d'orne prent, 16

Savoir puet certainement Qu'el fera sa volenté ;

Et c'ele s'en veut deffendre,

Cil doit si son cuer reprendre 20

Qu'il s'en puisse recouvrer ;

Ne li chaut que il despende,

Mais qu'il ait empli son ventre

Et son cul acouveté. 24

111 L'en conoist bien au regart Feme qui set de barat ; Tost a un foubert trové ; Puis qu'el le tient en ses las, 28

Ne li eschapera pas.

S'il a deniers aporté, L'une sus ses rains le trousse, L'autre li vuide la borse. 32

Dont n'est ce desloiautez ?

Je di par les sains del monde :

On leur devroit faire honte Et fors dou pais fuster. $6

iv En non Dieu, ce dit Gobin :

Mainte feme fait par vin Assez de desloiauté ;

Por un pasté de conin 4°

Ou por l'ele d'un poucin En fait on sa volenté ; Ce n'est mie chiere vile

Quant por un pasté d'anguile 44

Puet on tel marchié trover.

Cil est fous qu'i met vint livres, Estre doit tenuz por yvres, Bien doit le borel porter. 4S