XXXIV. — Kant je voi honor faillie

1 Kant je voi honor faillie Et toute joie laissier, Ke dames et chevelier Ont Amors abaistardie, Prouesse et chevelerie Laissent chascun por plaidier, Et cil ki muels seit trichîer Ait plux sovent belle amie Ke cil ki sens tricherie Seit et servir et proier.

il Trop vilainnement s'oblie Dame ke croit losengier, Car de félon acoentier Vient blaimes et velonnie ; Mainte dame en est traie; i,

Por ceu les veul chaistoier, Car les bones n'ont mestier De mavaixe compaignie, Ke celle ke muels s'i fîe En ait lou pior lowier. 20

in Je ne tien pais dame a saige Ke chascun 'veult resgairdeir, Ains doit si ses euls gairdeir C'on ne la taigne a volaige, Et se per aucun usaige 25

Fait chascun semblant d'ameir, Per son resgairt veult moustreir K'elle est de legier coraige, S'en resoit blaime et hontaige, Se ne s'i doit nuls fieir. 10