VAILLANCE

Prince , enflambé de désir pitoyable,

Et vous, nobles, où tout honneur s’avance ; Cœurs tous enflés de vouloir honorable, Aimants renom, quérants œuvre louable,

A vous accours en grande csjouissance :

Fill’ d'honneur suis, et m’appelle-on Vaillance. Je vous requiers, qu’on ne me laisse point, Car sans m'avoir grand fait ne se fait point.

Après la présentalion faite des douze Vertus sus-mentionnées, par Grace-Dieu, celle, comme s’eslant acquittée de sa charge, ct achevé son ouvrage, print congé , en conseillant et saluant le duc avec des vers.

Ainsi s’en retourna Grace-Dieu, et laissa les dames qu'elle avoit amenées. Et pource que le mystère estoit parachevé, leur furent ostés les brevets qu’elles portoient sur leurs espaules ; et commencèrent à danser en guise de mommeries , et à faire bonne chère, pour remplir ct rachevyer plus joycusement la feste.

S’ensuivent les noms des chevaliers d’icelle mommeric ; le comte de Charrolois, le duc de Clèves, le comte d’Estampes, Adolf de Clèves, Jean de Coimbres , le bastard de Bourgongne, le comte de Buchan, Anthoine, bastard de Brabant, Philippe Pot, Philippe de Lannoy, Chrestien de Digoine, Philippe, bastard de Brabant.

S'ensuivent les noms des dames d'icelle mommerie : les damoiselles de Bourbon, d'Estampes, de Ravestan; les dames de Beuvres, d’Arsy, de Commines, des Aubeaux, du Chasteler, Marguerite, bastarde de Bourgongne ; Anthoinelte, femme de Jean Boudaut, Ysabeau Toustain.

. Tandis qu’on dansoit en telle manière, les roys-d’armes et héraults, avec des nobles hommes qui furent ordonnés pour l’enqueste, allèrent aux dames et aux damoiselles, pour sçavoir à qui on devoit donner el présenter le prix, pour avoir le mieux jousté el rompu bois en ceste journée. Or il fut trouvé que c’estoit le comte de Charrolois qui l’avoit gagné et desservy. Si prirent les officiers d'armes deux damoiselles princesses, c’est à sçavoir les damoiselles de Bourbon ct d'Estampes, pour présenter le prix, qui fut baillé par clles audit comte de Charolois; lequel les baisa, comme il est de coutume en tel cas, et fut crié Montjoye fort hautement. Entre deux et trois heures après minuit, partit icelui duc ct sa compagnée du lieu où le banquel avoit esté fait, et s’en revint en son hostel; après quoy, un chacun se départit et se sépara!.