CHAPITRE XCIV

Comment au royaume d'Angleterre eut plusieurs divisions sans y avoir corps de juslicc.

En ceste année, il y eut plusieurs grandes divisions dans le royaume d’Angleterre, pour ce que le roy Henry, comme vous avez ouy par ci-devant, n’y estoit pas obéy; et qu’au gouvernement d'icelui royaume avoit eslé commis le duc d’Yorck, qui à toute puissance s’establissoil et acquéroitamis dans ce royaumelà, pour parvenir à la couronne; car à la vérité son intention estoit de.se faire un jour roy. Auquel royaume s’étoient relirés plusieurs gens de guerre, qui par le roy Charles de France avyoient esté mis hors des pays de Guyenne el de Bordelois, quand il en fit la conaqueste, dont ci-devant est faite mention. Et en tant que touche les pelits compagnons qui n’avoient point d'occupation, ils se mettoient sus audit royaume d'Angleterre, ct d'emblée souventes fois desroboientet destroussoientles marchands, el autres gens qu'ils pouvoient rencontrer à leur advantage ; tellement qu'aucun, sinon en grand danger et péril, n'osoit aller en icelui royaume, de ville à autre ; car à ceste heure, la justice n’y avoit point de cours.