CHAPITRE XCVI
Comment on envoya devers le roy Charles pour sçavoir si c’estoit son plaisir que le comte de Charrolois cust en mariagce la fille au duc de Bourbon.
En ceste mesme année, après et incontinent que le duc de Bourgongne fust retourné deson voyage d'Allemagne, dont vous avez ouy parler ci-devant, il se trouva en la ville de Nevers: et lui estant là, il fit sçavoir au duc de Bourbon ct à la duchesse sa femme, comment il estoit retourné de son voyage, ct qu’ils vinssent, ou enyoyassentdevers lui, pour conclure etparfaire ce qui avoit esté encommencé, touchant le mariage de son fils, le comte de Charrolois, et de leur fille. Desquelles nouvelles icelui duc de Bourbon et ladite duchesse furent fort joyeux en une partie, et en l’autre desplaisants; car, à ceste heure, icelui duc cstoit si fort oppressé de la maladie des gouttes, qu'il n’eust peu aller en aucune manière devers icelui duc de Bourgongne. Pour cesie cause, ils estoient très desplaisants ; mais 1l ordonna aller la duchesse sa femme , la comtesse de Clermont, fille du roy Charles, qui avoit espousé le comte de Clermont, fils dudit duc de Bourbon ct de ladite duchesse sa femme ; si y furent aussi le duc d'Orléans et le duc de Nevers. Lesquels scigneurs et dames furent receus à grande joic de par ledit duc de Bourgongne. Après qu’ils curent parlé de ceste malière bien au long, et que les parties furent chacune contentes desdites alliances , ils conclurent d'envoyer devers lc roy Charles, pour sçavoir s’il donncroit son consentement à ce traité, et si ce seroit bien son plaisir. Pour à quoy parvenir , 1l fut arresté
qu’on y envoyeroit ladite comtesse de Clermont, pour autant qu’elle estoit fille d’icclui roy, comme dit est ci-dessus; laquelle, par l'ordonnance des dessusdits, alla devers lui, chargée de bons mémoires du contenu d’icelui traité, laquelle fit grandement son debvoir de remonsirer au roy le bien qui en pourroit advenir entre les parties et les subjets du pays. Et après qu’elle eut dit et remonsiré sa charge, le roy cut tout ce qui avoit esté fait en ceste matière pour agréable, et y mit son consentement, dont chacun fut fort joyeux.
