CHAPITRE XV

Comment le duc de Clèves fit guerre à l’archevesque de: Coulongne.

En ce mesme temps de l'an mil quatre cents quarante ct six, il y avoit grande gucrre entre le duc de Clèves, d’une part, et l’archevesque de Coulongne d'autre part, à l’occasion d’aucunes seigneurics qu’un chacun d’eux disoit estre siennes ; el à ceste cause couroient de jour en jour leurs gens sur les pays l’un de l’autre, en faisant de grands dommages et beaucoup d’oppressions au pauvre peuple. Sur ceste querelle, Jean, fils aisné dudit duc, qui avoit esté nourry et se tenoil en l’hostel du duc de Bourgongne, son oncle, sçachant les besongnes ct affaires dessusdites, après qu'il eust esté informé que sondit seigneur et père, le duc, selon son advis,

LA Lacune dans l’imprimé et dans le manuscrit.

avoit cause raisonnable de ce faire, il desfia le susdit archevesque de Colongne ; ce que pareillement firent, en sa faveur, plusieurs grands seigneurs , tant de l’hostel et des pays d’icelui duc de Bourgongne, comme d’autres lieux ; et s’en alla ledit Jean , nommé lors le damoiseau de Clèves, accompagné d’aucuns gentilshommes des marches de Picardie, devers le duc, son père, qui cstoit fort vieil et ne pouvoit chevaucher ne lui s'armer, sinon avec grand danger.

Lui donc estant venu en son pays, se mirent et assemblèrent avec lui plusieurs grands seigneurs et gentilshommes du pays de Clèves , auxquels se joignirent d’autres gens de guerre, avec tous lesquels il tira sur les frontières , et versles seigneurics de cest archeyesque de Coulongne; et se logea lui et ses gens en une assez forte ville, nommée Vauste, pour le sujet de laquelle ville en partie la guerre s’esloit commencée entre les deux scigneurs dessusdits.

Adonc, après sa venue, s’entretint et continua la guerre plus dure ct périlleuse qu’auparavant n’avoit csté, et furent faites plusieurs courses el entreprises tant d’un costé que d’autre ; en aucunes desquelles il y eut de grosses destrousses failes sur les gens de l’archevesque, à leur dommage et préjudice ; car le dessusdit damoiseau de Clèves, lequel estoit en ce tempslà de jeune aage, et l’un des beaux et bons escuyers qui fussent , puissant de corps, sage et tousjours bien en maniére, en lieu où il se trouvast, cstoil grandement accompagné de gens de guerre, tous les plus rudes et experts en arnes qu’on avoit peu trouver dans tous les pays du duc son père ; et de plus, 1l avoit grand vouloir et désir'de faire parler de lui à sa bien venue. À cesle cause mit-il grande diligence à faire et poursuivre les dessusdites entreprises contre ses adversaires.

Adonc , icelui archevesque , craignant qu'à longue traile, ses pays et subjects n’eussent de grandes affaires, envoya hastivement devers plusicurs grands seigneurs , pour en avoir secours ct ayde, cspécialement devers le duc Guillaume de Sax qui estoit fort puissant etgrand seigneur, sur les marches d'Allemagne, avec lesquels il avoit auparavant fait alliance; et lui avoient la plus grande partie promis de lui bailler tout le confort ct l'assistance que faire se pourroit de leur part. Si se mirent sus en très grand nombre ; mesmement ledit duc Sax se

disposa d'y venir en personne, à (oute puissance ; car, outre qu'il estoit bien enclin de faire plaisir à icelui archevesque, d'autre part il n’estoit pas bien content du duc de Bourgongne, ni de son nepveu de Clèves, et le tout au sujet de la conqueste de Luxembourg; eteut volontiers veu qu’ils eust peu se trouver en lieu pour leur pouvoir porter dommage. Lequel, quand il eut fait son assemblée et aussi les autres seigneurs alliés, 1ls se trouvèrent composer une très grosse compagnie , assez bien habillée et en bon point, selon l’estat du pays ; et furent tous ensemble estimés se monter à‘. . .....

combattants ou environ, qui se mirent en chemin, et vinrent par plusieur journées jusqu’au pays de l’archevesque , qui les avoit mandés : lequel avec eux, accompagné de tous les gens de gucrre qu’il avoit peu ramasser ct recouvrer, s’en vinrent tous ensemble mettre le siège toul à l’environ de Ia dite ville de Vauste , dedans laquelle estoit le damoiseau de Clèves dessus nommé, lrès bien accompagné degens de guerre.

Or, pendant le temps que toutes ces assemblées et alliances se faisoient d’icelui archevesque, le ducde Clèvesetsonfilsen furent suffisamment informés ; lesquels , pour y pourveoir et lui résister, envoyérent semblablement devers les seigneurs leurs amis, alliés et bicnveillants, pour avoir leur assistance et protection, et espécialement devers le duc de Bourgongne, les comtes d'Estampes et de Saint-Pol , et plusieurs autres grands seigneurs de cesle marche, en Jes requérant bien affectueusement el instamment de les favoriser de leur secours ; et avec ce leur faisoient savoir la puissance de ceux qui esloient venus, ou venoient encore contre CUX.

Alors , le duc de Bourgongne, adverti des nouvelles dessusdils, assembla son conseil en bon nombre, auquel se trouva grande parlic des seigneurs déclarés, dans lequel conseil la matière fut débattue assez longuement; et enfin 11 y fut conclud ct arresté, pour plusieurs raisons qui là furent mises en avant; que ledit duc, si besoin esloit, leur bailleroit secours à loule puissance, et y seroiten personne ; mais avant que cela se fist, on envoyeroit par-devers l’archevesque certaine ambassade solemnelle, pour savoir de lui si on ne pourroit point appaiser les parties et les mettre d'accord,

‘ Lacune dans l’imprimé et dans Ie manuscrit.

pour le doute qu’on avoit qu’aucuns inconvénients n’en advinssent pendant que ces besongnes se feroient. Il fut donc advisé audit conseil et résolu, que Louys de Luxembourg, comte de Saint-Pol, lequel avoit grande amitié et cordial amour, dès il y avoit long-lemps, avec le jeune damoiseau de Clèves, et se tenoient eux deux comme frères d'armes dès leur jeunesse, se mettroit sus en armes, avec bon nombre de gens de guerre, tant de ceux qui estoient à lui et de ses pays, comme aussi des autres que lui bailleroit le duc de Bourgongne, avec tous lesquels il prendroit sa route et s'advanceroit, tout au plus qu’il pourroit, devers la duché de Clèves. Et comme il avoit esté pourparlé, il en fut ainsi fait. Ledit comte de Sainct-Pol fit son assemblée et ses montres dans la ville de Solempnes, appartenant à l'abbé de Sainct-Denys en France.

Si se mirent avec lui en sa compagnée, son frère Jacques de Luxembourg, Cornilleet Antoine, frères, bastards de Bourgongne, messire Simon de Lalain, Jacques Quieret, seigneur de Huchin, Antoine de Reubempré, et plusieurs autres notables chevaliers et escuyers. Et quand ils furent tous assemblés, 1ls pouvoient faire environ chacun cinq cents lances et douze cents archers , tous gens bien en point ; lesquels, quand ils eurent receu leur payement pour un mois, tirérent au travers du pays de Haynaut et de Brabant, et de là au pays de la Campine jusques à la rivière de Meuse, qui joint audit pays de la Campine, où ils séjournérent par aucun temps ; et estoient cependant tous prests de passer et d'entrer en icelui pays de Clèves, moyennant que ceux qui les avoient mandés leur fissent sçavoir le temps propre à cela.

Or, dans ce temps-là mesme, le dessusdit duc de Bourgongne, qui bien avoit à cœur ceste affaire, ant pour la considération de son beaufrère le duc de Clèves, comme aussi principa- Icment à cause de l'amour qu'il avoit pour son nepycu, lequel il avoit tousjours nourry et élevé auprès de lui, et à ce sujet l’aimoil fort, avoit fait sçavoir expressément, et mandé estroitement à tous les capitaines et officiers de ses pays de Picardie, Flandres, Haynaut, Brabant et autres provinces, qu'un chacun d'eux se tinst tout prest el fourny, au plus grand nombre qu'ils pourroient, pour y venir en personne , si besoin esloit, jà-soit-ce qu'il dé-

sirast aucunement leur appaisement, et qu'ils s’accommodassent.

Mais il convient revenir à parler du duc de Sax ct de l’archevesque de Coulongne; lesquels, avec grand quantité de gens, avoient enclos de toutes parts et assiégé ce damoiseau de Clèves, dedans la dessusdite ville de Vauste, devant laquelle ils faisoient de jour en jour leurs approches ; et placèrent plusieurs engins et instruments de guerre contre les portes et murailles d'icelle ville, pour les endommager. Là se faisoient assez souvent de grands cscarmouches entre les parlics, auxquelles, de chacun costé, il y en avoit aucunes fois de tués et blessés.

Or, un certain jour se disposèrent et résolurent les assiégeants d’assaillir les assiégés ; et leur sembloit estre bien possible de les emporter de force. Lequel assaut estant commencé, dura assez longuement, fort dur ct aspre, où il y eut de belles armes faites de chacun costé ; mais , à la fin, par la valeur ct bonne deffense desdits assiégés , iceux assaillants en furent repoussés , à leur grande perte et confusion ; etil demeura, en ceste occasion, de leurs gens morls dedans les fossés , et aux environs, jusques au nombre de ‘..... , avec plusieurs de blessés. En suite de quoy ils se relirèrent à leurs logis, fort desplaisants de la perte de leurs gens. Et, pour surcroist de leurs maux, peu après leur vinrent certaines nouvelles du secours qui s’avançoit contre cux. Mesmement il leur fut dit que le duc de Bourgogne y venoit en personne avec toulc sa puissance, ct qu’il s’'approchoit pour les combattre ; si furent en assez peu de lemps, pour cesle cause, en grand doute et tous effrayés, cspécialement les Allemands ; tant que finalement ce duc de Sax assembla sur cela les seigneurs de son pays, avec lesquels il prit résolution de partr de là avec loule sa compagnée , pour s’en retourner és pays d’où ils estoient venus : mais avant son départ, y eut grand discord avec ledit archevesque pour les soldes et payement de ses gens , qu’il ne pouvoit avoir de lui; tellement qu'il fut de nécessité à icelui archevesque de se sauver, et mettre à couvert de Icur rencontre ; car si iccux Allemands l’eussent peu atleindre ct attraper, ils estoient en volonté de l'emmener avec ceux, jusques à tant qu'il les cust contentés et satisfaits. Enfin, après leur

‘ Lacunc dans l’imprimé et dans le manuscrit.

départ, l’archevesque et ceux de son party, se retirérent dans leurs meilleures villes et forteresses ; el il se trouva depuis, à cause de ceste assemblée qu’il avoit fait, en plus grand danger qu'auparavant il n'estoit.