CHAPITRE XXIII

Comment la villo du Mans fut mise en l’obcissance du roy Charles de France,

En ce mesme an mil quatre cents quarante ct sept, furent sommés, de par le roy de France, les Anglois qui tenoient la ville du Mans, de la rendre, ainsiqu’il avoit eslé convenu au traité de mariage du roy d'Angleterre, par ses ambassadeurs, avec ledit roy de France. Et pource que de ce faire üls furent refusants, on envoya devers icclui roy d'Angleterre, lui requérir qu'il accomplist ce qui avoit esté promis de sa part, touchant ceste matière. Lequel roy et ceux de son conseil, mandèrent acertes ct bien expressément, par lettres signées de la main dudit roy, à ceux qui en avoient le gouvernement et la garde, cspécialement au capitaine deladite ville, qu'ils rendissent icclle audit roy de France ; lesquels furent de ce refusants, et n’y voulurent aucunement obéir. Alors quand cela fut venu à la connoissance du roy de France ct des seigneurs de son conseil , il fut ordonné qu'on les - assiégeroil et conquerroil de force. Si furent à ce commis, comme chefs principaux, le comle de Dunois, le seigneur de la Varenne et autres capitaines, avec leurs gens d’armes, qui haslivement furent mandés par Iles bonnes villes du royaume, où ils cstoient en garnison. Puis estants (ous assemblés, ils lirèrent à puissance devers icelle ville du Mans, et se logèrent lous ès environs.

Or, il y cul à mettre ct poser ce siège de très dures escarmouches centre les parties, ct de tués et blessés de chacun costé, car lesdits assiègés saillirent dehors contre leursadversaires, mais ils furent repoussés très vigoureusement par les François ; puis en assez bref temps ensuivant, furent dressés les engins el canons du roy en plusieurs lieux contre les porles et murailles de la ville, qui de ces coups furent fort rompues et endommagées ; et outre ce, les assiégés furent approchés de si près par les François, que bonnement ne pouvoient-ils saillir hors de leur fort, sinon en grand danger. Alors iceux assiègés, considérants qu’ils nc pouvoient avoir ou espérer aucun secours, et mesmement que leur roy et Ies gens de son conseil n’estoicnt point contents de ce qu'ils tenoient ainsi ladite ville contre le roy de France, prirent l’un avec l'autre résolulion de traiter avec les assiégeants ; lequel traité fut (cl, qu'ils s’en iroient sauvement où bon leur sembleroit, et emporteroicnt

tous leurs biens. Et outre ce, les capitaines eurent certaine somme d'argent, qui de parle roy de France leur fut délivrée. Quoy fait, partirentces Anglois sous bon sauf-conduit, et s’en retournèrent en Normandie, et par ainsi demeura la dessusdite ville du Mans, qui estoit une bien forte place et la ville capitale du pays, en l’obéissance des François.