CHAPITRE LV

Comment les Gantois envoyèrent ambassade à Thenremonde, devers le duc de Bourgongne.

Pendant le temps que telles courses se faisoient, les marchands d’estranges pays, qui ont accoustumé , depuis si long-lemps qu’il n’est mémoire du contraire, de communiquer et marchander en la ville de Bruges, lesquels on appeloit les Nations, et qui pas n’estoient de cesle guerre, prenoient chacun jour grande peine de remettre le pays et réduire les Gantois en la bonne grace dudit duc. Sur quoy ceux qui en ceste guerre estoient comme neutres conclurent d'aller en ladite ville de Gand, afin de leur remonstrer le grand abus en quoy ils estoient, comme aussi pour leur représenter la destruction totale d’eux et de tout le pays de Flandres ; mesme que par leur faute, la marchandise ct le trafic n’avoient plus de cours dans ladite comté, ne ès villes de Gand

et de Bruges, comme on avoit accoustumé. Sur lesquelles remonstrances, ils üinrent plusicurs conseils , tant qu’ils conclurent d'envoyer devers le duc une bonne ambassade , afin de trouver quelque trailé et appointement. De fait, ils requirent ceux desdites nalions, qu’ils en voulussent prendre la charge; et conclurent d’y envoyer le pricur des chartreux, dont ci-devant avons parlé, et aucuns autres; lesquels, désirants parvenir au bien de la paix , leur accordèrent d'en prendre la charge ; ct, de leur volonté, leur baillèrent certaines instructions par escript. Lesquels députés, avec ces instruclions , tirérent devers ledit duc, en la ville de Thenremonde ; mais quand ils furent là arrivés , et qu’ils regardèrent leurs dites instructions, ils trouvèrent qu’elles contenoient tout au contraire de ce qu’ils leur avoient dit de bouche, dont ils furent fort honteux ; et retournèrent sans rien négocier sur le fait principal de leurdite instruction.