CHAPITRE LXXIX

Comment ceux des villes et forteresses de Benanges el Riaus ne linrent pas leur trauté fait avec le roy Charles, et comment Ilcur en advint.

Vous avez ouy la manière de la rendition de la ville ct du chasteau de Cadillac, et comment par le traité qui de ce fut fait, les gens du roy

Henry debvoient remettre ès mains et en l’obéis-

sance du roy Charles, les villes et chasteaux de Benanges et de Riaus; mais quand les ambassadeurs de par lui députés allèrent auxdites villes el chasteaux , pour d’iceux avoir la possession et délivrance, les Anglois estants dedans leur firent response que leur intention n’estoit pas de rendre lesdites places sans débat et résislance ; et si aucune promesse avoit esté faite avec les gens du roy Charles, ce n’avoient pas eslé des gens qui eussent pour cest effet puissance el pouvoir du roy Henry, leur souverain seigneur. Bref, ils dirent aux susdits ambassadeurs qu'ils ne rendroient pas lesdites places, sans ordre de leur souverain scigneur , ou sans débat. Ce qui estant venu à la cognoissance du roy Charles, il fit hastivement faire les entreprinses et assauts de ces places et forteresses; à quoy la raison le mouvoit, d'autant qu'il voyoit le refus, et le contraire de ce qu’on avoit traité. Et, pour y parvenir, il fit garnir suffisamment de vaillantes gens, et de bonne conduite, tous les lieux et places là où on pouvoit penser que ceux desdites villes de Benanges et de Riaus pouvoient sorlir el passer ; et ainsi les int en tel danger et si à l’estroit, qu'il ne leur venoit plus aucuns vivres. De plus, il y avoit dedans lesdites places des gens de trois nations ; c’est à sçavoir de la nation d'Angleterre, d’autres estrangers des pays de Guyenne et Bordelois, lesquels pendant ce temps se divisèrent fort les uns avec les autres, tellement qu'il y eut et se passa entre eux de grands massacres, par aucun espace de temps.