CHAPITRE LXXXI

Comment le duc de Bourgongue, à son arrivée, pour parachever la gucrre contre ceux de Gand , tint son chicmin de Audenarde à Scalesbecque ; ct de ce qui y fut fait.

En cesic année mil quatre cents cinquante et Lrois environ la Saint-Jean-Bapliste, le duc de Bourgongne, accompagné du comte de Charrolois, son fils, du comte d’'Estampes, du comte de Saint-Pol, d’Anthoine, bastard de Bourgongne, des scigneurs de Fiennes , de Créqui, de Saveuse , de Crevecæur, de Roye, de Haubourdin, de Moreul, de Croy , de Chimay, de Hallevin, du vidame d'Amiens, des seigneurs de Grutuze, de Rochefort, de Vaux, de Noyelle, de Rubempré, de Miraumont, de Hames, d'Aveluis, et de plusieurs autres chevaliers et escuyers, en grand nombre, deslogea d’Audenarde et des pays d’environ , où il s’estoil allé camper, pour parachever et mencr à fin la guerre qu'il avoit eue, l’année précédente, avec ceux de la ville de Gand; ct avec toute sadile compagnée, il s’alla loger en un gros village nommé Renais, à six lieues près d’une place nommée Scalesbecque, et au pays d'environ, où ils séjournèrent deux nuits etun jour. Puis, le lendemain, le susdit bastard de Bourgongne, avec les compagnées des garnisons, dont il esloit capitaine, qui estoit allé par un autre chemin, se trouvèrent tous ensemble audit lieu de Scalesbecque, marchissant d'une petite forteresse nommée Boulers, où se logèrent toutes les compagnées, ct avec eux, ledit comte d'Estampes et ses gens, qui assiégèrent ceste forteresse, en laquelle il y avoit deux grosses bombardes, qui souventesfois tiroient et jettoient devant ladite forteresse , de laquelle ils abatürent la plupart de la muraille, et la porte de dessus le pont.

Quand ceux qui estoient dedans, au nombre environ de soixante, virent qu'ils ne pouyoient résister ne tenir contre la puissance qui estoit devant eux, mesme sçachant que le duc de Bourgongne y csloit en personne, ils screndirent à la volonté de ce duc, lequel, incontinent, les fit pendre aux arbres cstants ès environs de ladite place ; et quant au licutenant du capitaine d’iceux, il le fit pendre à l’advant-portce de la-

dite forteresse. Quant au capitaine d’icelle, il demeura prisonnier deux ou trois jours, pour ce qu’il se faisoit fort de faire rendre la forteresse de Gaure, qui estoit un fort chasteau que les Gantois tenoicnt en leur obéissance, par le moyen duquel se faisoient plusieurs dommages sur les subjets dudit duc; laquelle chose il ne put faire ; et pour ceste cause, icelui duc le fit aussi pendre sur son chemin, ainsi comme il s’en alloit de devant laditeplace, avec deux autres qui estoient du party de ceux de la ville de Gand, à la croisée d’un moulin à vent, qui n’estoit pas encore parfait ni entièrement achevé.