CHAPITRE XC

Comment la royne d'Angleterre retourna en Frante, grandement accompaigniée ; lamentations sur le triste estat du roy et du poyre pays de France.

Encoires se tenoit ledict roy anglois à Meaulx, quand nouvelles lui vindrent que la royne sa femme venoit devers luy et estoit arrivée à Harfleur, en la conduicte du duc de Bethfort, frère du roy , à main forte et armée. Lequel passant par Rouan, print le chemin devers le roy son frère qui estoit au bois de Vincennes. Et le roy anglois adverty de ce, avec ses princes et barons monta à cheval prestement et s’en alla devers le roy de France et devers la royne sa femme. Dont à l’abborder le conjoyssement fut grand à tous lez, jà soit ce que le pourquoy n’y estoit point, sinon que Dieu souffroit à ce très chrestien prince, le roy des Francs, faire feste et joye en sa propre honte et confusion, et porter à bruit et gloire au milieu du thronne françois par dessus luy ung tyrant et ung persécuteur de peuple par main violente.

Si est bien raison et juste chose de dire, qui le vray veult considérer, que les conjoyssances telles et entre semblables personnes , doivent

bien estre réputées folles et malheurées touchant la part des Franchois, ou qu'elles doivent'estre faintes ou de couvert semblant non de meismes aux couraiges. Car tout premièrement, le roy anglois estoit venu descendre à force et puissance en Normandie, subjugant peuple et pays en sa main, et à confusion grand du roy françois. Vint après à Troyes devers luy à force et à main armée pour avoir madame Catherine, laquelle par constrainte et paour luy fut baillée plus que par amour. Se fit après seul et vray héritier de la couronne , en repulse et déshéritance du vrai hoir, seul fils du roy pour lors, le daulphin, par l’aggréement de son père. Et à ce accorder et faire sortir à effect, constraindy et tira les nobles et les estats du royaulme, et leur en fit donner promesses et scellés de perpetuellement ainsi l’entretenir, sans encoires le plus grand et le plus puissant opprobre de tout, c’estoit que soubs sa main, comme sous le flayau de Dieu, le noble sang de France succomba larmoyeusement à Azincourt. Dont à toujours mais, en perpetuité, les faces des vivans qui y avoient perdus leurs frères, parens et amis, se devoient enflamber de yre et de venin, quand se trouvèrent ensemble, car la greigneur part des princes et nobles barons du royaulme y terminèrent tous ou par mort ou par prison. Or regardez doncques, vous qui cecy lisez et sentez, quelle matière icy y a de faire grand chière et grand feste à ce roy tyrant ;'et à ce roy qui va suppéditer, la gloire et la clarté de celluy qui le conjoyst, en faisant ung ydole de luy, une ciffre qui riens ne porte d'’effect. Soubs une fainte simulacion de lui porter honneur comme à son beau père roy de France, tant qu'il vivra, s'applique à luy parforcer, et par tyrannie et en contraire de tout humain droict et divin, toute la dominacion et seignourie de ce royaulme. Certes, le personnaige avec le mistère qui en depend valoit que François en feisent grand feste, et que l'on conjoyst haultement ceste fille qui avoit espousé le

roy dont à France il ensuy ung tel fruict ;

nonobstant que tout présentement cy après Franchois veirent bien autrement encoires leur malheurée despression par ce meismes roy, le jour de la Pentheeouste à Paris, là où

les deux roys et les roynes entrés à Paris, le roy d'Angleterre, après avoir conduit le roy des Francs à son hostel à Sainct-Pol, vint logier au chastel du Louvre, luy et sa femme ; et là, le jour de la Penthecouste, séant à table avec la royne, portèrent couronne sur teste tous deux, et tindrent estat réal qui appertenoit au roy des Franchois, lequel en son simple estat, sans beubans etsans quelconque magnificence , se maintenoit en son hostel de Sainct-Pol, non visité ny accompaignyé des nobles de son royaulme , ne encoires de la communaulté du peuple qui tout s'affuioit à Louvre devers le roy anglois pour veoir son triumphe. Mais là venans et entrans, ame qui les recueillist ne qui offrit riens, ny boire ny autrement, comme ceulx qui estoient tenus en despection des Anglois et de nulle extime.

De quoy toutesvoies les notables et saiges preud'hommes parisiens, qui aultresfois avoient veus les estats du royaulme et de leur roy, où là et on leur souloit faire amour bonne chière et offrir vins à tous venans, conceurent une dure amertume en cuer, et jugèrent bien estre cecy une pugnicion dure que Dieu envoyoit au peuple françois et à ses princes , quand à leurs ennemis anciens il leur souffroit avoir et bouter dehors la corne de leur orgueil , si fière que meismes du roy françois , au milieu de son thronne, il n'en estoit nouvelles , ne de son peuple fuit réputacion aucune, non plus que d'esclaves en la main des catellans. Si en vindrent les larmes aux yeulx des Parisiens pluiseurs, voyans ceci. Et n'est merveilles si la playe d'une telle douleur conceue leur portoit une dure et amère cuisance de leur telle aventure, helas! et de quoy meismes le roy de son malheur ne faisoit compte ne extime, ains le portoit doulx et s'enryoit, comme non goustant son propre malheur. Parquoy il sembloit que Dieu proprement lui avoit ôsté lumière et condicion appertenant à roy, et donné cuer lache et endormy ‘en toute opprobre , pour humilier lui ou son peuple, ou peut estre tous deulx. Et au vray dire, bien estoit chose misérable de luy alors, car toute 1»

gloire et la puissance des nobles de son royaulme lui estoit fouriraicte lors, de son adversaire le roy Henry, et entrée avec luy

GEORGE CHASTELLAIN

en service , ou estoit contraire de luy avec

son propre fils le daulphin , ou estoit morte

en l'espée des Anglois, ou détenue en prison.

Par lesquels trois points considérés, qui sont

grans et pesans, n'est merveilles si l’estat de

luy estoit povre et sobre à ce jour solempnel,

là où le chef de l’orgueil du monde, par présumption en sa fortune, porte couronne de vaine gloire, en dépression du thronne françois. Jà soit-il toutesvoies que je ne veulx, et n'est pas. mon intencion, d'amendrir ny déprimer en nuls de mes termes l'honneur ny là gloire du vaillant prince, le roy anglois, en qui valeur et vertu maintes reluisoient, séant à hault conquéreur ; mais entens réprimer et restraindre François de leur desmeseurées présumptions en leur puissance , rabattue confuséement et estourmie soubs aultruy orgueil et tyrannie, tout ainsi que l'ung fer lime l'autre , et une petitte lime consume ung gros barreau de fer plus fort dix fois que n'est. Si ne souflisent point les choses naturelles estre seulement exemple de cecy, mais toutes histoires et escriptures du temps ancien, et souverainement de la ville, en font vraye et vive figure.